৫ মিনিটত ২০টা গুৰুত্বপূৰ্ণ খবৰ।

Rnewsindia24.com January 5/2023:- 

1. “বিকাশৰ বাবে এদিন” কাৰ্যসূচীৰ অংশ হিচাপে শ্ৰীমন্ত শংকৰদেৱ কলাক্ষেত্ৰ চৌহদত এটি প্ৰেক্ষাগৃহ নিৰ্মাণৰ আধাৰশিলা স্থাপন কৰে মুখ্যমন্ত্ৰী ড° হিমন্ত বিশ্ব শৰ্মাই।
৮০০ আসনযুক্ত অত্যাধুনিক এই প্ৰেক্ষাগৃহটো ৪৪.২৬ কোটি টকা ব্যয় সাপেক্ষে নিৰ্মাণ কৰা হ’ব।
আধাৰশিলা স্থাপন অনুষ্ঠানত উপস্থিত থাকে বিমল বড়া, ৰণজিৎ কুমাৰ দাস, শ্ৰীমন্ত শংকৰদেৱ কলাক্ষেত্ৰ সমাজৰ সচিব সুদৰ্শন ঠাকুৰৰ লগতে আন কেইবাগৰাকী বিশিষ্ট ব্যক্তি।

2. কলগাছিয়াৰ বৰপেটা অসামৰিক চিকিৎসালয়ত ভয়ংকৰ মাৰপিট।
কৰ্মৰত চিকিৎসক ডাঃ বাবলু দাসক আক্ৰমণ কৰে ওৱাহাব আলী নামৰ এজন ব্যক্তিয়ে।
আক্ৰমণকাৰী তিনিজনক গ্ৰেপ্তাৰ কৰে কলগাছিয়া আৰক্ষীয়ে।

3. মহানগৰ কামৰূপ জিলাৰ সংহত উপায়ুক্তৰ কাৰ্যালয় নিৰ্মাণৰ বাবে আয়োজিত ভূমি পূজন অনুষ্ঠানত অংশগ্ৰহণ কৰে মুখ্যমন্ত্ৰী ড° হিমন্ত বিশ্ব শৰ্মাই।
লগতে উপস্থিত থাকে ৰণজিৎ কুমাৰ দাস আৰু কামৰূপ মহানগৰ জিলাৰ উপায়ুক্ত পল্লৱ গোপাল ঝাও আৰু বহু গন্য মান্য ব্যক্তি।

4. আন্তঃৰাষ্ট্ৰীয় পৰ্যায়ত সুখ্যাতি টিহুৰ সাগৰিকা গোস্বামীয়ে
২০২৩ বৰ্ষৰ আৰম্ভণীতে লাভ কৰে “ইণ্ডিয়াজ ৱৰ্ল্ড ৰেকৰ্ড”ৰ সন্মান।

5. গুৱাহাটী খানাপাৰাত ৫,০০০ আসনযুক্ত এটি আন্তঃৰাষ্ট্ৰীয় প্ৰেক্ষাগৃহৰ ভূমি পূজন কৰে মুখ্যমন্ত্ৰী ড° হিমন্ত বিশ্ব শৰ্মাই।
১৮৫ কোটি টকা ব্যয় সাপেক্ষে নিৰ্মাণ হ’বলগীয়া এই প্ৰেক্ষাগৃহৰ কাম ২৪ মাহৰ ভিতৰত সম্পূৰ্ণ কৰা হ’ব।
অনুষ্ঠানটিত উপস্থিত থাকে মন্ত্ৰী অতুল বৰা, ৰণজিৎ কুমাৰ দাস আৰু বহু গন্য মান্য ব্যক্তি।

6. নগাঁও সদৰ থানাত বিহাৰৰ কিন্নৰৰ বিৰুদ্ধে এজাহাৰ দাখিল।
এজাহাৰ দাখিল কৰিলে নগাঁৱৰ বহু কিন্নৰে।
স্বপ্না নামৰ এগৰাকী বিহাৰী কিন্নৰৰ বিৰুদ্ধে অভিযোগ উঠিছে।
মাহে ২০ হাজাৰ টকা কিন্নৰ টেক্স বিচাৰি মাৰপিট কৰাৰ অভিযোগত নগাঁও সদৰ থানাত এজাহাৰ দাখিল কৰে।

