৫ মিনিটত ২০ টা গুৰুত্বপূৰ্ণ খবৰ।

Rnewsindia24.com Assam June 23/2023:- 

1. আজি ১৪ নং লখিমপুৰ লোকসভা সমষ্টিৰ অন্তৰ্গত সোৱণশিৰি মহাবিদ্যালয় খেলপথাৰত বিজেপিৰ মহা জনসম্পৰ্ক অভিযানৰ অধীনত আয়োজন কৰে ‘মহা জনসভা’।
উপস্থিত থাকে মুখ্যমন্ত্ৰী ড° হিমন্ত বিশ্ব শৰ্মা, শিক্ষামন্ত্ৰী ডাঃ ৰণোজ পেগু, সাংসদ প্ৰদান বৰুৱা, বিধায়ক ক্ৰমে- মানৱ ডেকা, বলীন চেতিয়া, ভূৱন গাম, ভূৱন পেগু, নৱ কুমাৰ দলে আৰু বহু গণ্যমান্য বক্তি।

2. কাৰ্বি আংলং স্বায়ত্ব শাসিত পৰিষদৰ প্ৰতিষ্ঠা দিৱস।
পশ্চিম কাৰ্বি আংলঙৰ ডংকামোকামত ৭২ সংখ্যক প্ৰতিষ্ঠা দিৱস।
ডংকামোকাম স্প’ৰ্টছ কমপ্লেক্সত প্ৰতিষ্ঠা দিৱসৰ পতাকা উত্তোলন কৰে CEM তুলিৰাম ৰংহাঙে ।

3. ‘পোৱালমণি চিচিঙৰ দুঃসাহসিক অভিযান’ উপন্যাসখনৰ বাবে ৰথীন্দ্ৰ গোস্বামীলৈ আগবঢ়োৱা হৈছে ২০২৩ বৰ্ষৰ শিশু-সাহিত্য অকাডেমি বঁটা।

4. ‘মন মৰা তৰা’ শীৰ্ষক চুটিগল্পৰ সংকলনৰ বাবে জিন্তু গীৰ্তাথলৈ আগবঢ়োৱা হৈছে সাহিত্য অকাডেমি বঁটা।

5. ‘সম, জিও আৰ’…’ কবিতা পুথিৰ বাবে মাইনাওশ্ৰী দৈমাৰীলৈ সাহিত্য অকাডেমি যুৱ বঁটা।

6. বড়ো ভাষাত কোকৰাঝাৰ চহৰৰ হাতীমাথাৰ নিৱাসী প্ৰতিমা নন্দী নাৰ্জাৰীলৈ “গছাইনি গৌজৌন নৌজৌৰ’’(ভগৱানৰ সুদৃষ্টি) চুটিগল্পৰ বাবে সাহিত্য অকাডেমী বঁটা৷

7. মেঘালয়ৰ সোণাপুৰত ভয়ংকৰ ভূমিস্খলন।
পাহাৰৰ মাটি খহি বন্ধ হৈ পৰে শিলচৰ-গুৱাহাটী সংযোগী পথ।
পাহাৰৰ মাটি খহি বোকাত পোত গ’ল এখন ট্ৰাক।
সোণাপুৰ টানেলৰ সমীপত সংঘটিত হয় এই ঘটনা।
কথমপি প্ৰাণ ৰক্ষা পৰে ট্ৰাক চালকৰ।

8. মাজুলীত বিপদসীমা অতিক্ৰম কৰিছে ব্ৰহ্মপুত্ৰৰ জলস্তৰে।
ইয়াৰ প্ৰতি লক্ষ্য ৰাখি অনিৰ্দিষ্ট কালৰ বাবে বন্ধ কৰা হৈছে বন্ধ ফেৰী সেৱা।
মাজুলী-নিমাতীঘাট ফেৰী সেৱা বন্ধৰ সিদ্ধান্ত লৈছে প্ৰশাসনে।

