৫ মিনিটত ২০টা গুৰুত্বপূৰ্ণ খবৰ।

Rnewsindia24.com January 17/2023:- 

1. বিজেপিৰ ৰাষ্ট্ৰীয় কাৰ্যনিৰ্বাহকৰ আজি দ্বিতীয় দিন।
কাৰ্যনিৰ্বাহকত অংশ গ্ৰহন কৰে প্ৰধানমন্ত্ৰী নৰেন্দ্ৰ মোদী, গৃহমন্ত্ৰী অমিত শ্বাহ, প্ৰতিৰক্ষামন্ত্ৰী ৰাজনাথ সিঙকে ধৰি কেন্দ্ৰীয় মন্ত্ৰী আৰু কেইবাখনো ৰাজ্যৰ মুখ্যমন্ত্ৰী ।
২০২৪ৰ নিৰ্বাচনক লৈ ৰণকৌশল প্ৰস্তুত হৈছে এই কাৰ্যনিৰ্বাহকত।

2. বিজেপিৰ ৰাষ্ট্ৰীয় সভাপতি হিচাপে জে পি নাড্ডাৰ কাৰ্যকাল বৃদ্ধি।
২০২৪ৰ জুনলৈকে ৰাষ্ট্ৰীয় সভাপতিৰ দায়িত্ব বহন কৰিব জে পি নাড্ডাই।

3. ভাৰতৰ সৈতে পাকিস্তানে তিনিখন যুদ্ধ কৰি শিকনি লাভ কৰিছে বুলি স্বীকাৰ কৰিছে পাক প্ৰধানমন্ত্ৰী শ্বাহবাজ শ্বৰীফে।
টেলিভিশ্বনৰ এক সাক্ষাৎকাৰত প্ৰধানমন্ত্ৰীগৰাকীয়ে কয়, ভাৰত-পাকিস্তানৰে হোৱা তিনিখন যুদ্ধই জনসাধাৰণক কেৱল দুখ, দৰিদ্ৰতা আৰু নিৱনুৱা সমস্যাহে প্ৰদান কৰিলে।
শান্তিৰ জৰিয়তেহে আমি আমাৰ সমস্যাবোৰ সমাধান কৰিবলৈ সক্ষম হ’ম।’
অনাগত দিনত সন্ত্ৰাসবাদৰ জড়িয়তে পাকিস্তানৰ সম্পদসমূহ আৰু নষ্ট নকৰে বুলিও বহুকেইটা বাৰ্তা প্ৰধানমন্ত্ৰী নৰেন্দ্ৰ মোদীলৈ প্ৰেৰণ কৰিছে পাক প্ৰধানমন্ত্ৰীগৰাকীয়ে।

4. ৰাজ্যৰ ভিন্ন প্ৰান্তত সুন্দৰৰ পূজাৰী ৰূপকোঁৱৰ জ্যোতিপ্ৰসাদ আগৰৱালাক স্মৰণ কৰিছে।
ৰূপকোঁৱৰগৰাকীয়ে জন্মগ্ৰহণ কৰা তামোলবাৰী চাহ বাগিছাৰ ‘জ্যোতি তীৰ্থ’তো স্মৰণ কৰে শিল্পীগৰাকীক।

5. বিপদজনক অৱস্থাত আছে গুৱাহাটীত প্ৰদূষণৰ মাত্ৰা।
Air quality index-এ গুৱাহাটীত পাৰ কৰিছে বিপদসীমা।
ধূলিকণা আৰু গাড়ী-মটৰৰ বাবে আটাইতকৈ বেছি প্ৰদূষিত হৈছে গুৱাহাটী।
গুৱাহাটীৰ বৰ্তমান Air Quality Index হৈছে ৩৫০।
প্ৰদূষণ নিয়ন্ত্ৰণৰ বাবে বৃক্ষ ৰোপনৰ আহ্বান প্ৰদূষণ নিয়ন্ত্ৰণ বোৰ্ডৰ।

6. গহপুৰৰ শংকৰদেৱ শিক্ষা নিকেতন স্থাপনৰ পাছত প্ৰথমটো বেটচে সাফল্য কঢ়িয়াই আনিলে বিদ্যালয়খনলৈ।
প্ৰজ্ঞান ভাৰতী আঁচনিৰ অধীনত ৫৭খন স্কুটী লাভ কৰিলে মেধাৱী ছাত্ৰ-ছাত্ৰী সকলে।