7. মঙলদৈৰ ঐতিহ্যমণ্ডিত সামাজিক সাংস্কৃতিক অনুষ্ঠান ‘Youth Club’ ৰ সোণালী জয়ন্তী সমাৰোহ।
৬ জানুৱাৰীৰ পৰা আৰম্ভ হব সোণালী জয়ন্তী সমাৰোহ।
৬ তাৰিখৰ পৰা হ’বলগীয়া সোণালী জয়ন্তী বৰ্ষৰ সামৰণি অনুষ্ঠানৰ বাবে চলিছে ব্যাপক প্ৰস্তুতি।

8. বৃহস্পতিবাৰে আদালতত হাজিৰ কৰোৱা হ’ল দিল্লীৰ হিট এণ্ড ৰাণ ঘটনাত জড়িত ৫ জন অভিযুক্তক।
পুনৰ ৪ দিন আৰক্ষীৰ জিম্মাত থাকিব ৫ জন অভিযুক্ত।
ইফালে তদন্তত পোহৰলৈ আহিছে ন ন তথ্য।
ঘটনাত জড়িত আছিল ৭ জন যুৱক।
পলাতক ২ যুৱকক লৈ অভিযান অব্যাহত আৰক্ষীৰ।

9. জিলা বিলুপ্তিকৰণৰ বিৰোধিতাৰে বজালীত তৃণমূল কংগ্ৰেছৰ ধৰ্ণা-প্ৰতিবাদ।
চৰকাৰৰ বিৰুদ্ধে একত্ৰিত নোহোৱা বাবে সকলো ৰাজনৈতিক দলৰ লগতে মিডিয়াকো দোষাৰোপ কৰে ৰিপুন বৰাই।
তৃণমূল কংগ্রেছৰ বাহিৰে সকলো দলৰে গোপন মিত্ৰতা আছে বিজেপি দলৰ।
ৰাজ্যসভাৰ নিৰ্বাচনৰ পূৰ্বে ৰিপুন বৰাই কেন্দ্ৰীয় মন্ত্ৰীপদৰ অফাৰ পাইছিল বিজেপিৰ পৰা।

10. ১৫ বছৰ সম্পূৰ্ণ হ’ল উৎপল ধনজিৎ কেলেণ্ডাৰৰ।
অসম গ্ৰন্থমেলাত মুকলি কৰা হ’ল কেলেণ্ডাৰখন ।
সমাজ জীৱনত অৰিহণা আগবঢ়োৱা লোকৰ ফটো সংলগ্ন কৰা হয় কেলেণ্ডাৰখনত।
কেলেণ্ডাৰখন উন্মোচন কৰে ধনজিৎ দাস, উৎপল দত্ত, অৱনী বৰা, সৌম্যদ্বীপ দত্তই।

11. শীঘ্ৰে গুৱাহাটীৰ নিৰাপত্তাৰ বাবে গৃহীত হ’ব আইন।
‘৫জনতকৈ বেছি কৰ্মচাৰী থকা দোকানত লগাব লাগিব CCTV ।
নিজা খৰচত চৰকাৰী নিৰ্দেশনা অনুযায়ী লগাব লাগিব CCTV ।
চৰকাৰী বিভাগীয় কাৰ্যালয়তো লগাব লাগিব CCTV।
বিভাগীয় খৰচেৰে চৰকাৰী নিৰ্দেশনা অনুযায়ী লগাব লাগিব CCTV।
প্ৰতিটো CCTV ৩ মাহৰ STORAGE ক্ষমতা থাকিব লাগিব ।
২০২৩ৰ ডিচেম্বৰ পৰ্যন্ত মহানগৰীত ১ লাখৰো অধিক CCTV সংস্থাপনৰ লক্ষ্য।
অৱশ্যে আৱাসগৃহসমূহৰ বাবে CCTV সংলগ্নত নাথাকে বাধ্যবাধকতা ।
এপ্ৰিলত বলৱৎ হ’ব এই আইন’- এই মন্তব্য কৰে মুখ্যমন্ত্ৰী ড° হিমন্ত বিশ্ব শৰ্মাই।

12. দুলীয়াজানৰ পৰা অপহৃত ছাত্ৰীক বঙাইগাঁৱত উদ্ধাৰ কৰা হৈছে।
বঙাইগাঁৱত অভিযান চলাই আৰক্ষীয়ে উদ্ধাৰ কৰে ছাত্ৰীগৰাকীক।
বৰ্তমানেও পলাতক মূল অভিযুক্ত জাহিদু আলী।

