৫ মিনিটত ২০টা গুৰুত্বপূৰ্ণ খবৰ ।

Rnewsindia24.com October 20 / 2022 :- 

1. আজি কেন্দ্ৰীয় গৃহমন্ত্ৰী অমিত শ্বাহে দিল্লীত মুকলি কৰে পেলনীয়া অৱশিষ্টৰ পৰা শক্তি নিষ্কাশন উদ্যোগ ।
তথ্য অনুসৰি, দৈনিক প্ৰায় ২ হাজাৰ মেট্ৰিক ট’ন জাবৰ নিষ্কাশন কৰা হ’ব এই উদ্যোগটোত আৰু উৎপাদন কৰা হ’ব ২০ মেগাৱাট বিদ্যুৎ শক্তি ।

2. গুজৰাটত প্রধানমন্ত্রী নৰেন্দ্র মোডীৰ মাৰাথন কার্যসূচী।
বিশ্বজুৰি হোৱা জলবায়ু পৰিৱর্তন ৰোধৰ উদ্দেশ্যে মিছন লাইফ শীর্ষক অভিলাষী কার্যসূচীৰ শুভাৰম্ভ কৰিলে প্রধানমন্ত্রী নৰেন্দ্র মোদীয়ে।
অনুষ্ঠানত উপস্থিত থাকে ৰাষ্ট্রসংঘৰ সচিবপ্রধান এণ্টনীঅ’ গুটেৰেছ।
মোডীৰ এই মিছন লাইফলৈ বিশ্বৰ আগশাৰীৰ দেশৰ ৰাষ্ট্রপ্রধানৰ সমর্থন।

3. GMCH ত চিকিৎসাধীন বৰপেটা সত্ৰৰ বুঢ়া সত্ৰীয়া বশিষ্ঠ দেৱ শৰ্মাৰ স্বাস্থ্যৰ বুজ ললে মুখ্যমন্ত্ৰী ড° হিমন্ত বিশ্ব শৰ্মাই।

4. দিপাৱলী উপলক্ষে প্ৰধানমন্ত্ৰী দেশৰ ৭৫,০০০ যুৱক-যুৱতীক চাকৰি উপহাৰ দিব প্ৰধানমন্ত্ৰী নৰেন্দ্ৰ মোদীয়ে।
সেইবোৰৰ ভিতৰত আছে প্ৰতিৰক্ষা, ৰে’লৱে, ডাক, গৃহ মন্ত্ৰালয়, চিআইএছএফ, শ্ৰম আৰু নিযুক্তি, চিবিআই, শুল্ক, বেংক, চিএএফ ইত্যাদি।

5. শপতগ্ৰহণৰ মাত্ৰ ৪৫ দিন পাছতেই ব্ৰিটেইনৰ প্ৰধানমন্ত্ৰী পদৰ পৰা পদত্যাগ লিজ ট্ৰাছৰ।

6. এইবাৰ ভুৱা বাতৰি পৰিৱেশনৰ বাবে সংবাদ প্ৰতিষ্ঠানৰ বিৰুদ্ধে গোচৰ ৰুজু নাহৰকটীয়াৰ বিধায়ক তৰংগ গগৈৰ ।
যোৱা ১৮ অক্টোবৰত নাহৰকটীয়াৰ চাচনীৰ ৩০ খন বিচনাযুক্ত চিকিৎসালয়খনৰ দুৰৱস্থাৰ বাতৰি সম্প্ৰচাৰ কৰিছিল সংবাদ প্ৰতিষ্ঠানটাৱে ।

7. মৰিয়নিৰ ৰণখামত
চৰকাৰী ভেকচিন লৈ মৃত্যু হ’ল এটি কণমানি।
ৰণখামৰ এটি ভেকচিন শিবিৰত ভেকচিন দিয়া হৈছিল শিশুটিক।
ভেকচিন লোৱাৰ পিছতেই অসুস্থ হৈ পৰিছিল শিশুটি। আৰু তাৰ পিছত বাসগৃহত মৃত্যু হয় শিশুটিৰ।

8. ১৯ অক্টোবৰত হােৱা গুৱাহাটী বিশ্ববিদ্যালয়ৰ ছাত্ৰ নিৰ্বাচনৰ ফলাফল আজি ঘােষনা কৰা হয় ।
সাধাৰণ সম্পাদকৰ পদত জয়লাভ কৰে পুণ্যব্ৰত দত্তই ,সভাপতি পদত জয়লাভ কৰে কাশ্যপ কল্যাণ গগৈয়ে।
উপ-সভাপতিৰ পদত নিৰঞ্জন বৰা, সহকাৰী সাধাৰণ সম্পাদকৰ পদত দালবীৰ সিং, সংগীত সম্পাদকৰ পদত সাধনা শৰ্মা, সাহিত্য সম্পাদকৰ পদত সৌৰভ দেউৰীয়ে জয়লাভ কৰে।

9. অক্টোবৰ মাহৰ শেষৰ ফালে একাধিক প্ৰকল্পৰ শুভাৰম্ভৰ উদ্দেশ্যে প্ৰধানমন্ত্ৰী মোডীৰ ত্ৰিপুৰা-অৰুণাচল ভ্ৰমণ কৰিব।
এই কথা জানিবলৈ দিয়ে ত্ৰিপুৰাৰ মুখ্যমন্ত্ৰী মানিক সাহাই।
অৰুণাচলৰ ডনি পোলো বিমানবন্দৰ প্ৰধানমন্ত্ৰী গৰাকীয়ে আনুষ্ঠানিকভাৱে উদ্ধোধন কৰিব বুলি ত্ৰিপুৰাৰ মুখ্যমন্ত্ৰী গৰাকীয়ে উল্লেখ কৰে।