7. মহানগৰীৰ দিশপুৰ মথুৰা নগৰত ভোগালী উৎসৱ উদযাপন৷
উত্তৰ দিশপুৰ জ্যেষ্ঠ নাগৰিক সন্থাৰ উদ্যোগত আয়োজন হৈছে এই অনুষ্ঠান৷
বিহুৰ লগত সংগতি ৰাখি বিভিন্ন খেল-ধেমালিৰো আয়োজন কৰা হৈছে।

8. জংঘল এৰি মূল সুঁতিলৈ KLOৰ অধ্যক্ষ জীৱন সিংহ।
মধ্যস্থতাকাৰী দিলীপ নাৰায়ণ দেৱৰ লগত ওলাই আহিছে KLOৰ কেডাৰসকল।
সংগঠনৰ কেডাৰৰ দাবী-শান্তি আলোচনা প্ৰসংগত কেন্দ্ৰৰে চলিছে কথা-বাৰ্তা।
অসম ৰাইফলছৰ সৈতেও অব্যাহত আছে যোগাযোগ।
জীৱন সিংহক গুৱাহাটীলৈ অনাৰো সম্ভাৱনা আছে।

9. ছয়গাঁৱৰ জালুকবাৰীত বন্যহস্তীৰ সন্ত্ৰাস।
বন্যহস্তীৰ আক্ৰমণত মৃত্যু হৈছে গিৰেন্দ্ৰ ৰাভা নামৰ এজন লোক।
প্ৰায়ে বন্যহস্তীয়ে চলায় উপদ্ৰপ।

10. বিৰাট কোহলীয়ে ৭১ সংখ্যক শতক অৰ্জন নকৰালৈকে বিবাহপাশত আবদ্ধ নোহোৱাৰ পণ লৈছিল ক্ৰিকেটাৰগৰাকীৰ এগৰাকী অনুৰাগীয়ে।
পিছে অনুৰাগীগৰাকীৰ বিবাহৰ দিনটোতেই বিৰাটে অৰ্জন কৰিলে তেওঁৰ ক্ৰিকেট জীৱনৰ ৭৪ সংখ্যক শতৰাণ।
বিৰাটৰ শতক অৰ্জনৰ পাছতেই আনন্দিত হৈ পৰিছে অমন আগৰৱাল নামৰ অনুৰাগীগৰাকী।
টুইটাৰ দৰাৰ সাজত থকা এখন ফটো শ্বেয়াৰ কৰি তেওঁ লিখিছে, ‘মই তেওঁক ৭১ সংখ্যক শতক অৰ্জন কৰিবলৈ কৈছিলো, কিন্তু তেওঁ মোৰ বিশেষ দিনটোত ৭৪ সংখ্যক শতক অৰ্জন কৰিলে।’

11. কৰিমগঞ্জত আৰক্ষীৰ ড্ৰাগছবিৰোধী বৃহৎ অভিযান।
বাগাৰগুল এলেকাত জব্দ কৰে প্ৰায় ৪০ কোটি টকাৰ ড্ৰাগছ।
নিশ্চিন্তপুৰ গাঁৱৰ পৰা ৮৮ কিঃগ্ৰাঃ ইয়াবা টেবলেট জব্দ কৰে।
এখন অল্ট’ বাহনেৰে সৰবৰাহ কৰাৰ সময়ত জব্দ কৰে টেবলেটখিনি।
জামালুদ্দিন নামৰ এটা সৰবৰাহকাৰীক আটক কৰে আৰক্ষীয়ে।
সম্প্ৰতি সৰবৰাহকাৰীটোক সোধা-পোছা কৰে আৰক্ষীয়ে।

12. সোণাপুৰত চোৰ বিচাৰি গৈ আহত হয় ASI।
চোৰৰ দাৰ ঘাপত আহত হয় ASI পৱন বৰ্মন।
ASI গৰাকী হৈছে সোণাপুৰ আৰক্ষী থানাৰ পৱন বৰ্মন।
ষ্ট্ৰীট লাইট চুৰি সন্দৰ্ভত অনুসন্ধানৰ বাবে গৈছিল বিষয়া গৰাকী।
আঘাতপ্ৰাপ্ত ASI পৱন বৰ্মনক চিকিৎসালয়ত ভৰ্তি কৰোৱা হৈছে।
ডিগাৰুৰ জাৰিকুছি গাঁৱত সংঘটিত হৈছে এই ঘটনা।
ধৃত চোৰ বৈকুণ্ঠ দাসক আটক কৰে আৰক্ষীয়ে।

13. নাজিৰাৰ শ্ৰীশ্ৰী বুদবাৰী সত্ৰত সাংস্কৃতিক অনুষ্ঠান।
সংঘৰ প্ৰাংগণত আয়োজন কৰা হৈছে ‘মাঘৰ হিমসনা এনিশা’ অনুষ্ঠান।
সাংস্কৃতিক অনুষ্ঠানৰ শুভাৰম্ভণি কৰে মহকুমা আৰক্ষী বিষয়া শুভলক্ষ্মী দত্তই।