13. “২০২৪ বৰ্ষৰ পহিলা জানুৱাৰীত মুকলি কৰা হব ৰাম মন্দিৰ”- ঘোষনা গৃহমন্ত্ৰী অমিত শ্বাহৰ

14. মিৰ্জাত দিবা-নৈশ ক্ৰিকেট প্ৰতিযোগিতাৰ উদ্বোধনী অনুষ্ঠানত হাতত বেট লৈ খেলপথাৰত নামিল শিক্ষামন্ত্ৰী ডাঃ ৰণোজ পেগু।
উদ্বোধনী খেলৰ প্ৰাকমুহূৰ্তত অনুষ্ঠিত হয় এখন প্ৰীতি খেল।
মিডিয়া একাদশ আৰু বিধায়ক একাদশৰ মাজত অনুষ্ঠিত হয় খেলখন।

15. গোলকগঞ্জৰ হৰিৰহাট বজাৰত বিধ্বংসী অগ্নিকাণ্ড।
অগ্নিকাণ্ডত ভস্মীভূত হয় ৬ খনকৈ ব্যৱসায়িক প্ৰতিষ্ঠান।
জুইত জাহ যায় ৫০ লাখ টকাৰ সা-সম্পত্তি।
অগ্নিনিৰ্বাপন বাহিনীয়ে নিৰ্বাপন কৰে জুই।
বৰ্তমানলৈ জানিব পৰা হোৱা নাই জুইৰ লগাৰ কাৰন।

16. চিলাপথাৰত বিধ্বংসী অগ্নিকাণ্ড।
অগ্নিকাণ্ডত ভস্মীভূত হয় ৮ খনকৈ ব্যৱসায়িক প্ৰতিষ্ঠান, লক্ষাধিক টকাৰ সা-সামগ্ৰী।
বৰ্তমানলৈ জানিব পৰা হোৱা নাই জুই লগাৰ কাৰন।

17. শ্ৰীমন্ত শংকৰদেৱ সংঘৰ গহপুৰ জিলা অধিৱেশন।
৩ ফেব্ৰুৱাৰীৰ পৰা গহপুৰ খাটৰবাৰীত অনুষ্ঠিত হ’ব জিলা অধিৱেশন।
ইতিমধ্যে গহপুৰৰ বিধায়ক উৎপল বৰাৰ উপস্থিতিত স্থাপন কৰা হৈছে অনুষ্ঠানৰ লাইখুঁটা।

18. ১৯ জানুৱাৰীৰ পৰা আৰম্ভ হব মৰিগাঁৱত তিৱাসকলৰ ঐতিহাসিক জোনবিল মেলা।
আধুনিক মুদ্রাৰ বিপৰীতে মেলাত প্ৰচলন হ’ব বিনিময় প্ৰথা।
মেলাত উপস্থিত থাকিব মুখ্যমন্ত্ৰী ড° হিমন্ত বিশ্ব শৰ্মা।

19. নিশা কৰিমগঞ্জত ভয়ংকৰ ঘটনা সংঘটিত হয়।
দলং ভাগি কচুৱা নৈত পৰিল শ্ৰমিক।
৫জন শ্ৰমিকক সংকটজনক অৱস্থাত হাস্পতালত ভৰ্তি কৰোৱা হৈছে।
দলং নিৰ্মাণৰ কাম কৰি থাকোতেই সংঘটিত হয় এই ঘটনা।

20. ৰে’ল ষ্টেচনৰ প্লেটফৰ্মত দুফালে পৰি ৰৈছে দুটা মৃতদেহ।
তাৰে এগৰাকী মহিলা আৰু আনজন পুৰুষ।
পৰ্যাপ্ত কাপোৰৰ অভাৱৰ বাবেই শীতত দুয়োৰে মৃত্যু হোৱাৰ সন্দেহ প্ৰকাশ কৰা হৈছে।
লামডিঙত সংঘটিত হৈছে এই হৃদয়বিদাৰক ঘটনা।
ৰে’ল জংচনটোত খোজনীয়া হিচাপে দুয়োকে প্ৰত্যক্ষ কৰিছিল বহুজনে।