৫ মিনিটত ২০টা গুৰুত্বপূৰ্ণ খবৰ।

Rnewsindia24.com Assam June 15/2023:- 

1. জোনালী নাথ হত্যাকাণ্ডৰ
মিছা স্বীকাৰোক্তি দিছিল হাছানুৰ ইছলামে।
কাঠৰ টুকুৰাৰে মৰিয়াই হত্যা কৰিছিল জোনালীক।
হাছানুৰৰ ঘৰত হত্যাকাণ্ডত ব্যৱহৃত কাঠৰ টুকুৰা জব্দ কৰে আৰক্ষীয়ে।
হাছানুৰ ইছলামৰ ঘৰত উদ্ধাৰ কৰে কেইবাখনো ডায়েৰী।
পূৰ্বে চলন্ত গাড়ীত জোনালী নাথক হত্যা কৰা বুলি দিছিল স্বীকাৰোক্তি।

2. বানপানীত ভাঙি যোৱা বামুনগোলা- মানশিৰি সংযোগী পকী দলং পৰিদৰ্শন কৰে ৰঙাপৰা সমষ্টিৰ বিধায়ক কৃষ্ণকমল তাঁতীয়ে।
উক্ত স্থানত বেইলী ব্ৰীজ নিৰ্মানৰ নিৰ্দেশ দিয়ে বিধায়কগৰাকীয়ে।

3. ‘মই নিবিচাৰো অসম কেৱল উত্তৰ-পূবৰ বাবে শৈক্ষিক কেন্দ্ৰ হওঁক।
ভাৰতবৰ্ষৰ ভিতৰতে শিক্ষাৰ কেন্দ্ৰ বিন্দু হৈ জিলিকক অসম।
অসমৰ ৫০ শতাংশ বিশ্ববিদ্যালয় আহক শীৰ্ষ ১০০টা স্থানত”- মন্তব্য মুখ্যমন্ত্ৰী হিমন্ত বিশ্ব শৰ্মা।

4. ‘মোৰ দিনত চৰকাৰৰ দুৰ্নীতিৰ প্ৰমাণ নাই।
দুৰ্নীতি প্ৰমোদ বড়োৰ চৰকাৰৰ দিনত হৈছে।’- মন্তব্য হাগ্ৰামা মহিলাৰীৰ।

5. চিকিৎসা বিজ্ঞানত NRIৰ বাবে সংৰক্ষিত হ’ব আসন৷
১০ শতাংশ আসন সংৰক্ষণৰ সিদ্ধান্ত কেবিনেটৰ৷
জনগোষ্ঠীয় শিক্ষাৰ্থীৰ লগতে মৰাণৰ, মটক, টাই আহোমৰ বাবে আসনৰ সংৰক্ষণ৷
চুতীয়া আৰু কোচ ৰাজবংশীৰ বাবেও সংৰক্ষণ আসন৷
কেবিনেট বৈঠকৰ অন্তত সংবাদমেলত মন্তব্য মন্ত্ৰী কেশৱ মহন্তৰ৷

6. আজিৰে পৰা তিনিচুকীয়াত বন্ধ ব্যক্তিগত বাছ সেৱা।
তিনিচুকীয়াৰ পৰা যাবলগীয়া সকলো বাছ বন্ধ কৰি ৰাখিছে মালিক সন্থাই।
অনিদিষ্ট কাললৈ বন্ধ ৰখাৰ সিদ্ধান্ত বাছ মালিক সন্থাৰ।

7. ৰূপহীহাটৰ শালপাৰাত ভয়ংকৰ অগ্নিকাণ্ড।
চামগুৰি বৈদ্যুতিক উপ-সংমণ্ডলৰ অন্তৰ্গত এলেকা পশ্চিম শালপাৰাত সংঘটিত হয় এই অগ্নিকাণ্ড।
বৈদ্যুতিক স্বৰ্ট শ্বাৰ্কিটৰ ফলত বিদ্যুতৰ তাঁৰত জুইৰ সূত্ৰপাত হয়।
স্থানীয় ৰাইজৰ সহযোগত বিদ্যুৎ সংযোগ কৰ্তন কৰি জুই নোমোৱাবলৈ সক্ষম হয়।

8. চিৰাঙৰ বিজনীত ধুমুহাৰ তাণ্ডৱ।
বিজনী-সুভাইঝাৰ পথৰ ওপৰত উভালি পৰিল প্ৰকাণ্ড কদম গছ।
যাৰ বাবে পথছোৱা বন্ধ হৈ পৰাৰ লগতে ব্যাহত হয় বিদ্যুৎ যোগান।

9. অভয়াপুৰীত বিজেপি নেতা ৰাম চৰণ আৰ্যৰ বিৰুদ্ধে ভূমি বেদখলৰ অভিযোগ।
গো-চৰণীয়া পথাৰ, মন্দিৰৰ প্ৰায় ১০০ বিঘা মাটি দখল।
অভয়াপুৰীৰ দৰকিনামাৰী গাঁৱত এই ঘটনা সংঘটিত হৈছে।
শীঘ্ৰে প্ৰশাসনক ভূমি বেদখলমুক্ত কৰিবলৈ আহ্বান জনাইছে স্থানীয় ৰাইজে।

10. নগাঁৱৰ কচুৱা তিনিআলিত জুৱাৰ ঘাটি উৎখাত।
গোপন সূত্ৰৰ খবৰৰ ভিত্তিত অভিযান চলাই আৰক্ষীয়ে। গ্ৰেপ্তাৰ কৰে জুৱাৰীকেইটাক।
ধৃত জুৱাৰীকেইটাৰ পৰা জব্দ কৰে নগদ ধন, তীৰ খেলত ব্যৱহৃত সামগ্ৰীৰ লগতে মোবাইল ফোন।