9. ১ জুলাই গুৱাহাটীলৈ আহিব বলিউডৰ মোহময়ী অভিনেত্ৰী তথা প্ৰাক্তন পৰ্ণ তাৰকা ছানি লিঅ’নি।
এক সংগীতানুষ্ঠানত উপস্থিত থাকিব অভিনেত্ৰী।

10. বঙাইগাঁৱৰ ২৭ নং ৰাষ্ট্ৰীয় ঘাইপথৰ শাকতলাত মাণিকপুৰ আৰক্ষীৰ তালাচীত বহু পৰিমাণৰ নিষিদ্ধ য়াবা টেবলেট জব্দ কৰে।
লগতে আৰক্ষীৰ হাতত ধৰা পৰে ৰাজিবুল হক নামৰ সৰবৰাহকাৰীটো।
জব্দকৃত য়াবা টেবলেটখিনিৰ মূল্য আনুমানিক ২ লাখ টকা।

11. জীয়াঢলৰ বাঢ়নী পানীত উটি গ’ল চালকসহ বাহন।
কথমপি প্ৰাণৰক্ষা ভাৰ্ণা বাহনৰ চালকৰ।

12. যোগীঘোপা বালাপাৰাত পুনৰ ভূমিস্খলন।
বন্ধ হৈ পৰে বালাপাৰা-শংকৰঘোলা সংযোগী পথ।
পাহাৰৰ পৰা মাটি-শিল খহি বন্ধ হৈ পৰে পথটো।

13. বকোৰ জামবাৰীৰ ২নং চন্দ্রপুৰত চাঞ্চল্যকৰ ঘটনা।
এজন লোকক চোকা অস্ত্রৰে আক্রমণ।
গুৰুতৰভাৱে আহত হয় মৃদুল দাস নামৰ লোকজন।

14. খুমটাইৰ ৰঙাগড়া চাহ বাগিচাত নাহৰফুটুকীৰ সন্ত্রাস।
নাহৰফুটুকীৰ আক্রমণত আহত হয় এজন শ্রমিক।
নাম আৰ্জু কুৰ্মী।

15. চামগুৰি বিলত অঘটন।
কুইণ্টলে-কুইণ্টলে মাছ মৰি ওপঙি আছে বিলত।
বিলৰ পানীত দুষ্কৃতিকাৰীয়ে বিহ মিহলাই মাছ মৰাৰ অপচেষ্টা চলোৱাৰ সন্দেহ।

16. বেকী নৈ সাঁতুৰি পাৰ কৰিবলৈ গৈ সন্ধানহীন এজন যুৱক।
সন্ধানহীন যুৱকজন বাক্সাৰ এলেংমাৰি গাঁৱৰ ৰফিকুল ইছলাম।

17. গ্ৰেপ্তাৰ হ’ল শিশু নিৰ্যাতনকাৰী প্ৰাক্তন অগপ মন্ত্ৰী হাজী আব্দুৰ ৰৌফ আৰু তেওঁৰ পত্নী।

18. গুৱাহাটী মহানগৰীত আকৌ ফুটিল জাইকাৰ পাইপ।
বৰবাৰীৰ নৱজ্যোতি ক্লাবৰ সমীপত এই অঘটন।

19. গুৱাহাটীৰ পৰা নিৰুদ্দিষ্ট বিদ্যা দেৱী নাৰ্জাৰী নামৰ এগৰাকী মহিলা।
মহিলাগৰাকীৰ সন্ধান দিওঁতালৈ পৰিয়ালৰ তৰফৰ পৰা পুৰস্কাৰ ঘোষণা।
মহিলাগৰাকীৰ সন্ধান দিলে লাভ কৰিব ৫০হাজাৰ টকাৰ পুৰস্কাৰ।

20. পাগলা নৈত মাছ ধৰিবলৈ নৈৰ সোঁতে উটুৱাই নিলে যুৱকক।
সন্ধানহীন যুৱকজন বিজনীৰ বাতেন আলী।
যুৱকজনৰ সন্ধানত অব্যাহত আছে SDRFৰ অভিযান।