৫ মিনিটত ২০টা গুৰুত্বপূৰ্ণ খবৰ ।

 

Rnewsindia24.com Assam Jan 4/2024:- 

1. আজি গুণোৎসৱৰ দ্বিতীয় দিন।
বৰপেটাৰ কেওঁটকুছি মজলীয়া বিদ্যালয়ত উপস্থিত হয় শিক্ষামন্ত্ৰী ৰণোজ পেগু।
বিদ্যালয়খনৰ প্ৰাতঃসভাত অংশগ্ৰহণ কৰে মন্ত্ৰী গৰাকীয়ে।

2. কাজিৰঙাত অনুষ্ঠিত হ’ব ‘পক্ষী সংৰক্ষণ মহোৎসৱ-২০২৪’।
৯-১০ জানুৱাৰীত অগৰাতলিত অনুষ্ঠিত হ’ব এই মহোৎসৱ।
পঞ্চমবৰ্ষৰ বাবে অনুষ্ঠিত মহোৎসৱত গণনা হ’ব বিজ্ঞানসন্মত পক্ষী।
মহোৎসৱৰ কাৰ্যসূচী মুকলি কৰিব মন্ত্ৰী চন্দ্ৰমোহন পাটোৱাৰীয়ে।

3. কোকৰাঝাৰত মন্ত্ৰী অশোক সিংহলৰ দিনজোৰা কাৰ্যসূচী।
গুণোৎসৱৰ কাৰ্যসূচীত অংশগ্ৰহণ কৰে মন্ত্ৰী গৰাকীয়ে।

4. যিকোনো সময়তে গ্ৰেপ্তাৰ হ’ব পাৰে দিল্লীৰ মুখ্যমন্ত্ৰী অৰবিন্দ কেজৰিৱাল।
দিল্লী আৰক্ষীয়ে বৃদ্ধি কৰে কেজৰিৱালৰ বাসগৃহৰ নিৰাপত্তাৰ ব্যৱস্থা।

5. ৰাম মন্দিৰ,উত্তৰ প্ৰদেশৰ মুখ্যমন্ত্ৰী যোগী আদিত্যনাথ, এছটিএফৰ মুৰব্বীক বোমাৰে উৰুৱাই দিয়াৰ ভাবুকি।
সামাজিক মাধ্যমযোগে এই ভাবুকি প্ৰদান কৰে।
ঘটনা সন্দৰ্ভত দুজনক গ্ৰেপ্তাৰ।
অভিযুক্ত তাহাৰ সিং আৰু ওমপ্ৰকাশ মিশ্ৰক গ্ৰেপ্তাৰ কৰে উত্তৰ প্ৰদেশৰ বিশেষ টাস্ক ফ’ৰ্চৰ দলে ।

6. JMCHত উপস্থিত মন্ত্ৰী কেশৱ মহন্ত।
দুৰ্ঘটনাত আঘাতপ্ৰাপ্তৰ স্বাস্থ্যৰ বুজ লয় মন্ত্ৰীগৰাকী আৰু বিধায়ক হিতেন্দ্ৰনাথ গোস্বামীয়ে।

7. IPS চিজল আগৰৱালক ডিব্ৰুগড়ৰ অতিৰিক্ত আৰক্ষী অধীক্ষক হিচাপে নিযুক্তি।
২০১৯ত ভাৰতীয় অসামৰিক সেৱাৰ প্ৰতিযোগিতামূলক পৰীক্ষাত দেশৰ ভিতৰতে ১১২সংখ্যক স্থান লাভ কৰিছিল যোৰহাটৰ চিজালে।
বৰ্তমান ৰঙিয়াৰ SDPO হিচাপে কাৰ্যনিৰ্বাহ কৰি আছে চিজল আগৰৱালে।

