৫ মিনিটত ২০ টা গুৰুত্বপূৰ্ণ খবৰ। - RnewsIndia24
Skip to content
মিচিং স্বায়ত্বশসিত পৰিষদৰ বিজ্ঞাপনৰ সবিশেষ।
Rnewsindia24.com Assam May 22/2023:-
1. আজি ঘোষণা হ’ল মেট্ৰিকৰ ফলাফল।
অৱতীৰ্ণ পৰীক্ষাৰ্থীৰ সংখ্যা ৪ লাখ ১৫ হাজাৰ ৩২৩জন।
উত্তীৰ্ণ পৰীক্ষাৰ্থীৰ সংখ্যা ৩,০১,৮৭৯জন।
প্ৰথম বিভাগত উত্তীৰ্ণ ৯৪,৯১২জন।
দ্বিতীয় বিভাগত উত্তীৰ্ণ ১,৪৮,৫৭৩জন।
তৃতীয় বিভাগত উত্তীৰ্ণ ৫৮,৩৯৪জন।
উত্তীৰ্ণৰ হাৰ ৭২.৬৯%.
ৰাজ্যৰ ভিতৰত প্ৰথম স্থান লাভ ঢেকীয়াজুলিৰ শংকৰদেৱ শিশু নিকেতনৰ হৃদম ঠাকুৰীয়া।
দ্বিতীয় স্থানত লাভ নগাঁও চৰকাৰী উচ্চতৰ মাধ্যমিক বিদ্যালয়ৰ ঈশ্ৰাত ফাৰিহা, সোণাৰীৰ চেইণ্ট জোফেছ স্কুলৰ আদিত্য অনুপম কোৱৰ, নলবাৰীৰ আনন্দ বিদ্যা নিকেতনৰ লাকী দেৱী চৌধুৰী আৰু মনমিতা শৰ্মা।
তৃতীয় স্থান লাভ দৰঙৰ দুমুনিচকী ইংলিছ স্কুলৰ নিলোফাৰ ৰহমান, গোলাঘাট ভোলাগুৰিৰ আদৰ্শ বিদ্যাপীঠৰ অনিন্দিতা বৰা,
নলবাৰী বাহৰঘাট শংকৰদেৱ শিশু নিকেতনৰ মৃগাংক ভট্টাচাৰ্য।
2. দেশবাসীৰ বাবে সুখবৰ।
একেদিনাই দুখনকৈ দেশৰ সৰ্বোচ্চ সন্মান লাভ কৰিলে প্ৰধানমন্ত্ৰী নৰেন্দ্ৰ মোদীয়ে ।
পাপূৱা নিউ গিনী আৰু ফিজিৰ চৰকাৰে প্ৰধানমন্ত্ৰী মোদীলৈ আগবঢ়াইছে দুয়োখন ৰাষ্ট্ৰৰে সৰ্বোচ্চ অসামৰিক সন্মান।
3. গুৱাহাটী কেন্দ্ৰীয় কাৰাগাৰ পৰিদৰ্শন কৰে জিলা উপায়ুক্ত পল্লৱ গোপাল ঝা এ।
কাৰাগাৰ চৌহদত এটা খোৱাপানী যোগান প্ৰকল্প উদ্বোধন কৰে পল্লৱ গোপাল ঝাই।
কাৰাগাৰৰ কৰ্তৃপক্ষক অত্যাৱশ্যকীয় চিকিৎসা সামগ্ৰীয়ো প্ৰদান কৰে উপায়ুক্তগৰাকীয়ে।
4. ‘নকল টকা আৰু সোণৰ বিৰুদ্ধে আইনমতে এতিয়া একশ্যন হ’ব’।
লখিমপুৰত আৰক্ষী অধীক্ষকৰূপে যোগদান কৰিয়েই হুংকাৰ IPS আনন্দ মিশ্ৰৰ।
5. মেট্ৰিকত শীৰ্ষস্থান দখল কৰা হৃদম ঠাকুৰীয়াৰ শিক্ষাৰ দায়িত্ব গ্ৰহণ কৰিব ৰাজ্য চৰকাৰৰ মন্ত্ৰী অশোক সিংঘালে।
পৰীক্ষাৰ ফলাফলত আনন্দ ব্যক্ত কৰি সামাজিক মাধ্যমযোগে এই ঘোষণা কৰে মন্ত্ৰীগৰাকীয়ে।
