ভীম কলৰ উপকাৰীতা আৰু ঔষধী গুণ।

ভীম কল আমাৰ স্বাস্থ্যৰ বাবে অতি উপকাৰী।

ভীম কলৰ কলাখাৰ, কলপচলা, কলৰ বাকলি, পাত, কাণ্ডৰ পৰা ওলোৱা পানী, শিপা আদি সকলো অংশই ঔষধি গুণেৰে ভৰপূৰ।

এইবিধ কলত প্ৰচুৰ পৰিমাণে কাৰ্বহাইড্ৰেট, আইৰণ, কেলছিয়াম, ফাইবাৰ, পটাছিয়াম, ভিটামিন আদি পোৱা যায়।

ভীমকলক আঠিয়া কল বুলিও কোৱা হয়।
ভীমকলৰ বৈজ্ঞানিক নাম হ’ল Musa balbisiana Colla ।

আপুনি বাৰু ভীম কল খায় নে ?

জানো আহক ভীমকলত কি কি ঔষধী গুণ আছে-

1. ৰক্তহীনতাত ভোগা লোকৰ বাবে ভীমকলৰ ডিল অতি উপকাৰী৷

2. টোপনি কম হ’লে পকা ভীমকলৰ গুটি আঁতৰাই এগিলাচ গাখীৰত মিহলাই খালে সুফল পোৱা যায়৷

3. ভীমকলৰ পচলা খালে কোষ্ঠকাঠিন্যতা দূৰ হয়৷

4. পকা ভীমকল খালে উচ্চ ৰক্তচাপ নিয়ন্ত্ৰণ কৰিব পাৰি।

5. শৰীৰৰ ওজন বৃদ্ধি কৰিবৰ কাৰণে পকা ভীমকলৰ লগত বুটমাহ খাব লাগে।

6. শীতকালত প্ৰতিদিনে এটাকৈ ভীমকল খালে শৰীৰৰ শ্ৰীবৃদ্ধি হয়৷

7. পকা ভীম কল চৰ্বত কৰি খালে পেট ঠাণ্ডা কৰাৰ লগতে দেহৰ পুষ্টি সাধন কৰে।

8. পিত্ত ৰোগীৰ বাবে কেঁচা ভীম কলৰ ৰস অতি উপকাৰী।

9. গ্ৰহণী ৰোগত পকা ভীম কল গুটিৰে সৈতে খালে সুফল পোৱা যায়।

গতিকে, আপুনি যদি এই সমূহ সমস্যাত ভুগি আছে তেনেহলে আজিৰে পৰা ভীমকল খাওঁক আৰু নিৰোগী হৈ থাকক।

বিঃদ্ৰঃ- এই তথ্যখিনি বিভিন্ন উৎসৰ পৰা সংগৃহীত। অধিক তথ্য জানিবৰ বাবে চিকিৎসকৰ পৰামৰ্শ গ্ৰহণ কৰিব।

ধন্যবাদ।

 

সংগীতা দত্তৰ প্ৰতিবেদন R News India 24