টোপনি সুস্বাস্থ্যৰ মহৌষধ ৷
ৰাতিৰ ভাল টোপনিয়ে মানুহক নিৰোগী কৰি ৰাখে।
কিন্তু, বহুলোকৰ মুখত শুনা যায় অনিদ্ৰা বা ভালকৈ টোপনি নাযাই, বহুসময় বিচনাত বাগৰি থকাৰ পিছত টোপনি আহে, টোপনি আহিলেও দুই-এক ঘণ্টাৰ পিছত টোপনি ভাগি যায়, তাৰপাছত আৰু টোপনি নহা হয়, মাজৰাতিৰ পিছত টোপনি ভাগে অনেক চেষ্টা কৰিও টোপনি যাব নোৱাৰে আদি বিভিন্ন সমস্যা।
দুৰ্বল জীৱনশৈলী, চিন্তা, হতাশা, উদ্বেগ, অত্যাধিক চাপ আদি বিভিন্ন কাৰনত আমাৰ টোপনি নাহে।
জানো আহক টোপনি অহাৰ কেইটামান ঘৰুৱা উপায়ঃ
ক) নিজৰ শোৱা বিচনাৰ বিচনাচাদৰ ,গাৰুকভাৰ ,
আঠুৱা আদি চাফা হলে ভাল টোপনি আহে ৷
খ) বিচনালৈ যোৱাৰ আগত ড্ৰীম লাইট জ্বলাই পাতল মৃদু সংগীত শুনক, যিয়ে মানুহৰ মন পাতল কৰে আৰু অতি সোনকালে টোপনি আহে।
গ) সুন্দৰ টোপনিৰ বাবে শোৱাৰ আগত এগিলাছ গৰম গাখীৰ সেৱন কৰক।
ঘ) ভাল টোপনিৰ বাবে লঘু ব্যায়াম ,খোজকঢ়া আদি অভ্যাস গঢ়ি তোলক।
ঙ) ভাল টোপনিৰ বাবে আৰাম দায়ক পোছাক পৰিধান কৰক।
কপাহী ঢিলা পোচাকে সুন্দৰ টোপনিত সহায় কৰে ৷
চ) শোৱনীকোঠাত বতাহ চলাচল কৰাৰ ব্যৱস্থা থাকিলে টোপনি আহে৷
ছ) শোৱনী কোঠাগৰম দিনত কম তাপ মাত্ৰাৰ হলে ভাল টোপনি আহে।
জ) ৰাতি বিচনালৈ যোৱাৰ দুঘন্টাৰ আগতে ৰাতিৰ আহাৰ খাওক।
ঝ) বহুৰাতিলৈ টি ভি চোৱা, ম’বাইল চোৱা বন্ধ কৰক।
ঞ) ৰাতি সোনকালে শুই আৰু পুৱা সোনকালে উঠি ব্যায়াম কৰক।
ট) ৰাতি বেছি আহাৰ গ্ৰহন কৰিব নালাগে আৰু মদ্যপান বা ধূমপান বৰ্জন কৰক ।
ঠ) মনক সকলো সময়তে দুঃচিন্তাৰ পৰা মুক্ত কৰি সুস্থ ৰখাৰ চেষ্টা কৰক ।
মিচিং স্বায়ত্তশাসিত পৰিষদৰ স্বাস্থ্য বিভাগৰ আঁচনিৰ বিষয়ে জানিবলৈ চাওঁক এই বিজ্ঞাপন।
গতিকে, আজিৰ পৰা এইকেইটা উপায়েৰে ভালকৈ টোপনি মাৰি শৰীৰটো ভালে ৰাখো আহক।
কাংকান কায়োম ৰ প্ৰতিবেদন R News India 24
