Sarbananda Sonuwal

দিনটোৰ ২০টা গুৰুত্বপূৰ্ণ খবৰ।

Spread the love

Ankit Motors Gogamukh

১/ কলাক্ষেত্ৰত আৰক্ষী আৰু নাগৰিক সমিতিৰ ৰাজ্যিক পৰ্যায়ৰ প্ৰথমখন সন্মিলন।
সন্মিলনত অংশগ্ৰহণ কৰে মুখ্যমন্ত্ৰী ড০ হিমন্ত বিশ্ব শৰ্মাৰ।
উপস্থিত থাকে DGP জি পি সিঙকে ধৰি শীৰ্ষ আৰক্ষী বিষয়া, ৩০৭খন থানাৰ নাগৰিক সমিতিৰ প্ৰতিনিধি।
সন্মিলনত অংশগ্ৰহণ কৰি কেইবাটাও গুৰুত্বপূৰ্ণ মন্তব্য কৰে মুখ্যমন্ত্ৰী ড০ শৰ্মাই।

 

Mising Autonomous Council
Mising Autonomous Council

২/ পৱিত্ৰ ভাদ মাহ উপলক্ষে ঐতিহাসিক ঢেকীয়াখোৱা বৰনামঘৰত সেৱা জনাই কেন্দ্ৰীয় মন্ত্ৰী সৰ্বানন্দ সোণোৱালে।

৩/ পাঞ্জাবাৰীস্থিত অসম চলচ্চিত্ৰ (বিত্ত আৰু উন্নয়ন) নিগমৰ প্ৰেক্ষাগৃহত মিছন বসুন্ধৰা 3.0 কৰ্মশালা।
কৰ্মশালাত উপস্থিত থাকে মন্ত্ৰী যোগেন মহন আৰু বহু গণ্য মান্য ব্যক্তি।

৪/ ‘আইনগতভাৱে চুমি বৰাক এখন জাননী দিয়া হৈছে।
জাননীৰ পিছতো যদি নাহে উচিত ব্যৱস্থা লোৱা হ’ব।
X, Y, Z যিয়েই হওক সকলো আইনৰ আওতাত আহিবই লাগিব।’
পলাতক চুমি বৰা সন্দৰ্ভত মন্তব্য কৰে DGP জি পি সিঙে।

৫/ গোৱালপাৰাৰ লক্ষীপুৰত প্ৰতিযোগিতামূলক ফুটবল খেলৰ চূড়ান্ত খেল আয়োজন।
চূড়ান্ত খেলৰ শুভ উদ্বোধন গুৱাহাটী লোকসভা সমষ্টিৰ সাংসদ বিজুলী কলিতা মেধিয়ে।

৬/ আজি পুনৰ আদালতত হাজিৰ কৰোৱা হয় বিশাল ফুকনক।
ডিব্ৰুগড় আৰক্ষীৰ জিম্মাত আছে প্ৰৱঞ্চক বিশাল ফুকন।
পূৰ্বে ৩ দিনৰ জিম্মাত লৈছিল আৰক্ষীয়ে।
ম্যাদ উকলাত আজি পুনৰ আদালতত হাজিৰ কৰায় আৰক্ষীয়ে।

৭/ কাইলৈ কংগ্ৰেছত যোগদান কৰিব ৰিপুণ বৰাই।
AICCৰ সাধাৰণ সম্পাদক জিতেন্দ্ৰ সিঙৰ উপস্থিতিত যোগ দিব কংগ্ৰেছত।

৮/ এতিয়াৰে পৰা ৰাজ্য চৰকাৰৰ কৰ্মচাৰীয়ে লাভ কৰিব ১০লাখ টকাৰ জীৱন বীমা, ১কোটি টকাৰ দুৰ্ঘটনা বীমাৰ সুবিধা ।
সংবাদমেলত এই ঘোষণা কৰে মুখ্যমন্ত্ৰী ড০ হিমন্ত বিশ্ব শৰ্মাই।

৯/ অসম প্ৰদূষণ নিয়ন্ত্ৰণ ব’ৰ্ডৰ উদ্যোগত স্বচ্ছ বায়ু দিৱস সন্দৰ্ভত আলোচনা চক্ৰ আৰু সজাগতা সভা।
দিছপুৰস্থিত নেডফি হাউচত অনুষ্ঠিত হয় সজাগতা সভা।
উপস্থিত থাকে অসম প্ৰদূষণ নিয়ন্ত্ৰণ ব’ৰ্ডৰ অধ্যক্ষ অৰূপ কুমাৰ মিশ্ৰ আৰু বহু গণ্য মান্য ব্যক্তি।

১০/ বিশাল ফুকনৰ ডিব্ৰুগড়ৰ গোচৰ CIDলৈ হস্তান্তৰ, CIDএ গঠন কৰিব Special Investigation Team- ঘোষণা DGP জি পি সিঙৰ।

১১/ বিহু ফাংচনত গান গোৱা আৰক্ষীলৈ মুখ্যমন্ত্ৰীৰ কঠোৰ বাৰ্তা।
জনপ্ৰিয়তাৰ পাছত নদৌৰিবলৈ আৰক্ষীক আহ্বান জনাই – ‘অসম আৰক্ষীৰ কাম ৰাইজক সেৱা কৰা, ‘একাংশই আৰক্ষীৰ সাজতে মঞ্চত মাইক হাতত লৈ গীত গায়’।

