২০২৫ বৰ্ষৰ ৯ মাৰ্চ তাৰিখে অসমৰ মুখ্যমন্ত্ৰী ড০ হিমন্ত বিশ্ব শৰ্মাই এক সংবাদমেল সম্বোধন কৰি অসমৰ সৰ্বোচ্চ অসামৰিক সন্মান “অসম বৈভৱ বঁটা”, দ্বিতীয় সৰ্বোচ্চ অসামৰিক সন্মান “অসম সৌৰভ বঁটা” আৰু তৃতীয় সৰ্বোচ্চ অসামৰিক সন্মান “অসম গৌৰৱ বঁটা” লাভ কৰা স্বনামধন্য ব্যক্তি সকলৰ নাম ঘোষণা কৰে।
১/ অসমৰ সুযোগ্য সন্তান, ৰঙিয়াৰ নিবাসী অৱসৰপ্ৰাপ্ত লেফটেনেন্ট জেনেৰেল ৰাণা প্ৰতাপ কলিতালৈ ৰাজ্য চৰকাৰে আগবঢ়াইছে ৰাজ্যৰ সৰ্বোচ্চ অসামৰিক সন্মান “অসম বৈভৱ বঁটা“।
২/ ৰাজ্যৰ দ্বিতীয় সৰ্বোচ্চ অসামৰিক সন্মান “অসম সৌৰভ বঁটা” ৬ গৰাকী বিশিষ্ট ব্যক্তিলৈ আগবঢ়োৱা হৈছে।
ক্ৰমে – অসমীয়া চলচ্চিত্ৰ জগতৰ পুৰোধা ব্যক্তি তথা সংগীত পৰিচালক, কণ্ঠশিল্পী, অভিনেতা, চিত্ৰনাট্যকাৰ দ্বিপেন বৰুৱা, প্ৰথিতযশা নাট্যকাৰ, গীতিকাৰ, অভিনেতা তথা পৰিচালক হেমন্ত দত্ত, ভাৰতীয় মহিলা ক্ৰিকেট দলত স্থান লাভ কৰা প্ৰথম গৰাকী অসমীয়া ক্ৰিকেটাৰ উমা ছেত্ৰী, TCS চেয়াৰমেন ডঃ এছ ৰামাডুৰাই, বিজ্ঞানী ড০ বাপী পাল, ড০ পূৰৱী শইকীয়া।
৩/ ৰাজ্যৰ তৃতীয় সৰ্বোচ্চ অসামৰিক সন্মান “অসম গৌৰৱ বঁটা” ১৫ গৰাকী ব্যক্তিলৈ আগবঢ়োৱা হৈছে।
ক্রমে- ফুলেশ্বৰী দত্ত, মীনাক্ষী দাস, ধীৰেন্দ্র নাথ পাল, পাৰ্থ সুন্দৰ গগৈ, হৰিদাস দাস, বিনং টেৰণ,
নজৰুল হক, বিশ্বজিত বৰা, ভাৰত কলিতা, বৰলাংছফা নাজাৰ্ৰী, ৰাম চাচনী, উপামন্যু বৰকাকতি, ডেভিদ প্ৰতিম গগৈ, পৰিৱেশ আৰু জন্তু সংৰক্ষণৰ বাবে ৩টা অনুষ্ঠান ক্ৰমে- চোৰেণ এহেম, ইক’ ডেভলেপমেণ্ট ছ’চাইটী, আৰু হস্তীবন্ধু।
আনহাতে, ২০২৪ বৰ্ষৰ সাহিত্য অকাদেমিৰ অনুবাদ সাহিত্য বঁটাৰ বাবে নিৰ্বাচিত হয় ৰাজ্যৰ তিনিগৰাকীকৈ বিশিষ্ট অনুবাদক অঞ্জন শৰ্মা (অসমীয়া ভাষা), বাসুদেৱ দাস (বাংলা ভাষা) আৰু উত্তৰা বসুমতাৰী (বড়ো ভাষা)।
বৰেণ্য ব্যক্তিসকলক rnewsindia24.com পৰিয়ালৰ তৰফৰ পৰা আন্তৰিক অভিনন্দন ও শুভেচ্ছা জ্ঞাপন কৰিছোঁ।
বিশিষ্ট ব্যক্তি সকলৰ জীৱনজোৰা তথা নিৰলস সাধনা, দৃঢ়তা, একাগ্ৰতাৰে সমাহিত বৰ্ণিল কৰ্মই প্ৰতিজন অসমবাসীৰ বাবে প্ৰেৰণাৰ সৌধ নিৰ্মাণ কৰাৰ লগতে অসমৰ জাতীয় জীৱনক অনন্য মাত্ৰা প্ৰদান কৰি আহিছে।
তেওঁলোকৰ জীৱনাদৰ্শ, দূৰদৰ্শী চিন্তা তথা কৰ্মচেতনাই উঠি অহা প্ৰতিটো প্ৰজন্মক প্ৰতিপল অনুপ্ৰাণিত কৰিব।।
প্ৰিয় দৰ্শক, এনেধৰণৰ গুৰুত্বপূৰ্ণ বাৰ্তা সমূহ জানি থাকিবৰ বাবে নিয়মীয়াকৈ পৰিদৰ্শন ৱেবছাইট rnewsindia24.com
ধন্যবাদ।
Sangita Dutta Editor in Chief Rnewsindia24.com
