৫ মিনিটত ২০টা গুৰুত্বপূৰ্ণ খবৰ।

Rnewsindia24.com Assam 28 February 2024:-

1. তামিলনাডুত উপস্থিত প্ৰধানমন্ত্ৰী নৰেন্দ্ৰ মোদী।
প্ৰায় ১,৭০০ কোটি টকাৰ প্ৰকল্প উদ্বোধন আৰু থুথুকুডিত আভ্যন্তৰীণ জলপথ জাহাজ মুকলি কৰে
প্ৰধানমন্ত্ৰী মোদীয়ে।
উদ্বোধনী অনুষ্ঠানত উপস্থিত থাকে কেন্দ্ৰীয় মন্ত্ৰী সৰ্বানন্দ সোণোৱাল আৰু বহু কেইগৰাকী গণ্য মান্য ব্যক্তি।

প্ৰধানমন্ত্ৰী নৰেন্দ্ৰ মোদীক তামিল স্বাভিমানৰ প্ৰতীক পৱিত্ৰ ‘চেঙ্গোল’ৰে সন্মানিত কৰে কেন্দ্ৰীয় মন্ত্ৰী সৰ্বানন্দ সোণোৱালে।

2. হিমাচল প্ৰদেশৰ মুখ্যমন্ত্ৰীৰ পদত্যাগৰ কথা অস্বীকাৰ৷
মুখ্যমন্ত্ৰী সুখবিন্দৰ সিং ছুখুৱে পদত্যাগৰ কথা অস্বীকাৰ কৰি বিজেপিৰ বিৰুদ্ধে অপপ্ৰচাৰ চলোৱাৰ অভিযোগ উত্থাপন কৰে৷

3. ৰাঁচীত উপস্থিত ৰাষ্ট্ৰপতি দ্ৰৌপদী মুৰ্মূ।
ৰাষ্ট্ৰপতিক বিমানবন্দৰত উষ্ম আদৰণি জনাই ঝাৰখণ্ডৰ ৰাজ্যপাল চি পি ৰাধাকৃষ্ণণ আৰু মুখ্যমন্ত্ৰী চাম্পাই চোৰেণে।

4. ডিগবৈ টিংৰাই ৰাজহুৱা খেলপথাৰ ষ্টেডিয়ামত মিছন বসুন্ধৰা ২.০ ভূমি পট্টা প্ৰদান অনুষ্ঠান।
উক্ত কাৰ্যসূচীত উপস্থিত থাকে মন্ত্ৰী বিমল বৰা, কেন্দ্ৰীয় মন্ত্ৰী ৰামেশ্বৰ তেলী, সঞ্জয় কিষান আৰু বহু গণ্য মান্য ব্যক্তি।

5. ৮ মাৰ্চত কাজিৰঙালৈ আহিব প্ৰধানমন্ত্ৰী নৰেন্দ্ৰ মোদী ৷
প্ৰধানমন্ত্ৰীৰ ভ্ৰমণৰ স্থানসমূহ পৰিদৰ্শন কৰে মন্ত্ৰী চন্দ্ৰমোহন পাটোৱাৰী, DGP জি পি সিং, ADGP হৰমিট সিং, প্ৰধান মুখ্য বন সংৰক্ষক এম কে যাদৱকে ধৰি কেইবাগৰাকীও উচ্চপদস্থ বিষয়াই।

6. কংগ্ৰেছৰ পৰা পদত্যাগ ৰাণা গোস্বামীৰ।
দলৰ শীৰ্ষ নেতৃত্বলৈ পদত্যাগ পত্ৰ প্ৰেৰণ কৰে নেতা গৰাকীয়ে।

7. ওড়িশাত উপস্থিত মাইক্ৰ’ছফটৰ প্ৰতিষ্ঠাপক বিল গেটছ।
ওড়িশাৰ মুখ্যমন্ত্ৰী নবীন পাটনায়কক সাক্ষাৎ কৰে বিল গেটছে।

8. মানি লণ্ডাৰিং গোচৰত আব্দু ৰজিকক EDৰ জেৰা।
বিগ বচ -১৬ৰ জনপ্ৰিয় প্ৰতিযোগী আছিল আব্দু ৰজিক।

9. বাইহাটা চাৰিআলিত নিৰ্মীয়মাণ উৰণসেতুৰ শ্লেব খহি এজন লোকৰ মৃত্যু হয়।
ঘটনাস্থলীত উপস্থিত হয় আৰক্ষীৰ উপ মহা পৰিদৰ্শক পাৰ্থসাৰথি মহন্ত।
ৰাষ্ট্ৰীয় ঘাইপথ নিৰ্মাণকাৰী সংস্থাৰ গাফিলতিৰ বাবেই দুৰ্ঘটনা সংঘটিত হোৱাৰ অভিযোগ মহা পৰিদৰ্শক গৰাকীৰ।