আনহাতে হৃদমে অধ্যয়ন কৰা ঢেকীয়াজুলীৰ শংকৰদেৱ শিশু নিকেতনলৈও বিধায়ক পুঁজিৰ পৰা ২০ লাখ টকা প্ৰদানৰ ঘোষণা কৰে মন্ত্ৰীগৰাকীয়ে।
6. হাইস্কুল শিক্ষান্ত পৰীক্ষাৰ ফলাফলত শীৰ্ষ ১০ত স্থান লাভ কৰা পাটাছাৰকুছি সমষ্টিৰ তিনিগৰাকী শিক্ষাৰ্থীক সাক্ষাৎ কৰে মন্ত্ৰী ৰঞ্জিত কুমাৰ দাসে।
সপ্তম স্থান দখল কৰা প্লাৱিতা দাস, অষ্টম স্থান দখল কৰা নিশান্ত লহকৰ, দশম স্থান দখল কৰা প্ৰজ্ঞান শৰ্মাক সম্বৰ্ধনা জ্ঞাপন কৰে মন্ত্ৰীগৰাকীয়ে।
7. ডিব্ৰুগড়ৰ বিহু মঞ্চত জনপ্ৰিয় কণ্ঠশিল্পী জুবলী বৰুৱালৈ আগবঢ়োৱা হ’ল কেইবালাখ টকাৰ এডাল সোণৰ নেকলেছ।
ডিকমৰ স্থানীয় সমাজকৰ্মী তথা ব্যৱসায়ী অজয় গগৈয়ে আগবঢ়ালে এই বিশেষ উপহাৰ।
8. “হঠাৎ নহয়, মই আগতেই ইংগিত দিছিলো ,আমাৰ মেট্ৰিকৰ ফলাফল আগুৱাব।
প্ৰায় ৩ লাখ পৰীক্ষাৰ্থী উত্তীৰ্ণ হৈছে ।
এইবাৰ হায়াৰ ছেকেণ্ডাৰী পৰীক্ষাৰ ফলাফল দিবলৈ আৰু কিছু সময় ল’ম”- মন্তব্য শিক্ষামন্ত্ৰী ৰণোজ পেগুৰ।
9. শিৱসাগৰত ৰাজহুৱা সম্বৰ্ধনা অনুষ্ঠান।
৬০টাৰো অধিক সংগঠনে সম্বৰ্ধনা জ্ঞাপন কৰে ‘সাদিন-প্ৰতিদিন গোষ্ঠী’ৰ অধ্যক্ষ জয়ন্ত বৰুৱাক। হেমকোষৰ ব্ৰেইল সংস্কৰণে গীনিজ বুকত স্থান লাভৰ বাবে এই সম্বৰ্ধনা জনাই।
10. মণিপুৰত আকৌ হিংসাৰ জুই।
ৰাজধানী ইম্ফলৰ লাম্বুলেন এলেকাত অগ্নিসংযোগ কৰে দুৰ্বৃত্তই।
এক পৰিত্যক্ত অঞ্চলত কেইবাটাও ঘৰত অগ্নিসংযোগ কৰে।
বেছিভাগ ঘৰেই বাঁহৰ বেৰ, টিনৰ চালিৰ জুপুৰি ঘৰ।
জুই নিৰ্বাপণ কৰে অগ্নিনিৰ্বাপক বাহিনীয়ে।
11. “অহা জুন-জুলাইৰ ভিতৰত প্ৰকাশ পাব ১৫-১৬ হাজাৰ পদৰ বাবে বিজ্ঞাপন”- ঘোষণা মুখ্যমন্ত্ৰী ড° হিমন্ত বিশ্ব শৰ্মাৰ।
12. ‘ফটো কোনে কাৰ লগত উঠিছে, সেইটো পিছৰ কথা ।
SP লীনা দলেক অসম চৰকাৰে পুৰস্কৃত হে কৰিলে’- মন্তব্য বিধায়ক কমলাক্ষ দে পুৰকায়স্থৰ।
13. কৰ্ণাটকত নতুন চৰকাৰৰ বিধানসভা অধিৱেশন আৰম্ভ।
অধিৱেশনৰ পূৰ্বে গো-মূত্ৰ ছটিয়াই শুদ্ধি কৰা হ’ল বিধানসভা ভৱনৰ চৌহদ।
