৫ মিনিটত ২০টা গুৰুত্বপূৰ্ণ খবৰ।

Rnewsindia24.com Assam July 1/2023:-

1. আজি আকাশবাণী গুৱাহাটী কেন্দ্রৰ প্রতিষ্ঠা দিৱস।
১৯৪৮ চনতে স্থাপিত হৈছিল আকাশবাণী গুৱাহাটী কেন্দ্র।

2. ২০২৪ৰ ১২ জানুৱাৰীৰ পৰা ১০ দিনীয়া কাৰ্যসূচীৰে কাৰ্বি যুৱ মহোৎসৱৰ সোণালী জয়ন্তী অনুষ্ঠান।
উপস্থিত থাকিব দেশৰ মহামান্য ৰাষ্ট্ৰপতি দ্রৌপদী মূৰ্মু।

3. ৰাজ্যবাসীৰ বাবে সু-খবৰ।
আৰু ২৫ হাজাৰ নিবনুৱাক চাকৰি দিব চৰকাৰে।
জুলাই-আগষ্টৰ ভিতৰত বিজ্ঞাপন প্ৰকাশৰ সম্ভাৱনা।
এই কথা সদৰী কৰে মুখ্যমন্ত্ৰী ড° হিমন্ত বিশ্ব শৰ্মাই।

4. All Assam Judo Associationৰ উদ্যোগত নেহেৰু ষ্টেডিয়ামৰ জুডোৰ কাৰ্যালয়ত আত্মৰক্ষাৰ প্ৰশিক্ষণ।
অনুষ্ঠানত মুখ্য অতিথি হিচাপে উপস্থিত থাকে কণ্ঠশিল্পী জুবিন গাৰ্গ।

5. বহিৰাগত কোম্পানীক লীজত দিয়া নহয় দীঘলীপুখুৰী।
দীঘলীপুখুৰী থাকিব পৰ্যটন বিভাগৰ দায়িত্বতে। পৰিচালনা, উন্নয়নৰ দায়িত্বত থাকিব পৰ্যটন বিভাগ।
বিতৰ্কৰ পাছতে ঘোষণা বিভাগীয় মন্ত্ৰী জয়ন্ত মল্লবৰুৱাৰ।

6. অসম প্ৰশাসনীয় পদাধিকাৰী মহাবিদ্যালয়ত বিদেশী ন্যায়াধিকৰণৰ সদস্যসকলৰ প্ৰশিক্ষণ আৰু কৰ্মশালা।
ৰাজ্য চৰকাৰৰ গৃহ আৰু ৰাজনৈতিক বিভাগ, ই এফ টি প্ৰকল্পৰ মুখ্য কাৰ্যবাহী বিষয়াৰ কাৰ্যালয়ৰ উদ্যোগত আয়োজন কৰে এই কৰ্মশালা।

7. নামনি সোৱণশিৰি জলবিদ্যুৎ প্ৰকল্প পৰিদৰ্শনৰ বাবে ৫ জুলাইত আহিব পাৰ্লিয়ামেণ্টেৰী ষ্টেণ্ডিং কমিটী অন এনাৰ্জী দল।
প্ৰকল্প পৰিদৰ্শনৰ পাছত সংসদত প্ৰকল্পটো সন্দৰ্ভত দিব প্ৰতিবেদন।

8. লখিমপুৰৰ সোণাপুৰ উচ্চতৰ মাধ্যমিক বিদ্যালয়ৰ অধ্যক্ষ আলতাফ হুছেইনক বঙালমৰা আৰক্ষীয়ে গ্ৰেপ্তাৰ কৰে।
বিদ্যালয়লৈ আবণ্টিত চৰকাৰী ধনৰ হিচাপত খেলিমেলিৰ অভিযোগত বিহপুৰীয়া খণ্ড শিক্ষা বিষয়াই দাখিল কৰিছিল এজাহাৰ।

9. মানস ৰাষ্ট্ৰীয় উদ্যানত গড়ৰ কংকাল উদ্ধাৰ হোৱাৰ পাছতেই প্ৰকৃতিপ্ৰেমী, পৰ্যটনকৰ্মীৰ তীব্ৰ প্ৰতিবাদ।
চোৰাং চিকাৰীক প্ৰতিৰোধ কৰাত ব্যৰ্থ হোৱাৰ অভিযোগত ক্ষেত্ৰ সঞ্চালক বৈভৱ চি মাথুৰক বৰ্খাস্তৰ দাবীৰে উত্তাল ৰাষ্ট্ৰীয় উদ্যানখনৰ প্ৰৱেশদ্বাৰ।

10. ডিব্ৰুগড়ৰ কাছাবাৰী খেলপথাৰত মাননি প্ৰদান অনুষ্ঠান।
ডিব্ৰুগড়ত ১৪১৮গৰাকী শিল্পীক ২৫ হাজাৰকৈ মাননি প্ৰদান কৰে মুখ্যমন্ত্ৰী ড° হিমন্ত বিশ্ব শৰ্মাই।