8. APSCৰ প্ৰাক্তন পৰীক্ষা নিয়ন্ত্ৰক নন্দবাবু সিঙলৈ জামিন।
বিশেষ ন্যায়াধীশৰ আদালতে প্ৰদান কৰে জামিন।
১১ ডিচেম্বৰত SIT-এ গ্ৰেপ্তাৰ কৰিছিল নন্দবাবু সিঙক।

9. কাইলৈৰ পৰা তিনিদিনীয়া কাৰ্যসূচীৰে ডিব্ৰুগড়ত ‘নাট মহাৰণ’।
থানেশ্বৰ বৰা আৰু সবিতা বৰা মেম’ৰিয়েল ট্রাষ্টৰ উদ্যোগত অনুষ্ঠিত হ’ব এই প্ৰতিযোগিতা।
নাট মহাৰণ’ত অংশগ্ৰহণ কৰিব বলীউডৰ প্ৰখ্যাত অভিনেতা ৰাজা মুৰাদে।
‘নাট মহাৰণ’ৰ উদ্বোধন কৰিব বলীউডৰ প্ৰখ্যাত অভিনেতাগৰাকী।
ডিব্ৰুগড় বিমানবন্দৰত অভিনেতা ৰাজা মুৰাদক উষ্ম আদৰণি জনায়।

10. নাজিৰাৰ ন-মাটি দিহিঙ্গীয়া গাঁৱত ২৮ জানুৱাৰীৰ পৰা ২ ফেব্ৰুৱাৰীলৈ ৬ দিনীয়া কাৰ্যসূচীৰে সদৌ অসম ভাওনা সমাৰোহ।
সমাৰোহৰ লাইখুঁটা স্থাপন কৰে কলিয়াপানীৰ আউনীআটী সত্ৰৰ ডেকা সত্ৰাধিকাৰ দেৱানন্দ দেৱগোস্বামীয়ে।

11. মহানগৰীৰ লাখটকীয়াৰ পৰা অনুপ ডেকা নামৰ এজন যুৱকৰ পৰা নিশা তিনি দুৰ্বৃত্তই কাঢ়ি নিছিল ম’বাইল, মানীবেগকে ধৰি বহু সামগ্ৰী।
যুৱকজনৰ এজাহাৰৰ ভিত্তিত লাখটকীয়াৰ ২নং গেটত অভিযান চলাই তিনি ডকাইতক গ্ৰেপ্তাৰ কৰে পানবজাৰ আৰক্ষীয়ে।
ধৃত ডকাইতকেইটা বিকাশ ফুকন, ৰোহিত আলী আৰু মেহবুব আলী ।

12. মুকালমুৱাৰ দৰঙ্গীপাৰাত আটক ড্ৰাগছ সৰবৰাহকাৰী ।
সৰবৰাহকাৰীটোৰ পৰা জব্দ কৰে ৫৯৫টা নিচাযুক্ত টেবলেট, এটা মোবাইলৰ লগতে এখন দুচকীয়া বাহন।
ধৃত ড্ৰাগছ সৰবৰাহকাৰীটোৰ নাম চফিকুল হ’ক।

13. ২০২২-২৩ বৰ্ষত নিৰ্বাচনী ট্ৰাষ্টৰ পৰা বিজেপিয়ে লাভ কৰে ২৫৯.০৯ কোটি টকাৰ অনুদান।
দেশৰ ৩৯টা কৰ্পোৰেট গোষ্ঠী তথা ব্যৱসায়ীয়ে আগবঢ়োৱা ৩৬৩ কোটি টকাৰ মুঠ অনুদানৰ ৭০ শতাংশৰো অধিক অৰ্থাৎ সৰ্বাধিক অনুদান লাভ কৰে বিজেপিয়ে।
এছ’চিয়েচন ফৰ ডেম’ক্ৰেটিক ৰিফৰ্মছৰ সমীক্ষাত প্ৰকাশ পাইছে এই তথ্য।
তালিকাৰ দ্বিতীয় স্থানত আছে তেলেংগানাৰ BRS দল।
BRS দলে লাভ কৰিছে ৯০ কোটি টকা।
আনহাতে, কংগ্ৰেছে লাভ কৰিছে ১৭. ৪০ কোটি টকা।