১২/ ডিব্ৰুগড়ত পুনৰ জব্দ বিশাল ফুকনৰ অন্য এখন বিলাসী বাহন।
আৰক্ষীয়ে জব্দ কৰে কিয়া ছেলট’ছ বাহনখন।
এই খন চতুৰ্থখন বিলাসী বাহন বিশালৰ।

১৩/ ৰাষ্ট্ৰীয় ৰাজধানীত জিলিকি উঠিল Gupshup 94.3 FM।
নতুন দিল্লীৰ ইণ্ডিয়া হেবিটেট চেণ্টাৰত অনুষ্ঠিত অনুষ্ঠানত লাভ কৰে ‘এক্সিলেন্স ইন ছ’চিয়েল ইমপেক্ট এৱাৰ্ড ২০২৪’।
একেৰাহে দ্বিতীয়টো ৰাষ্ট্ৰীয় পৰ্যায়ৰ বঁটা লাভ কৰে আৰ জে মেণ্ডীৰ লগতে ক্লাষ্টাৰ প্ৰগ্ৰেমিং হেডে।

১৪/ চুমী বৰাৰ বিয়া খাই নিলম্বিত গোলাঘাটৰ OC জিতুমণি ডেকা।
ইফালে ট্ৰেডিং কেলেংকাৰীত জড়িত CIDৰ লেন্সনায়ক সৰোজ ডেকাক চাকৰিৰ পৰা বৰ্খাস্ত।

১৫/ ধেমাজিৰ দক্ষিণ ডুমকটা গাৱঁত খাদ্যত বিষক্ৰিয়া।
ভাদ মাহৰ নাম প্ৰসংগৰ অনুষ্ঠানত বুটমাহ খাই অসুস্থ দুই শতাধিকতকৈ অধিক লোক।

১৬/ হায়দৰাবাদত ভয়ংকৰ ঘটনা।
আইচক্ৰীমত হুইস্কি মিহলাই বজাৰত বিক্ৰী।
৬০ গ্ৰাম আইচক্ৰীমত ১০০ মিঃলিঃ হুইস্কি মিহলি দুষ্ট চক্ৰৰ।
১০০ মিঃলিঃ হুইস্কি মিহলাই অধিক দৰত বিক্ৰী আইচক্ৰীম।
জুবিলী হিলছৰ আৰিকো কেফে আইচক্ৰীম দোকানত সংঘটিত হয় এই ঘটনা।

১৭/ মধ্যপ্ৰদেশত ইন্দোৰ- জবলপুৰ সোমনাথ এক্সপ্ৰেছ লাইনচ্যুত।
মধ্যপ্ৰদেশৰ জবালপুৰত লাইনচ্যুত ইন্দোৰ- জবলপুৰ সোমনাথ এক্সপ্ৰেছৰ ২টাকৈ ডবা।

১৮/ তিতাবৰত আৰক্ষীৰ জালত অনলাইন ট্ৰেডিং কেলেংকাৰিৰ অভিযুক্ত।
অবিনাশ পাৰ্ধিয়া নামৰ এজন যুৱকক আটক কৰে বৰহোলা আৰক্ষীয়ে।
বৰহোলাৰ গড়াজানৰ ১৬নং ব্লকত থকা বাসগৃহৰ পৰা আটক হয় যুৱকজনক।
বাসগৃহতে Good Luck Tutor Center Pvt. Ltd নামেৰে খুলিছিল প্ৰতিষ্ঠান।
কেইবাটাও ৱেবছাইটত বহু লোকৰ লাখ লাখ টকাৰ ট্রেডিং কৰি আহিছিল যুৱকজনে।

১৯/ ডিব্ৰুগড়ত পোহৰলৈ আহিছে আন এক ট্ৰেডিং প্ৰৱঞ্চকৰ তথ্য।
নাৰায়ণ পালৰ বিৰুদ্ধে ৫০০ কোটি টকাৰ কেলেংকাৰিৰ অভিযোগ।
ট্ৰেডিঙৰ নামত বহু লোকৰ ধন আত্মসাৎ কৰিছে নাৰায়ণ পালে।
BIGBIGUL প্ৰতিষ্ঠানৰ নামত নাৰায়ণ পালে সংগ্রহ কৰিছিল ধন।
নাৰায়ণ পালক সংবাদ মাধ্যমৰ পৰা আঁতৰাই ৰখাৰ চেষ্টা একাংশ সংগঠনৰ।
নাৰায়ণ পালৰ SCAM গাপ দি ৰখাৰ চেষ্টা কেইবাটাও সংগঠনৰ।
কেলেংকাৰিৰ কথা গাপ দি ৰাখিবলৈ বৃহৎ ধনৰ বিনিময়ত বুজাবুজি একাংশ সংগঠনৰ।
ডিব্ৰুগড়ৰ সাংবাদিকক মেনেজৰ চেষ্টা ভালেকেইটা সংগঠনৰ নেতৃত্বৰ।

২০/ ধিঙৰ ছাত্ৰী ধৰ্ষণত অভিযুক্তক আৰক্ষীৰ জিম্মালৈ প্ৰেৰণ।
আদালতে দুদিনৰ আৰক্ষীৰ জিম্মালৈ প্ৰেৰণ কৰে ফৰিদুল ইছলাম, গোলাপ উদ্দিনক।
নগাঁও আৰক্ষীৰ ওচৰত আত্মসমৰ্পণ কৰিছিল ২ অভিযুক্তই।

 

Ankit Motors Gogamukh

 

 

Sangita Dutta Editor in Chief Rnewsindia24.com

Leave a Reply

Your email address will not be published. Required fields are marked *