11. গুৱাহাটীৰ জালুকবাৰীৰ কিশোৰী হত্যাকাণ্ডৰ মূল অভিযুক্তক গ্ৰেপ্তাৰ।
ছয়গাঁৱৰ হাতীচলা পামৰ পৰা আৰক্ষীয়ে গ্ৰেপ্তাৰ কৰিলে মূল অভিযুক্ত বুলবুল হুছেইনক।
ধৃত বুলবুলে আৰক্ষীৰ আগত স্বীকাৰ কৰিছে হত্যাকাণ্ডৰ কথা।
কালি জালুকবাৰীত বাথৰুমত উদ্ধাৰ হৈছিল এগৰাকী কিশোৰীৰ মৃতদেহ।
আৰক্ষীৰ প্ৰাথমিক তদন্তত স্পষ্ট হৈছিল হত্যাকাণ্ডৰ কথা।
তাৰ পাছতে অভিযান চলাই অৱশেষত আৰক্ষীয়ে গ্ৰেপ্তাৰ কৰিবলৈ সক্ষম হয় বুলবুল হুছেইনক।

12. বিলাসীপাৰাত পুনৰ নৃশংস হত্যাকাণ্ড।
চৰুৱাবাখৰা গাঁৱত মছজিদৰ ইমামক হানি-খুঁচি হত্যা।
২৫ বছৰীয়া আনোৱাৰ হুছেইন নামৰ ইমামজনক হত্যা কৰি পেলাই থৈ গ’ল দুৰ্বৃত্তই।
ঘটনাস্থলীত উপস্থিত হৈ আৰক্ষীয়ে তদন্ত আৰম্ভ কৰে।

13. বৰপেটাৰোড চহৰত শোকাৱহ ঘটনা।
ঘৰৰ ওপৰত প্ৰকাণ্ড গছ উভলি পৰাত কৰুণ মৃত্যুক সাৱটিলে এজন বৃদ্ধই।
নিহত লোকজনৰ নাম গৌতম দাস।
শুই থকাৰ সময়তে বাগৰি পৰে গছডাল।
কথমপি ৰক্ষা পৰিল লোকজনৰ পত্নী।

14. কৰিমগঞ্জ আৰক্ষীৰ বৃহৎ সফলতা।
জব্দ কৰিলে বিস্তৰ পৰিমাণৰ কফচিৰাপ।
৩খন ট্ৰাকেৰে সৰবৰাহৰ কৰোঁতেই ৯৫ হাজাৰৰো অধিক কফচিৰাপ বটল জব্দ কৰে।
কৰিমগঞ্জৰ চুড়াইবাৰীত কফচিৰাপখিনি জব্দ কৰিবলৈ সক্ষম হয় আৰক্ষী।

15. ডিব্ৰুগড় জিলাৰ মৰাণৰ সমীপৰ খোৱাং বেতনি চাৰিআলিত খান্দি থোৱা দ’ পুখুৰীত পৰি এগৰাকী মহিলাৰ মৃত্যু হয়।
মৃত মহিলাগৰাকীৰ নাম গুণদা দিহিঙীয়া।
ঘৰৰ হাঁহ বিচাৰি যাওঁতেই মহিলাগৰাকী পুখুৰীত পৰি মৃত্যু হয়।

16. কলকাতাৰ বিমানবন্দৰত বিধ্বংসী অগ্নিকাণ্ড।
নেতাজী সুভাষ চন্দ্ৰ বসু আন্তঃৰাষ্ট্ৰীয় বিমানবন্দৰত অগ্নিকাণ্ড।
বিমানবন্দৰৰ প্ৰস্থান পথৰ Check-in Counterত অগ্নিকাণ্ড।
অগ্নিকাণ্ডৰ ফলত বন্ধ কৰা হৈছে কেইবাটাও প্ৰস্থান পথ।
অগ্নিনিৰ্বাপক বাহিনীৰ ৩খন গাড়ীৰে জুই নিয়ন্ত্ৰণ কৰে।

17. মাধ্যম বিতৰ্কক লৈ ৰাজ্যজুৰি আছুৰ প্ৰতিবাদী কাৰ্যসূচী।
ডিব্ৰুগড়তো চৰকাৰৰ সিদ্ধান্তৰ বিৰোধিতাৰে সদৌ ডিব্ৰুগড় জিলা ছাত্ৰ সন্থাৰ প্ৰতিবাদ।

18. মহানগৰীৰ গুৱাহাটী ক্লাবত অঘটন।
প্রকাণ্ড গছ বাগৰি পৰিল বিদ্যুতৰ তাঁৰত।
ফলত ব্যাহত হৈ পৰে গুৱাহাটী ক্লাব-উলুবাৰী সংযোগী পথ।

19. ডুমডুমাৰ কৰ্দৈগুৰিত ড্ৰাগছ সৰবৰাহকাৰী আটক।
মৰাণ ছাত্ৰ সন্থাৰ কৰ্মীয়ে আটক কৰে ড্ৰাগছ সৰবৰাহকাৰাটোক।
নাম শিবেন মৰাণ।

20. তিনিচুকীয়াৰ মাকুমত খাৰুৱা তেলভৰ্তি টেংকাৰ জব্দ কৰা হৈছে।
মাকুম বাইপাছৰ পৰা জব্দ কৰে খাৰুৱা তেলভৰ্তি টেংকাৰখন।
টেংকাৰখনৰ চালক বুদ্ধি দাসক আটক কৰে আৰক্ষীয়ে।