14. অৰুণাচলীৰ আক্ৰমণৰ বাবে পলায়ন কৰিছে অৰুণাচল বিশ্ববিদ্যালয়ৰ অধ্যাপকে।
অসমৰ অধ্যাপক ৰূপজ্যোতি বৰাই প্ৰাণ লৈ পলায়ন কৰিছে নামচাইৰ পৰা।
এগৰাকী অধ্যাপিকাৰ ছুটী মঞ্জুৰ নকৰাৰ বাবে ৰোষৰ বলি অধ্যাপক বৰা।
অধ্যাপিকাগৰাকীৰ স্বামীয়ে বলপূৰ্বক ভাৱে গাড়ীত উঠাই লৈ গৈছিল ৰূপজ্যোতি বৰাক।

15. ২০২৪ৰ লোকসভা নিৰ্বাচনৰ বাবে তৎপৰ কংগ্ৰেছ।
হাই কমাণ্ডলৈ প্ৰেৰণ কৰিলে প্ৰতিটো সমষ্টিৰ প্ৰাৰ্থীৰ পেনেল।
১৪টা সমষ্টিৰ বাবে প্ৰস্তুত কৰা হৈছে ৫০ জনীয়া তালিকা।

16. ড্রাগছসহ গ্রেপ্তাৰ কৰা হৈছে মণিপুৰ আৰক্ষীৰ জোৱান।
মণিপুৰৰ ম’ৰেত আৰক্ষীয়ে জব্দ কৰে ড্রাগছখিনি।
ড্রাগছ সৰবৰাহত জড়িত ৫ আৰক্ষী জোৱানক সোধা-পোছা কৰে।

17. লামডিং আৰক্ষীৰ গাফিলতিত নিশা আচামী পলায়ন।
হোজাই শংকৰদেৱ আদালতৰ পৰা আনি থকাৰ সময়তে পলায়ন কৰে আচামীয়ে।
নিশা আচামীক বিচাৰি বনাঞ্চলে বনাঞ্চলে আৰক্ষীৰ অভিযান।
সমগ্ৰ ঘটনা গাপ দিয়াৰ চেষ্টা লামডিং আৰক্ষীৰ।
আচামীক বিচাৰি যোৱাৰ সময়ত গুৰুত্বৰ ভাৱে আহত হয় এজন আৰক্ষী।
অৱশেষত আচামীটোক কৰায়ত্ত কৰে আৰক্ষীয়ে।

18. লংকাত পুৱতি নিশা ভয়ংকৰ অগ্নিকাণ্ড।
জুইত জাহ গ’ল ৪ খনকৈ ব্যৱসায়িক প্রতিষ্ঠান।
ইছলামবস্তিত সংঘটিত হৈছে এই ঘটনা।
অগ্নিনিৰ্বাপন বাহিনীয়ে জুই নিৰ্বাপন কৰে।
জুইত প্ৰায় ১২ লাখ টকাৰ সা-সম্পত্তি ধংস হয়।

19. লখিমপুৰৰ পাভ বনাঞ্চলৰ কাষৰীয়া অঞ্চলত অঘটন।
গঁড়ৰ আক্রমণত আহত হয় এজন লোক।
ম’হঘুলিত সংঘটিত হৈছে এই ঘটনা।
ক্ষেত্রীৰ মালয়বাৰীত গঁড়ৰ আতংক।
বৰঘূলিৰ খেতি পথাৰত এটা গঁড়ৰ মুক্ত বিচৰণ।
গঁড়ৰ আক্রমণৰ ফলত আহত হয় এজন লোক।
আহত লোকজনৰ নাম লোহিত দাস বুলি জানিব পৰা গৈছে।
বৰ্তমান তেখেতক চিকিৎসালয়ত ভৰ্তি কৰোৱা হয়।

20. গীতানগৰ আৰক্ষীৰ জালত বৃহৎ চোৰৰ দল।
বামুনীমৈদামৰ ভাস্কৰ নগৰৰ পৰা গ্ৰেপ্তাৰ কৰা হৈছে এটা ৫ জনীয়া চোৰৰ দল।
চোৰকেইটাৰ পৰা উদ্ধাৰ কৰে বহুকেইটা পানীৰ মটৰ, বেটাৰী আৰু আন আন সামগ্ৰী।

প্ৰতি দিনে নিয়মীয়াকৈ পঢ়িবলৈ নাপাহৰিব ধন্যবাদ।