হোমেন বৰগোহাঞিৰ জন্ম হৈছিল ১৯৩২ চনৰ ৭ ডিচেম্বৰত লখিমপুৰ জিলাৰ ঢকুৱাখনাত এটা আহোম পৰিয়ালত।
তেওঁৰ পিতৃৰ নাম ইন্দ্ৰধৰ বৰগোহাঞি আৰু মাতৃ নাম আইতা বৰগোহাঞি।
হোমেন বৰগোহাঞি একাধাৰে
বিশিষ্ট সাহিত্যিক, সাংবাদিক, সমালোচক, কবি আৰু গল্পকাৰ আছিল।
ডিব্ৰুগড় চৰকাৰী উচ্চতৰ মাধ্যমিক বালক বিদ্যালয়ৰ পৰা ১৯৫০ চনত তেওঁ মেট্ৰিক পাছ কৰি কটন কলেজত ভৰ্তি হয়।
১৯৫২ চনত কটন কলেজৰপৰা আই.এছ.ছি.পৰীক্ষাত উৰ্ত্তীণ হয় আৰু ১৯৫৪ চনত ইংৰাজী বিষয়ত অনাৰ্ছসহ স্নাতক ডিগ্ৰী লাভ কৰে।
১৯৫৫ চনত হোমেন বৰগোহাঞিয়ে প্ৰশাসনিক সেৱাৰ পৰীক্ষাত অৱতীৰ্ণ হয় আৰু মাজুলীত উপ-প্ৰতি সমাহৰ্তা হিচাপে কৰ্মজীৱন আৰম্ভ কৰে।
১৯৫৮ চনৰ পৰা ১৯৬০ চনলৈকে তেওঁ ছয়গাঁৱত উপ-প্ৰতি সমাহৰ্তাৰ দায়িত্বত থাকে।
১৯৬০-৬২ চনত তেওঁ গোৱালপাৰা মহকুমাৰ পৰিকল্পনা বিষয়া হিচাপে কৰ্মনিৰ্বাহ কৰে।
১৯৬৩-৬৫ চনলৈকে উত্তৰ লখিমপুৰত পৰিকল্পনা বিষয়া আৰু ১৯৬৫-৬৮ চনলৈকে যোৰহাটৰ পৰিকল্পনা বিষয়াৰ দায়িত্বত থাকে।
১৯৬৮ চনত চৰকাৰী চাকৰি পৰিত্যাগ কৰে আৰু সাপ্তাহিক নীলাচল কাকতত সম্পাদক হিচাপে সাংবাদিক জীৱন আৰম্ভ কৰে।
বৰগোহাঞিয়ে সাংবাদিক জীৱনৰ পাতনি মেলিছিল মালিগাঁৱৰপৰা প্ৰকাশিত দেৱেন্দ্ৰনাথ শৰ্মাৰ দ্বাৰা প্ৰকাশিত অসমীয়া কাকত ‘দৈিনক শান্তিদূত’ৰ জৰিয়তে ।
তেওঁ এই কাকতখনত ৪৫ দিন কাম কৰিছিল ।
এই কথা তেওঁ ‘মোৰ সাংবাদিক জীৱন’ (প্ৰথম খণ্ড) গ্ৰন্থত উল্লেখ কৰি গৈছে ৷
১৯৬০ চনৰ ১ নৱেম্বৰৰপৰা চন্দ্ৰপ্ৰসাদ শইকীয়া সম্পাদিত ‘অসম বাতৰি’ কাকতত প্ৰবন্ধ লিখাৰ কাম-কাজ আৰম্ভ কৰে ।
১৯৬৮ চনত চৰকাৰী চাকৰিৰপৰা ইস্তফা দি ‘ সাপ্তাহিক নীলাচল’ নামে এখন সাপ্তাহিক কাকত আৰম্ভ কৰে আৰু কাকতখনৰ সম্পাদকৰ দায়িত্ব লয় ।
১৯৭৭ চনলৈকে নীলাচলৰ সম্পাদকৰ দায়িত্ব লোৱাৰ লগতে একেটা বৰ্ষতে ‘সাপ্তাহিক নাগৰিক’ নামৰ কাকতখনৰ প্ৰতিষ্ঠাপক সম্পাদক হিচাপে দায়িত্ব গ্ৰহণ কৰে ।
পৰৱৰ্তী ১৯৮০ চনত ‘লোকায়ত’ কাকতৰ সম্পাদকৰ দায়িত্ব লয়।
১৯৮১ চনত কলকাতাৰপৰা প্ৰকাশিত বঙালী ভাষাৰ কাকত ‘আজকাল’ৰ তেওঁ আছিল উত্তৰ-পূৰ্বাঞ্চলৰ বিশেষ প্ৰতিনিধি।
ইয়াৰ পাছতে তেওঁ ১৯৮৭ চনত ‘সমকাল’ আৰু ১৯৮৯ চনত ‘সূত্ৰধাৰ’ আলোচনীৰ প্ৰতিষ্ঠাপক সম্পাদক ৰূপে কাৰ্যনিৰ্বাহ কৰে আৰু ১৯৯১ চনত কিশোৰ-কিশোৰীৰ বাবে প্ৰকাশিত ‘কিশোৰ’ আলোচনীৰ প্ৰতিষ্ঠাপক সম্পাদকৰ দায়িত্ব লয়।
