♦️ ভিডিঅ’ কনফাৰেন্সযোগে বিশেষ সাক্ষাৎকাৰ প্ৰদান মিচিং স্বায়ত্বশাসিত পৰিষদৰ মুখ্য কাৰ্য্যবাহী সদস্য পৰমানন্দ চায়েঙীয়াৰ।
২৪/১১/২০২৫ তাৰিখে পৰিষদে কেশকাৰ অৰ্থাৎ নাপিত প্ৰশিক্ষণেৰে India আৰু Asia book of records ত নাম সন্নিৱিষ্ট হোৱাৰ বিষয়ক লৈ মুখ্য কাৰ্য্যবাহী সদস্য পৰমানন্দ চায়েঙীয়াক India Book of Recordsৰ Content Coordinator Meenakshi Varma এ এক বিশেষ সাক্ষাৎকাৰ গ্ৰহণ কৰে।
উক্ত সাক্ষাৎকাৰ ৰাষ্ট্ৰীয় সংবাদ মাধ্যম India TVত সম্প্ৰচাৰিত হ’ব।
♦️ সন্মিলিত গণশক্তি অসমৰ ২০ সংখ্যক প্ৰতিষ্ঠা দিৱস উদযাপন।
২০/১১/২০২৫ তাৰিখে মিংমাং দঃঞি পঃল কৃষ্টি ভৱনত মিংমাং শাখা শক্তিৰ উদ্যোগত গণশক্তিৰ ২০ সংখ্যক প্ৰতিষ্ঠা দিৱস আৰু মিংমাং শাখা শক্তিৰ ১৮ সংখ্যক প্ৰতিনিধি সভা অনুষ্ঠিত কৰে।
অনুষ্ঠানত মুখ্য অতিথি হিচাপে উপস্থিত থাকি সভাত উপবিষ্ট ৰাইজক উদ্দেশ্যি বহু গুৰুত্বপূৰ্ণ তথা বিশ্লেষণাত্মক বক্তব্য আগবঢ়াই সন্মিলিত গণশক্তি অসমৰ সভাপতি তথা মিচিং স্বায়ত্বশাসিত পৰিষদৰ মুখ্য কাৰ্য্যবাহী সদস্য পৰমানন্দ চায়েঙীয়াই।
সভাত উপস্থিত থাকে মিংমাং শাখা শক্তিৰ প্ৰাক্তন উপ-সভাপতি বসন্ত কুমাৰ দাস, অৱসৰপ্ৰাপ্ত প্ৰধান শিক্ষক অৰুন মৰাং, মিংমাং গাওঁ পঞ্চায়তৰ সভাপতি গনেশ্বৰ দলে আৰু গণশক্তি, MMK, TMMK, TMPK ৰ অন্যান্য বিষয়ববীয়া।
উল্লেখ্য যে, সন্মিলিত গণশক্তি অসমৰ প্ৰতিখন শাখা শক্তিত দিনজোৰা কাৰ্য্যসূচীৰে বিংশতম প্ৰতিষ্ঠা দিৱস উদযাপন কৰে।