11. ৩ জুলাইৰ পৰা আৰম্ভ হ’ব শিক্ষকৰ বিশেষ প্ৰশিক্ষণ।
তেজপুৰ বিশ্ববিদ্যালত অনুষ্ঠিত হ’ব শিক্ষকৰ বিশেষ প্ৰশিক্ষণ।

12. ক’ভিডত পিতৃ-মাতৃক হেৰুওৱা ৩৯ জন শিক্ষাৰ্থীলৈ সহায়ৰ হাত।
শিৱসাগৰত শিক্ষামন্ত্ৰী ৰণোজ পেগুৱে প্ৰদান কৰিলে টেবলেট-শিক্ষা সজুলি।

13. NHPCৰ পাৱাৰ হাউছৰ চতুৰ্থ ইউনিটত চিলিণ্ডাৰ বিস্ফোৰণ।
ৱেল্ডিঙৰ বাবে ৰড কাটি থাকোঁতেই এই দুৰ্ঘটনা সংঘটিত হয়।
অগ্নিনিৰ্বাপক বাহিনীয়ে নিৰ্বাপণ কৰে জুই।

14. BTCত দৰঙৰ পৰিৱৰ্তে ওদালগুৰি নামেৰে সমষ্টিৰ দাবী৷
গোসাইগাঁৱত দুঘণ্টীয়া ধৰ্ণা কাৰ্যসূচী BPFৰ৷
ধৰ্ণাত অংশগ্ৰহণ কৰে BPF প্ৰধান হাগ্ৰামা মহিলাৰী এ।

15. ৮ জুলাইলৈকে বৃদ্ধি ‘দৰ্পণ’ প’ৰ্টেলৰ জৰিয়তে নামভৰ্তিৰ সময়সীমা৷
বৰ্তমানলৈকে ২ লাখ ৪৫ হাজাৰ ৮০২ শিক্ষাৰ্থীৰ নামভৰ্তি সম্পূৰ্ণ৷
চলিত বৰ্ষত মেট্ৰিক উৰ্ত্তীণ ৩ লাখ ১ হাজাৰ ৮৮০ গৰাকী শিক্ষাৰ্থী৷
নামভৰ্তিৰ সময়সীমা ৪ জুলাইৰ পৰা ৮ জুলাইলৈ বৃদ্ধি৷
উচ্চতৰ মাধ্যমিকত নামভৰ্তিৰ বাবে ‘দৰ্পণ’ প’ৰ্টেল ব্যৱহাৰ কৰাটো বাধ্যতামূলক৷

16. লুচানৰ ডাইমণ্ড লীগত ৮৭.৬৬ মিটাৰ থ্ৰোৰে সোণৰ পদক অৰ্জন কৰে নীৰজ চোপ্ৰাই।

17. মহাৰাষ্ট্ৰত নিশা চলন্ত বাছত জুই লাগি ২৫ জন যাত্ৰীৰ মৃত্যু হয়৷
এই দুৰ্ঘটনা সংঘটিত হোৱাৰ পাছতেই দুৰ্ঘটনাস্থলীত উপস্থিত হয় মহাৰাষ্ট্ৰৰ মুখ্যমন্ত্ৰী একনাথ সিন্দে৷
মুখ্যমন্ত্ৰীগৰাকীয়ে নিহতসকলৰ পৰিয়াললৈ ৫লাখ টকা সাহায্য প্ৰদানৰ কথা ঘোষণা কৰে৷
ইয়াৰোপৰি, প্ৰধানমন্ত্ৰীৰ সাহায্য পুঁজিৰ পৰা নিহতসকলক ২লাখ আৰু আহতসকলক ৫০হাজাৰ টকা প্ৰদান কৰাৰ কথা ঘোষণা কৰে।

18.লখিমপুৰত জাপানীজ এনকেফেলাইটিছ, ডেংগু ৰোগৰ প্রাদুৰ্ভাৱ।
জাপানীজ এনকেফেলাইটিছ ৰোগত মৃত্যু হয় এটি শিশু।
এতিয়ালৈকে এনকেফেলাইটিছ ৰোগত আক্রান্ত হৈছে ২৪গৰাকী লোক।

19. ষ্টেট বেংক অৱ ইণ্ডিয়াৰ ৬৮ সংখ্যক বেংক দিৱস।
১৯৫৫ চনৰ ১ জুলাইত স্থাপন হৈছিল ষ্টেট বেংক অৱ ইণ্ডিয়া।

20. আৰক্ষী চকীতে নৱ নিযুক্ত কনিষ্টবলৰ চিপ লোৱা অবস্থাত উদ্ধাৰ মৃতদেহ।
৩মাহ পূৰ্বে চাকৰিত যোগদান কৰিছিল মৃত ছনি নাথে।
মৃত কনিষ্টবল ছনি নাথৰ ঘৰ কহাইলাকান্দিত।
জাগীৰোডৰ নেলী আৰক্ষী চকীত সংঘটিত হৈছে এই অঘটন।
প্ৰেমজনিত কাৰণত কনিষ্টবলজনে আত্মহত্যা কৰাৰ সন্দেহ।