১৯৯৩ চনত তেওঁ সাপ্তাহিক কাকত ‘অসম বাণী’ সম্পাদনাৰ দায়িত্ব লয় আৰু ১৯৯৭ চনত ‘আমাৰ অসম’ কাকতৰ সম্পাদকৰূপে দায়িত্ব ভাৰ গ্ৰহণ কৰে।
২০০৪ চনত আমাৰ অসম এৰি ‘দৈনিক বাতৰি’ কাকতৰ প্ৰতিষ্ঠাপক সম্পাদকৰ দায়িত্ব লয়।
২০০২ চনত তেওঁ উৎকৃষ্ট সংবাদ সেৱাৰ বাবে ‘জয়কৃষ্ণ ৰামদয়াল সমন্বয় বঁটা’ লাভ কৰে ।
২০০৪ চনত তেওঁ ‘আমাৰ অসম’ কাকতৰ দায়িত্ব বাদ দিয়ে ৷
২০০৫ চনৰ পৰা তেওঁ বৌদ্ধিক আলোচনী ‘সাতসৰী’ৰো সম্পাদক আছিল।
২০১৫ চনত তেওঁ নিয়মীয়া বাৰ্তা কাকতৰ মুখ্য সম্পাদকৰ দায়িত্ব লয় আৰু মৃত্যু পৰ্যন্ত নিয়াৰিকৈ এই কাকতখন চলায়।
বৰগোহাঞি আছিল অসমীয়া প্ৰতিদিন কাকতৰো স্তম্ভলেখক।
তেওঁ নিউজ লাইভ’ত ‘মুখামুখি’ শীৰ্ষক এটা অনুষ্ঠান চলোৱাৰ লগতে পৰৱৰ্তী সময়ত একেটা চেটেলাইট চেনেলতে ‘কথা-বাৰ্তা’ নামৰ এটি অনুষ্ঠান চলাইছিল ৷
১৯৫৮ চনত তেওঁ নিৰুপমা তামুলীৰে সৈতে বিবাহপাশত আবদ্ধ হয়।
নিৰুপমা বৰগোহাঞি এগৰাকী জনপ্ৰিয় লেখিকা।
তেওঁ নাৰীবাদী লেখাৰ বাবে বিখ্যাত।
তেওঁলোকৰ দুটি সন্তান- অনিন্দ্য বৰগোহাঞি আৰু প্ৰদীপ্ত বৰগোহাঞি।
প্ৰদীপ্ত বৰগোহাঞি হৈছে গুৱাহাটী বিশ্ববিদ্যালয়ৰ ইংৰাজী বিভাগৰ প্ৰবক্তা আৰু তেওঁ তেওঁৰ পিতৃৰ কেইবাখনো ৰচনাৰাজী ইংৰাজী ভাষালৈ অনুবাদ কৰিছে।
সেইসমূহৰ ভিতৰত উল্লেখযোগ্য হৈছে ২০১৭ চনত প্ৰকাশিত ‘দ্য কালেক্টেড ৱৰ্কছ্ অফ হোমেন বৰগোহাঞি’।
তেখেতৰ অমূল্য অৱদানেৰে অসমীয়া সাহিত্যক চহকী কৰি থৈ গৈছে।
তেখেতৰ কবিতাপুথি – “হৈমন্তী“।
উপন্যাস সমূহ- সাউদৰ পুতেকে নাও মেলি যায়, হালধীয়া চৰায়ে বাওধান খায়, পিতা-পুত্ৰ, নিঃসঙ্গতা,
অস্তৰাগ, তিমিৰ তীৰ্থ,
দুখন ৰাজনৈতিক উপন্যাস: কুশীলৱ, এদিনৰ ডায়েৰী,
বিষণ্ণতা, সুবালা,
মৎস্যগন্ধা, তান্ত্ৰিক ।
হোমেন বৰগোহাঞিয়ে মুঠ ৩৫ টা চুটিগল্প লিখিছে ।
তেওঁৰ উল্লেখযোগ্য চুটিগল্প সমূহ হৈছে- বিভিন্ন নৰক,
মোৰ প্ৰিয় পাঁচটা জাৰ্মান গল্প,
প্ৰেম আৰু মৃত্যুৰ কাৰণে,
স্বপ্ন, স্মৃতি আৰু বিষাদ,গল্প আৰু নক্সা, অস্তিত্বৰ জোতিৰ্ময় চেতনা আদি।
উল্লেখযোগ্য প্ৰবন্ধ সংকলন-
উচ্চাকাংক্ষা, প্ৰজ্ঞাৰ সাধনা,
আমাক কিতাপ লাগে,
কিতাপ পঢ়াৰ আনন্দ,
কাম কৰাৰ আনন্দ, জীৱনৰ মধুৰতম সময়, সুখ-দুখ, স্বাস্থ্য ৰক্ষাৰ সহজ নিয়ম, আত্ম দীপো ভৱ, অন্তহীন প্ৰেৰণা, আনন্দ আৰু বেদনাৰ সন্ধানত, বিপদৰ বন্ধু, জীৱনৰ সাধনা, মানুহ হোৱাৰ গৌৰৱ, সুস্থ দেহত সুস্থ মন, সৰল জীৱন সুখী জীৱন ।