14. সৰু পৰ্দাৰ অভিনেতা আদিত্য সিং ৰাজপুতৰ মৃতদেহ উদ্ধাৰ।
মুম্বাই ফ্লেটত উদ্ধাৰ কৰা হৈছে
আদিত্যৰ মৃতদেহ।
15. তামুলপুৰত লাম্পি ভাইৰাছৰ ব্যাপক সংক্রমণ।
কেইবাটাও মৃত্যু হয় পশুধন।
৯০% শতাংশ পশুধনৰ ভাইৰাচৰ প্ৰাৰ্দুভাব হোৱাত চিন্তিত হৈ পৰিছে তামুলপুৰ পশুপালক আৰু পশু চিকিৎসা বিভাগ।
16. মেট্ৰিকৰ ফলাফলৰ দিনাই বাক্সাত শোকাৱহ ঘটনা।
ডাম্পাৰৰ খুন্দাত ছাত্ৰীৰ মৃত্যুক লৈ তীব্ৰ উত্তেজনা।
নয়াবস্তিৰ খৈৰাণীত সংঘটিত এই দুৰ্ঘটনা।
নিহত ছাত্ৰীগৰাকী নয়াবস্তি হাইস্কুলৰ বৰষা কুমাৰী।
দুৰ্ঘটনাৰ পাছতে ডাম্পাৰখন জ্বলাই দিয়ে উত্তেজিত ৰাইজে।
খৈৰাণীস্থিত এটা ক্ৰেচাৰ মিলৰ ভিতৰত সংঘটিত হয় এই দুৰ্ঘটনা।
নম্বৰ প্লেটবিহীন এখন ডাম্পাৰে মহটিয়াই নিয়ে ছাত্ৰীগৰাকীক।
দুৰ্ঘটনা সংঘটিত কৰিয়েই পলায়ন কৰে ডাম্পাৰ চালক জন।
17. দৰঙৰ খাৰুপেটীয়াত শোকাৱহ ঘটনা।
বন্ধুৰ হাতত প্ৰাণ গ’ল বন্ধুৰ।
খাৰুপেটীয়াৰ প্ৰকাশ দাসৰ আক্ৰমণত মৃত্যু বন্ধু শ্যামল দাসৰ।
ঘটনা সন্দৰ্ভত আৰম্ভ হৈছে আৰক্ষীৰ তদন্ত।
ইতিমধ্যে আৰক্ষীয়ে আটক কৰিছে প্ৰকাশ দাসক ।
18. ডিগবৈ আঞ্চলিক বন বিভাগৰ কাৰ্যালয়ৰ সন্মুখত অগ্নিকাণ্ড।
‘বৰুৱা ষ্টোৰ’ নামৰ বিপণিখনত সংঘটিত হয় এই অগ্নিকাণ্ড।
অগ্নিনিৰ্বাপক বাহিনীৰ তৎপৰতাত জুই নিৰ্বাপণ।
জুইত ভস্মীভূত হয় বহু সা-সামগ্ৰী।
19. নগাঁৱত ধন দাবী কৰি আৰক্ষীৰ জালত পৰিছে কংগ্ৰেছ নেতা।
১০ হাজাৰ টকা দাবী কৰি গ্ৰেপ্তাৰ হৈছে কংগ্ৰেছ নেতা *ফকৰুদ্দিন* ।
কংগ্ৰেছৰ অনুষ্ঠানৰ বাবে ডাকৰঘাট পঞ্চায়তৰ সচিবক দাবী কৰিছিল ১০ হাজাৰ টকা।
পঞ্চায়ত সচিব কৃষ্ণকান্ত সৰকাৰে দাখিল কৰিছিল এজাহাৰ।
20. জোনাইত গো-পালক সকলৰ প্রতিবাদী কার্যসূচী।
কেবাশ গৰু-ম’হ লৈ মহকুমাধিপতিৰ কার্যালয়লৈ গো-পালকৰ প্রতিবাদী সমদল।
বেদখলকাৰীৰ কবলৰ পৰা প্রশাসনে চৰণীয়া পথাৰ উদ্ধাৰ নকৰাৰ বাবেই গো-পালকসকলে গ্রহণ কৰে এই প্রতিবাদী কার্যসূচী।