মনোৰঞ্জন।

কাৰ্তিকেয়ঃ

ৰহস্যময়ী দ্বাৰকা আৰু অলৌকিক শক্তিৰ মাহাত্ম্য
সুব্ৰমনিয়ম পুৰ নামৰ গাওঁ খনৰ সুব্ৰমনিয়ম স্বামী ৰ মন্দিৰত কিছু ৰহস্যময় মৃত্যু হোৱা দেখা গৈছিল।

যি লোকে সেই ঘটনাৰ অনুসন্ধান কৰিবলৈ আহিছিলে তেওঁ লোকৰো ৰহস্যজনক ভাৱে মৃত্যু হৈছিল।

সেয়ে গাঁৱৰ লোক সকলে ভয় খাই মন্দিৰটো বন্ধ কৰি ৰাখিছিল।

তেনে সময়তে কাৰ্তিকেয় নামৰ এজন ল‘ৰাই সেই গাঁও খনত চিকিৎসা শিবিৰ অনুষ্ঠিত কৰাৰ বাবে আহিছিল।

কাৰ্তিকেয় এজন চিকিৎসা বিজ্ঞানৰ ছাত্ৰ আছিল।

তেওঁ অলৌকিকতা অথবা ভগৱানৰ অস্তিত্বক বিশ্বাস নকৰিছিল।

সেয়ে তেওঁ এই ঘটনাৰ ৰহস্য উদ্ঘাটনৰ বাবে চেষ্টা চলালে।

এই ৰহস্যৰ বান্ধ খুলিলেনে?

কাৰ্তিকেয়ই সমগ্ৰ ঘটনাত কি ষড়যন্ত্ৰ দেখা পালে? শ্ৰী কৃষ্ণৰ বিষয়ে কি কি গুপ্ত কথা তেওঁৰ চকুত পৰিল?

এই ৰহস্যৰ মায়াজালৰ মাজত এনেকুৱা কি কথাৰ কাৰণে কাৰ্তিকেয় অলৌকিক শক্তিক বিশ্বাস কৰিবলৈ বাধ্য হ’ল?

এই সকলোবোৰ সামৰি বনোৱা হৈছে ”কাৰ্তিকেয়”।

চিনেমাখন ৰ লিখক আৰু নিৰ্দেশক হৈছে চন্দো মুন্দেতি। মুল চৰিত্ৰত অভিনয় কৰিছে নিখিল সিদ্ধাৰ্থই।

চিনেমা খনৰ এক বিশেষ ভুমিকাত দেখা পাব হিন্দী চলচিত্ৰ জগতৰ অভিনেতা অনুপম খেৰ ক।

শ্ৰীকৃষ্ণ ৰ মহিমা ৰ বিৱৰণ এটা শাৰীটো সামৰিব পাৰি।

আকৌ কেতিয়াবা এখন কিতাপেও তেওঁৰ জীৱনৰ বিৱৰণ দিব নোৱাৰিব পাৰে।

তেওঁৰ দ্বাৰা নিৰ্মিত নগৰ দ্বাৰকা সেই যুগতে আধুনিক নগৰীয়া জীৱনৰ প্ৰতিফলন আছিল।

তদুপৰি একাধাৰে এজন গায়ক, বাদক, নৰ্তক, ৰাজনীতি বিদ, অভিযন্তা আৰু বিভিন্ন গুণেৰে মহিমামণ্ডিত শ্ৰীকৃষ্ণ।

তেওঁৰ জীৱনৰ এক অংশৰ সফল বৰ্ণন ”কাৰ্তিকেয়”ই দৰ্শকৰ আগত তুলি ধৰিব পাৰিছে।

 

Pursuit of happiness:

জীৱন জীয়াৰ মন্ত্ৰ
Pursuit of happiness এখন আমেৰিকান আত্মজীৱনীমূলক চিনেমা।

চিনেমা খনৰ নায়কৰ নাম ভূমিকাত অভিনয় কৰিছে ৱিল স্মিথে।

এজন সাধাৰণ আৱিষ্কাৰকে নিজৰ সকলো হেৰোৱাৰ পাছতো পুনৰ মুৰ তুলি উঠিবলৈ সক্ষম হৈছিল।

সেই কথাৰ আলম লৈ ৰচনা কৰা হৈছে চিনেমা খন।

সেই আৱিষ্কাৰৰ কাৰণে তেওঁৰ নিজৰ পত্নী ৰ লগতো সম্পৰ্ক বেয়া হৈছিল।

কাৰণ সেই নতুন বস্তুটো কিনিবলৈ কোনো আগবাঢ়ি অহা নাছিল।

আৰু তেওঁলোক দেউলীয়া হোৱাৰ উপক্ৰম হৈছিল।

কিদৰে তেওঁ এই জীৱন সংগ্ৰামক আগবঢ়াই নিলে?

কিদৰে তেওঁ নিজৰ আৱিষ্কাৰক জগতৰ সন্মুখলৈ আনিবলৈ সক্ষম হ’ল?

সকলো কথা সামৰি প্ৰস্তুত হৈছে persuit of happiness
মানুহৰ মনত যেতিয়া সাহস আৰু আশা থাকে, কেনেদৰে তেওঁ জীৱন যুদ্ধত জয়ী হ’ব পাৰে , সেই উদাহৰণেই চিনেমা খনত প্ৰস্তুত কৰা হৈছে।

সমালোচক সকলৰ কলমত চিনেমা খন উচ্চ প্ৰশংসিত হৈছে।

২০০৬ চনত নিৰ্মিত এইখন চিনেমাই আজিও মানুহৰ মনত সাঁচ বহুৱাই যায়।

চিনেমা খন নিৰ্মিত হৈছে এজন আমেৰিকাৰ সম্ভ্ৰান্ত ব্যৱসায়ী Chris gardener ৰ জীৱনৰ ভিত্তিত।

তেওঁৰ সংগ্ৰাম ময় জীৱনৰ কথা সুন্দৰ ভাৱে চিনেমা খনত বৰ্ণিত হৈছে।

এজন সাধাৰণ আৰু প্ৰায় দেউলীয়া আৱিষ্কাৰকৰ এই কথাই মানুহক অনুপ্ৰাণিত কৰে।

চিনেমা খনত নাম ভূমিকাত অভিনয় কৰা ৱিল স্মিথৰ অভিনয় উচ্চ প্ৰশংসিত।

বাকী সকল অভিনেতা- অভিনেত্ৰীয়েও নিজৰ অভিনয়েৰে সকলোকে মোহিত কৰিবলৈ সমৰ্থ হৈছে।

সুকন্যা শইকীয়া Rnewsindia24.com