আত্মজীৱনীমূলক – মোৰ সাংবাদিক জীৱন, ধুমুহা আৰু ৰামধেনু, আত্মানুসন্ধান,
মোৰ হৃদয় এখন যুদ্ধক্ষেত্ৰ,
জীৱন সুন্দৰ আৰু ভয়ংকৰ ।
জীৱনীমূলক গ্ৰন্থ – বেঞ্জামিন ফ্ৰেংকলিন, অন্তহীন প্ৰেৰণাৰ উৎস লুই পেষ্টিঅ’ৰ, মোৰ প্ৰিয় মানুহ ছক্ৰেটিছ, ডাৰউইন, পোহৰৰ সাধনা,
সোণাৰাম চুতীয়া: এজন অসাধাৰণ সাধাৰণ মানুহ ।
সাংবাদিকতাৰ লগতে সাহিত্য ক্ষেত্ৰত আগবঢ়োৱা অসামান্য অৱদানৰ বাবে তেওঁৰ জীৱনকালতে অলেখ বঁটা আৰু স্বীকৃতি লাভ কৰিছিল।
১৯৭৮ চনত ‘পিতা-পুত্ৰ’ উপন্যাসৰ বাবে সাহিত্য অকাডেমি বঁটা।
১৯৯২ চনত মেগৰ শৈক্ষিক ন্যাসে প্ৰদান কৰা ‘অসম উপত্যকা সাহিত্য বঁটা’।
২০০০ চনত অসম সাহিত্য সভাৰ কৃতী সাংবাদিকৰ ‘লক্ষ্মীনাথ ফুকন বঁটা’ ।
২০০২ চনত উৎকৃষ্ট সাংবাদিকতাৰ বাবে ‘জয়কৃষ্ণ ৰামদয়াল সমন্বয় বঁটা’ ।
নীলমণি ফুকন বঁটা, অসম চৰকাৰৰ শ্ৰীমন্ত শংকৰদেৱ বঁটা, মৎসেন্দ্ৰ নাথ বঁটা।
তেখেতে ২০০১-২ চনলৈকে অসম সাহিত্য সভাৰ ক্ৰমে ডিব্ৰুগড় আৰু কলগাছিয়াৰ অধিৱেশনত সভাপতিৰ আসন অলংকৃত কৰিছিল।
২০১৯ চনত সাহিত্য আৰু সংবাদ ক্ষেত্ৰলৈ আগবঢ়োৱা অৱদানৰ বাবে সাদিন-প্ৰতিদিন গোষ্ঠীয়ে আগবঢ়োৱা ‘জীৱনজোৰা সাধনা বঁটা’ লাভ কৰে।
২০২১ চনৰ পৰা প্ৰতি বছৰে ৭ ডিচেম্বৰ তাৰিখে হোমেন বৰগোহাঞিৰ জন্মদিনত অসম চৰকাৰে তেওঁৰ নামত সাহিত্যিক পেঞ্চন প্ৰদান কৰাৰ কথা ঘোষণা কৰে। বৰগোহাঞিৰ গৃহ চহৰ ঢকুৱাখানাৰ ‘হোমেন বৰগোহাঞি ট্ৰাষ্টে’ প্ৰতিবছৰে বৰগোহাঞিৰ নামত ‘হোমেন বৰগোহাঞি সাহিত্য বঁটা’ প্ৰদান কৰে।
২০১৯ চনত জীৱনীকাৰ, অনুবাদক আৰু ঔপন্যাসিক শৰ্মিষ্ঠা প্ৰীতমে এই বঁটা লাভ কৰিছে।
বৰগোহাঞিৰ উপন্যাস ‘হালধীয়া চৰায়ে বাওধান খায়’ৰ কাহিনীভিত্তিক জাহ্নু বৰুৱাৰ দ্বাৰা নিৰ্মিত একে নামৰ ছবিখনে ১৯৮৮ চনত শ্ৰেষ্ঠ ছবিৰ ৰাষ্ট্ৰীয় চলচ্চিত্ৰ বঁটা লাভ কৰাৰ লগতে আন আন্তঃৰাষ্ট্ৰীয় পৰ্যায়ৰ বঁটাও লাভ কৰিছিল।
২০২১ চনৰ ১২ মে’ত ৮৮ বছৰ বয়সত তেখেত মৃত্যু হয়।
এনে মহান ব্যক্তিসকলৰ জীৱনযাত্ৰাৰ বিষয়ে জানি থাকিবৰ বাবে চাই থাকিব www.rnewsindia24.com
মিচিং স্বায়ত্বশসিত পৰিষদৰ ক্রীড়া বিভাগৰ আঁচনি ৰ বিষয়ে জানিবলৈ চাওঁক এই বিজ্ঞাপন।
News Editor Sangita Dutta R News India 24
