চন্দ্ৰধৰ বৰুৱাৰ জন্ম হৈছিল ১৮৭৪ চনৰ ১৫ অক্টোবৰত দেৰগাঁওত।
তেখেত একাধাৰে নাট্যকাৰ, কবি আৰু গীতিকাৰ আছিল।
তেওঁ শিক্ষা জীৱনৰ পাতনি মেলে যোৰহাটত।
যোৰহাটত প্ৰাথমিক আৰু মাধ্যমিক শিক্ষা লাভ কৰাৰ পাছত ১৮৯১ চনত এণ্ট্ৰেঞ্চ পৰীক্ষা পাছ কৰে আৰু কলিকতাত কলেজীয়া শিক্ষা লাভ কৰে।
কলিকতাত কিছুদিন থকাৰ পাছত তেওঁ শিক্ষা সাং কৰি যোৰহাটলৈ উভতি আহে।
তেওঁ জগন্নাথ বৰুৱাৰ ছোৱালীক বিয়া কৰাইছিল।
কলিকতাৰ পৰা আহি তেওঁ যোৰহাটতে ওকালতি আৰম্ভ কৰে।
তাৰ পাছত ওকালতি কৰি থকাৰ লগতে তেওঁ চাহৰ বাগান খুলি চাহ ব্যৱসায়ো আৰম্ভ কৰে।
১৯২০ চনত তেওঁ দিল্লীৰ কাউন্সিল অব্ ষ্টেটৰ সভ্য নিৰ্বাচিত হয়।
১৯৩০ চনত ভাৰতৰ স্বাধীনতা সম্পৰ্কত আলোচনা কৰিবলৈ অসমৰ প্ৰতিনিধি হিচাপে ইংলেণ্ডলৈ ৰাওনা হয় আৰু ইংলেণ্ডত অনুষ্ঠিত হোৱা ঘুৰণীয়া মেজমেলত যোগদান কৰে।
সাহিত্যৰ ক্ষেত্ৰত আগবঢ়োৱা বিশেষ বৰঙণিৰ বাবে ১৯১৮ চনত তেখেতক সভাপতি হিচাবে নিৰ্বাচিত কৰে আৰু সাহিত্য সভাৰ দ্বিতীয় গোৱালপাৰা অধিৱেশনত তেখেতে সভাপতিত্ব কৰিছিল।
বৰুৱা ১৯২৬ চনৰ পৰা প্ৰকাশ হোৱা অসম সাহিত্য সভা পত্ৰিকাৰো প্ৰতিষ্ঠাপক সম্পাদক আছিল।
১৯২৯ চনত কামৰূপী সঞ্জীৱনী সভাই তেওঁক বিশেষ সাহিত্য প্ৰতিভাৰ বাবে “সাহিত্যৰত্ন”উপাধি প্ৰদান কৰে।
১৯৬২ চনত ৰত্নকোষ প্ৰকাশ কৰা হয় সংকলনটোৰ মুঠ ৩৩০০ বচনৰ যোগেদি।
এই সংকলনটো প্ৰস্তুত কৰিবলৈ তেওঁক প্ৰায় ২০ বছৰ সময় লাগিছিল।
তেখেতৰ কামৰূপ জীয়াৰী আৰু বিদ্যুদ্বিকাশ নামৰ দুখন দীঘলীয়া বৰ্ণনাত্মক কাব্য আৱাহন কাকতত প্ৰকাশ হৈছিল।
প্ৰথম খনত সতী বেউলাৰ কাহিনী আৰু দ্বিতীয় খনত বৃত্ৰাসুৰ বধৰ কথা সুন্দৰকৈ বৰ্ণনা কৰা হৈছে।
তেখেতৰ নাটক সমূহ হৈছে-
ৰত্নকোষ, মেঘনাদ বধ নাট,
ভাগ্য পৰীক্ষা, তিলোত্তমা সম্বৱ, ৰাজৰ্ষি, ৰঞ্জন,
পুনজন্ম, মোগল বিজয়,
আহোম সন্ধ্যা।
কাব্য সংকলন- কামৰূপ জীয়াৰী, বিদ্যুদ্বিকাশ ।
তেখেতৰ কৰ্মৰাজী আৰু সৃষ্টিৰাজী সদায় চিৰস্মৰণীয় হৈ থাকিব।
তেখেত ১৯৬১ চনৰ ২৬ অক্টোবৰত নিজাবাসভৱনত পৰলোক প্ৰাপ্তি ঘটে।
ধন্যবাদ
আপোনাৰ বহুমূলীয়া সময় আমাৰ ৱেবচাইটত দিয়াৰ বাবে।
এনে মহান ব্যক্তিসকলৰ জীৱনযাত্ৰাৰ বিষয়ে জানি থাকিবৰ বাবে চাই থাকিব www.rnewsindia24.com
মিচিং স্বায়ত্বশসিত পৰিষদৰ শিক্ষা বিভাগৰ আঁচনিৰ বিষয়ে জানিবলৈ q এই বিজ্ঞাপন।
News Editor Sangita Dutta Reports R News India 24
