Rnewsindia24.com
থাতে কয় নহয়, ‘পাগলে নকয় কি আৰু ছাগলীয়ে নাখাই কি’?
আচলতে আজিৰ সমাজত বিবেক-বুদ্ধি থকা এচাম মানুহতকৈ পাগল-ছাগলেই উৎকৃষ্ট।
এই ছৱিখনেই তাৰ জলন্ত উদাহৰণ। চাওক কি দৰে এগৰাকী মানসিক বিকাৰগ্ৰস্ত পাগলে ছাগলী পোৱালী এটাৰ সৈতে কি দৰে অন্তৰংগ মুহুৰ্ত পাৰ কৰিছে।
কিমান মনোমোহা, মনোগ্ৰাহী দৃশ্য নহয়নে? পদপথৰ বাসিন্দা এইগৰাকী মানসিক বাধাগ্ৰস্ত লোকজনে এই ছাগলী পোৱালীটোক কোলাত লৈ কিমান সুন্দৰ আৰু আনন্দময় মূহুৰ্ত অতিবাহিত কৰিছে।
মৰম লগা ছাগলী পোৱালীক সাৱটি ধৰি মৰম কৰিছে, চুমা খাইছে, যেন পাগলজনে অপাৰ সৰগীয় সুখানুভূতি অনুভৱ কৰিছে। আচলতে এনেকুৱা দৃশ্যই মানৱ সমাজত বহু কথাই শিকাই যায়।
প্ৰসংগত; সৃষ্টিৰ শ্ৰেষ্ঠ জীৱ আজিৰ এচাম মানুহৰ কৰ্মকাণ্ড দেখিলে চকু কপালত উঠে। ধিক্কাৰ সেইচাম মানৱৰূপী পশুক, যিসকলে নিজৰ সুঠাম চেহেৰা, বিবেক-বুদ্ধি, টকা-পইচা, ধন-সম্পত্তি, অট্টালিকা, পতিপত্তি আদি লৈ মিছাতে অনৰ্থক গৌৰৱ-আহংকাৰ কৰে।
দুদিনীয়া জীৱনৰ সুখ, বিলাসীতা অৰ্থাৎ ‘বৰ্তমান’ৰ চক্ৰবেহুত পৰি মানুহে পাহৰি যায় নিজৰ অতিত আৰু ভৱিষ্যতৰ কথা। পাপ-পূণ্যৰ তৱাক্কা নকৰি তেওঁলোকে যিহকে মন যায় তিহকে কৰিবলৈ কুণ্ঠাবোধ নকৰে।
আনকি দাম্ভিকতাৰ বসৱৰ্তী হৈ অধিকাংশ মানুহেই এইধৰনৰ পাগলক পাত্তাই নিদিয়ে। কিন্তু আজি মানসিকভাৱে সক্ষম এই গৰাকী পাগলৰ মহানুভৱতাৰ ওচৰত হাৰ মানিলে আমাৰ গৰিমা-লঘিমা, মান স্বাভিমান, সভ্যতা, নৈতিকতা আৰু অট্টহাস্য।
এতিয়াওঁ সময় আছে উপলব্ধি, অনুশোচনা আৰু নিজৰ লগতে সমাজখনক সলনি কৰাৰ। সম্প্ৰতি অধৰ্মী, সমাজ বিৰোধী কাৰ্য্যই ছানি ধৰিছে আমাৰ সুন্দৰ, সুশৃংখল আৰু সভ্যতাৰ শান্তিপূৰ্ণ সমাজখনক। প্ৰায় প্ৰতিটো ঘৰত সোমাই পৰিছে ড্ৰাগছৰ বিভিষীকা।
এনেহেন পৰিস্থিতিত সকলোৱে ঐক্যবদ্ধ হৈ নিজৰ সুজলা সুফলা শস্য শ্যামলা অসনখনক ভাৰতবৰ্ষৰ ভিতৰতে সৰ্বাংগসুন্দৰ ৰাজ্য হিচাপে উপস্থাপন কৰিবলৈ নিঃস্বাৰ্থভাৱে আগোৱাই অহা উচিত।
হয়, জন্ম-মৃত্যুৰ দৰেই ভাল-বেয়া আদি সংমিশ্ৰণেৰে মানুহৰ সমাজ জীৱন। কিন্তু জীৱশ্ৰেষ্ঠ উপাধিৰে বিভূষিত মনুষ্য জাতিয়ে যদি অধৰ্মী আৰু সমাজ বিৰোধী ক্ৰিয়াকলাপৰ ওপৰত চোকা নজৰ ৰাখিব পাৰে তেন্তে অৱশ্যেই সমাজৰ পৰা কিছু পৰিমাণে হলেওঁ কিছুমান বেয়া, দুষ্ট, দুষ্কৃতিকাৰী অপৰাধী মানুহক ভাল পথ বা মূলসূতিলৈ ঘূৰাই আনিবলৈ সক্ষম হ’ৱ।
জুলহাছ আলী আহমেদ : R News India 24