10. মণিপুৰৰ অপহৃত আৰক্ষী বিষয়াক উদ্ধাৰ কৰা হয়।
২০০গৰাকী অস্ত্ৰধাৰী লোকে ঘৰৰ পৰাই অপহৰণ কৰিছিল অতিৰিক্ত আৰক্ষী অধীক্ষক অমিত সিঙক।

11. সমাজবাদী পাৰ্টীৰ প্ৰধান অখিলেশ যাদৱলৈ CBIৰ চমন।
অবৈধ খনন গোচৰ সন্দৰ্ভত ১৯ ফেব্ৰুৱাৰীত সাক্ষী দিবলৈ জাৰি কৰে চমন ।
160 CrPCৰ অধীনত অখিলেশ যাদৱলৈ চমন CBIৰ।

12. দক্ষিণ কামৰূপৰ গৰৈমাৰীৰ চৌতাৰাত পথ দুৰ্ঘটনা।
বাছ আৰু বাইকৰ মুখামুখি সংঘৰ্ষত থিতাতে নিহত হয় এজন ব্যক্তি।
নিহত ব্যক্তি গৰাকী সৰালৰসূতি নেহৰু প্ৰাথমিক বিদ্যালয়ৰ প্ৰধান শিক্ষক আব্দুল কাদেৰ।

13. মৰিগাঁৱৰ ভেলৌগুৰিত জালনোট সৰবৰাহকাৰী।
হাঁহচৰাৰ পৰা গ্ৰেপ্তাৰ কৰে ৰাজিকুল আলী, ছফিকুল ইছলামক৷
ধৃত জালনোট সৰবৰাহকাৰী দুটা শোণিতপুৰ জিলাৰ৷
আৰক্ষীয়ে সৰবৰাহকাৰী দুটাৰ পৰা ৫০০ টকীয়া ২০খন জালনোট জব্দ কৰে।

14. ডিব্ৰুগড়ত টাই আহোম যুৱ পৰিষদৰ উত্তাল প্ৰতিবাদ।
লেখক-সাংবাদিক মনোজ কুমাৰ গোস্বামীয়ে আহোমৰ বিৰুদ্ধে বিতৰ্কিত পোষ্ট দিয়াক লৈ এই প্ৰতিবাদ।
মনোজ কুমাৰ গোস্বামীৰ গ্রেপ্তাৰৰ দাবীত দুঘণ্টীয়া ধৰ্মঘট কায্যসূচী ৰূপায়ন কৰে টাই আহোম যুৱ পৰিষদে।

15. কামৰূপৰ আঠাৰাত ভয়ংকৰ ঘটনা।
ডাম্পাৰৰ ভিতৰতে অগ্নিদগ্ধ হৈ মৃত্যু হয় চালক।
নিহত ডাম্পাৰ চালকজন মান্দাকাটাৰ তফিক আলী।

16. গুৱাহাটীৰ পানীখাইতিত চাঞ্চল্যকৰ ঘটনা।
নাৰেংগী-চন্দ্ৰপুৰ ঘাইপথৰ দাঁতিৰ নলাত উদ্ধাৰ হয় যুৱকৰ মৃতদেহ।
মৃত যুৱকজন পানীখাইতিৰ মাধৱ শৰ্মা।

17. আফ্ৰিকাৰ দেশ মালীত ভয়ংকৰ পথ দুৰ্ঘটনা। দুৰ্ঘটনাত থিতাতে নিহত ৩১গৰাকী, আহত ১০গৰাকী লোক। নিয়ন্ত্ৰণ হেৰুৱাই দলঙৰ পৰা বাগৰি পৰে এখন যাত্ৰীবাহী বাছ।

18. শিলচৰত ১ কোটি ২২ লাখ টকাৰ হেৰ’ইন জব্দ।
কাছাৰৰ অৰুণাচলৰ পৰা জব্দ কৰে হেৰ’ইনখিনি।
হেৰ’ইনসহ ২ সৰবৰাহকাৰী আজাদ মজুমদাৰ, ৰাহুল আমিন মজুমদাৰক গ্ৰেপ্তাৰ কৰে আৰক্ষীয়ে।
এখন TATA HARRIER বাহনৰ পৰা জব্দ কৰে ১৫টা চাবোনৰ বাকচত প্ৰায় ১৭৫ গ্ৰাম হেৰ’ইন।

19. দলগাঁৱৰ বেছিমাৰীত অগ্নিকাণ্ড৷
জুইত ভস্মীভূত হয় এটা পৰিয়ালৰ তিনিটাকৈ বাসগৃহ৷
শ্বৰ্ট-চাৰ্কিটৰ ফলত জুইৰ সূত্ৰপাত হয় বুলি সন্দেহ।

20. গুজৰাটৰ সমুদ্ৰৰ পৰা বুজন পৰিমাণৰ ড্ৰাগছ।
আৰক্ষীয়ে জব্দ কৰে ৩,১০০ কিলোগ্ৰাম ড্ৰাগছ।
জব্দকৃত ড্ৰাগছখিনিৰ মূল্য প্ৰায় ২ হাজাৰ কোটি টকা।

 

 

Sangita Dutta Editor in Chief Rnewsindia24.com