অসমবাসীৰ বাবে গৌৰৱান্বিত খবৰ।
ইণ্ডিয়ান পেনচাক চিলাট ফেডাৰশ্ব্যনৰ উদ্যোগত নাগালেণ্ডৰ ডিমাপুৰস্থিত ডি.বি.এছ ইণ্ড’ৰ ষ্টেডিয়ামত যোৱা ইংৰাজী ১৭ আৰু ১৮ মাৰ্চ তাৰিখে দুদিনীয়াকৈ অনুষ্ঠিত হোৱা উত্তৰ পূব আস্মিতা খেল’ ইণ্ডিয়া মহিলা পেন্চাক চিলাট লীগ:২০২৫ সফলতাৰে সামৰণি পৰে।
উত্তৰ-পূৱৰ ৮ খন ৰাজ্যৰ ছাব্-জুনিয়’ৰ, জুনিয়’ৰ আৰু ছিনিয়’ৰ মহিলা খেলুৱৈৰ অংশগ্ৰহণ আৰু ভাৰতীয় ক্ৰীড়া প্ৰাধিকৰণৰ পৰ্য্যবেক্ষণত অনুষ্ঠিত হোৱা
উক্ত প্ৰতিযোগিতাত বিশিষ্ট অতিথি হিচাপে উপস্থিত থাকে নাগালেণ্ডৰ বিধায়ক তথা ৰাজ্যিক ক্ৰীড়া আৰু যুৱ-কল্যাণ বিভাগৰ উপদেষ্টা এছ. কে. য়িমখিউম, নাগালেণ্ড অলিম্পিক সন্থাৰ যুটীয়া সম্পাদক কুপুট’ শ্বহে, নাগালেণ্ড ৰাজ্যিক ক্ৰীড়া আৰু যুৱ-কল্যাণ সঞ্চালক কেথ’শ্বিটো শ্বেখ’ছে আৰু বহু গণ্য মান্য ব্যক্তি।
উত্তৰ-পূৱৰ ৮ খন ৰাজ্যৰ খেলুৱৈ দলৰ মুঠ ৩৩৪ গৰাকী মহিলা খেলুৱৈয়ে অংশগ্ৰহণ কৰা প্ৰতিযোগিতাখনিত অসমৰ ৭৯ গৰাকী খেলুৱৈয়ে টেণ্ডিং, টুংগল, গাণ্ডা, ৰেগু আৰু ক্ৰীয়েটিভ ছ’ল’ আদি বিভাগত অংশগ্ৰহণ কৰি ২২টা সোনৰ পদক, ১৯টা ৰূপৰ পদক আৰু ২৫টা ব্ৰঞ্জসহ মুঠ ৬৬টা পদক জয়ৰে প্ৰথম বিজেতা দলৰ সন্মান লাভ কৰি ৰাজ্যখনলৈ গৌৰৱ কঢ়িয়াই আনিবলৈ সক্ষম হয়।
আনহাতে, আয়োজক দল নাগালেণ্ডে ১০টা সোনৰ, ৮টা ৰূপৰ আৰু ১৬টা ব্ৰঞ্জসহ মুঠ ৩৪টা পদক লাভ কৰি দ্বিতীয় স্থান আৰু অৰুণাচল প্ৰদেশে ৮টা সোনৰ, ৬টা ৰূপৰ আৰু ৬টা ব্ৰঞ্জসহ মুঠ ২০টা পদকেৰে তৃতীয় স্থান লাভ কৰে বুলি Rnewsindia24ক জানিবলৈ দিয়ে অসম পেনচাক চিলাট সন্থাৰ প্ৰতিষ্ঠাপক সাধাৰণ সম্পাদক তথা কাৰিকৰী সঞ্চালক লক্ষ্যজিত দলেয়ে।
পদক প্ৰাপ্ত আটাইলৈ Rnewsindia24.com পৰিয়ালৰ তৰফৰ পৰা আন্তৰিক অভিনন্দন ও শুভেচ্ছা জ্ঞাপন কৰিলোঁ।
লগতে সু-স্বাস্থ্য আৰু দীৰ্ঘায়ু কামনা কৰিছোঁ।
প্ৰিয় দৰ্শক, এনেধৰণৰ গুৰুত্বপূৰ্ণ বাৰ্তা সমূহ জানি থাকিবৰ বাবে নিয়মীয়াকৈ পৰিদৰ্শন কৰিব আমাৰ ৱেবছাইট rnewsindia24.com
ধন্যবাদ।
Sangita Dutta Editor in Chief Rnewsindia24.com