15. মালেছিয়াৰ কুৱালালামপুৰত পুৱতি নিশা ভয়াৱহ ভূমিস্খলন সংঘটিত হৈছে।
এটা শিবিৰত সংঘটিত হোৱা এই ভূমিস্খলনত শিশুসহ ৯ গৰাকী লোকৰ মৃত্যু হয়।
সন্ধানহীন হৈ আছে প্ৰায় ২৫গৰাকীকৈ লোক।
উদ্ধাৰকাৰী দলে ভূমিস্খলনৰ স্থানৰ পৰা ৬০ গৰাকী লোকক সুৰক্ষিতভাৱে উদ্ধাৰ কৰিবলৈ সক্ষম হৈছে যদিও সন্ধানহীন সকলক উদ্ধাৰৰ বাবে বৰ্তমানেও অব্যাহত আছে উদ্ধাৰ অভিযান।
16. পদক বিজয়ীসকলক সন্মান জনোৱাৰ বাবে মণিপুৰ অলিম্পিক পাৰ্কত স্থাপন কৰা হৈছে ১৯গৰাকী খেলুৱৈৰ প্ৰতিমূৰ্তি ।
বৰ্তমানেও উদ্যানখন উদ্বোধন কৰা হোৱা নাই।
কিংবদন্তী বক্সাৰ এম চি মেৰীকমৰ প্ৰতিমূৰ্তিও স্থাপন কৰা হৈছে উক্ত পাৰ্কত।
কিন্তু এই প্ৰতিমূৰ্তিক লৈ অসন্তুষ্টি প্ৰকাশ কৰিছে মেৰীকমৰ স্বামীয়ে।
প্ৰতিমূৰ্তিটো মেৰীকমৰ দৰে একে হোৱা নাই বুলি মন্তব্য স্বামীৰ।
Mising Autonomous Council .
17. মহানগৰীৰ নাৰেংগীত ৰে’ল দুৰ্ঘটনাত নগাঁও ছোৱালী মহাবিদ্যালয়ৰ অধ্যাপিকা ড° সঞ্জিতা সিংহৰ মৃত্যু হয়।
কলংপাৰ ৰে’লৰ পৰা নমাৰ সময়তে এই ঘটনা সংঘটিত হয়।
ভৰি পিছলি ৰে’লৰ তলত সোমাই মৃত্যু হয় অধ্যাপিকা গৰাকী।
18. বিলাসীপাৰাৰ ৰাজপথত পুনৰ সংঘটিত হ’ল এক ভয়ংকৰ পথ দুৰ্ঘটনা।
ঘন কুঁৱলীৰ বাবে মুখামুখি সংঘৰ্ষ হয় ৩খনকৈ ট্ৰাকৰ মাজত।
থিতাতে নিহত হ’ল এজন গাড়ীচালক।
আনহাতে একেটা দিনতে লখিমপুৰত ট্ৰেক্টৰৰ চেঁপাত প্ৰাণ গ’ল কলেজীয়া ছাত্ৰীৰ।
19. লংকাত আৰক্ষীৰ অভিযান।
অভিযানত জব্দ কৰে বৃহৎ পৰিমাণৰ বাৰ্মিজ চুপাৰি।
এখন মালবাহী মেজিক বাহনৰ পৰা জব্দ কৰে চুপাৰিখিনি।
ঘটনা সন্দৰ্ভত চালকসহ ৩ জনক আটক কৰে আৰক্ষীয়ে।