14. মাজুলীত অনিৰ্দিষ্টকাললৈ চৰকাৰী জাহাজ সেৱা বন্ধ।
ব্রহ্মপুত্রৰ জলস্তৰ হ্রাস পোৱাৰ বাবে বন্ধ কৰে ৫খনকৈ চৰকাৰী জাহাজ।
বন্ধৰ ঘোষণা কৰে আভ্যন্তৰীণ জলপৰিবহন বিভাগে।

15. ঘোষণা হ’ল T-20 বিশ্বকাপৰ সময়সূচী।
৪ জুনৰ পৰা ৩০ জুনলৈ অনুষ্ঠিত হ’ব T-20 বিশ্বকাপ।
আমেৰিকা যুক্তৰাষ্ট্ৰ আৰু ৱেষ্ট ইণ্ডিজত অনুষ্ঠিত হ’ব প্ৰতিযোগীতা।
প্ৰতিযোগিতাত ২০টা দলে অংশগ্ৰহণ কৰিব।

16. নাহৰকটীয়াৰ আমোলাপট্টীত অগ্নিকাণ্ড৷
শুভজিৎ নন্দী নামৰ এজন লোকৰ বাসগৃহত সংঘটিত হয় অগ্নিকাণ্ড৷
অগ্নিকাণ্ডত জাহ যায় কেইবা লক্ষাধিক টকাৰ সম্পত্তি, বহু গুৰুত্বপূৰ্ণ নথিপত্ৰ।
অগ্নিকাণ্ডৰ কাৰণ বৰ্তমানলৈও পোহৰলৈ অহা নাই৷

17. অসম পাঞ্জা সন্থাৰ নগাঁও জিলা সমিতিৰ সাধাৰণ সম্পাদক তথা ৰাষ্ট্ৰীয় পৰ্যায়ৰ পাঞ্জা খেলুৱৈ মাধুৰ্য্য ডেকাৰ দেহাৱসান৷
নগাঁৱৰ এখন চিকিৎসালয়ত ৪৭ বছৰ বয়সত মৃত্যু হয় খেলুৱৈগৰাকী।

18. শুকুৰবাৰৰ পৰা ৰাজ্যত নচলিব বাণিজ্যিক যান-বাহন।
ৰাজ্যজুৰি বন্ধ থাকিব দিবা-নৈশ বাছ সেৱাও।
গুৱাহাটীত নচলিব অ’লা-উবেৰ।
৪৮ ঘণ্টাৰ বাবে বন্ধ থাকিব এই সেৱা।
যান-বাহনৰ নতুন আইন বাতিলৰ দাবীত এই বন্ধ কাৰ্যসূচী।

19. অসম গ্ৰন্থমেলাৰ বাকৰিত কেলেণ্ডাৰ মুকলি অনুষ্ঠান।
মুকলি কৰা হ’ল ‘উৎপল-ধনজিৎ কেলেণ্ডাৰ ২০২৪’।
কেলেণ্ডাৰখন উন্মোচন কৰে জ্যেষ্ঠ অভিনেত্ৰী মৃদুলা বৰুৱাই।

20. ‘দেৰগাঁৱৰ দুৰ্ঘটনাৰ তদন্তৰ বাবে দিল্লী, পুনেৰ পৰা আহিব দল।
৪ দিন দুৰ্ঘটনাৰ তদন্ত কৰিব CRASH INVESTIGATIONৰ দলে’।
এই ঘোষণা NHIDCLৰ DGM দেবেন্দ্ৰ সিঙৰ।
ইতিমধ্যে দেৰগাঁৱৰ ঘটনা সন্দৰ্ভত আৰম্ভ হৈছে কেইবাটাও তদন্ত।

 

 

Sangita Dutta News Editor Rnewsindia24.com