10. ওদালগুৰিৰ ধৰমজুলি চাহ বাগিচাত কাঠফুলা খাই এটা পৰিয়ালৰে ৬ জন কৈ অসুস্থ ।
অসুস্থ সকলৰ ভিতৰত দুজনৰ অৱস্থা সংকটজনক।

11. ৰাজনৈতিক ৰণনীতিবিদ প্ৰশান্ত কিশোৰে বুধবাৰে কয় যে- বিহাৰৰ মুখ্যমন্ত্ৰী নীতিশ কুমাৰ বিজেপিৰ সৈতে যোগাযোগত আছে আৰু পুনৰ বিজেপিত যোগদানৰ সম্ভাৱণা অধিক।
কিন্তু প্ৰশান্ত কিশোৰৰ এই মন্তব্যক নীতিশ কুমাৰৰ জনতা দলেয়ে খাৰিজ কৰে আৰু কয় যে তেওঁ জনতাক বিভ্ৰান্ত কৰাৰ চেষ্টা কৰিছে।

12. নলবাৰীৰ কৈঠালকুছিত উত্তৰ ধৰ্মপুৰ আছুৰ উত্তাল প্ৰতিবাদ।
জৰাজীৰ্ণ পথ মেৰামতিৰ দাবীত এই প্ৰতিবাদ।

13. বিশ্বনাথ চাৰিআলিত আৰক্ষীৰ গুলীচালনা।গোৱালতলীত শূন্যলৈ গুলীচালনা চতিয়া আৰক্ষীৰ।এজন অপৰাধীক গ্রেপ্তাৰ কৰিবলৈ যোৱাৰ সময়তে গুলীচালনা।
অপৰাধীটোৰ নাম হৈছে জাগিৰ আলী।

14. চাবুৱাৰ এটা শিৱ মন্দিৰত দুৰ্বৃত্তৰ তাণ্ডৱ।
নিশা মন্দিৰত তলা ভাঙি শিৱৰ মূৰ্তি জ্বলাই দিলে দুৰ্বৃত্তই।
শ্মশান শিৱ মন্দিৰৰ ঘটনাক লৈ ৰাইজৰ মাজত প্রতিক্রিয়া।

15. গোৱালপাৰাত ভুৱা ইনষ্টিটিউট খুলি লাখ লাখ টকা লুণ্ঠন।
আৰক্ষীয়ে গ্ৰেপ্তাৰ কৰে প্ৰৱঞ্চক ছাহিনুৰ ইছলামক।
বহু শিক্ষাৰ্থীৰ পৰা ৯.৮৮ লাখ টকা সংগ্ৰহ কৰাৰ অভিযোগ।

16. সোণাৰিত গাহৰীসহ চাৰিখনকৈ বাহন জব্দ কৰা হৈছে।
বাক্সাৰ পৰা সোণাৰিৰ লংপতীয়ালৈ সৰবৰাহ কৰোঁতেই আৰক্ষীয়ে জব্দ কৰে গাহৰিখিনি।

17. বিতৰ্কিত DIG ৰৌণক আলি হাজৰিকাৰ বাসগৃহত EDৰ অভিযান।
ৰৌণক আলি হাজৰিকাৰ লগতে পত্নীকো EDৰ জেৰা ।
ED ৰ এটা বৃহৎ দলে অভিযান অব্যাহত ৰাখিছে হাজৰিকাৰ বাসগৃহত।

18. চুবুৰীয়া ৰাজ্যসমূহৰ সৈতে সীমা বিবাদ সন্দর্ভত চলি থকা আলোচনা শীঘ্রে শেষ কৰি সমস্যা সমাধানৰ দিশত আগবাঢ়িছে ৰাজ্য চৰকাৰ।
অসম-অৰুণাচল, অসম-মেঘালয়ৰ পাছত এইবাৰ মিজোৰামৰ সৈতে থকা বিবাদ নিস্পত্তিৰ বাবে পদক্ষেপ গ্রহণ কৰিছে ৰাজ্য চৰকাৰে আৰু নৱেম্বৰ মাহৰ প্রথম সপ্তাহত মিজোৰামৰ প্রতিনিধিৰ সৈতে বৈঠকত বহিব ৰাজ্য চৰকাৰৰ প্রতিনিধি।

19. আজি কলগাছিয়াৰ বেছিমাৰী গাঁৱৰ মজনুৰ ৰহমানৰ ঘৰৰ পৰা ৪৯.৪৪ গ্ৰাম ড্ৰাগছ উদ্ধাৰ কৰে আৰক্ষীয়ে।

20. ২০১৯ চনতে NRCৰ চূড়ান্ত তালিকা প্রকাশৰ পিছতো চৰকাৰৰ অনীহাৰ বাবেই এতিয়া ধোৱাচাঙত NRC।
এই অভিযোগেৰে NRC কার্যকৰীকৰণৰ জৰিয়তে ৰাজ্যৰ বিদেশী সমস্যা সমাধানৰ দাবী কংগ্রেছৰ।
লগতে চতুর্থ বর্গৰ চাকৰিৰ বাবে মৌখিক পৰীক্ষা পতাৰ সিদ্ধান্তৰ বিৰোধিতাৰে কংগ্রেছে সমালোচনা কৰে চৰকাৰক।

প্ৰতি দিনে নিয়মীয়াকৈ পঢ়িবলৈ নাপাহৰিব ধন্যবাদ।