৫ মিনিটত ২০টা গুৰুত্বপূৰ্ণ খবৰ।

Rnewsindia24.com Assam December 29/2023:- 

১/ কেন্দ্ৰীয় চৰকাৰ, অসম চৰকাৰ আৰু আলফাৰ মাজত শান্তি চুক্তি স্বাক্ষৰ।
মুখ্যমন্ত্ৰী হিমন্ত বিশ্ব শৰ্মা, গৃহমন্ত্ৰী অমিত শ্বাহৰ উপস্থিতিত কেন্দ্ৰীয় গৃহ মন্ত্ৰালয়ত স্বাক্ষৰিত হয় চুক্তি।
আলফাৰ হৈ চুক্তিত স্বাক্ষৰ কৰে অৰবিন্দ ৰাজখোৱা, অনুপ চেতিয়া, প্ৰদীপ গগৈ, চিত্ৰবন হাজৰিকা, প্ৰণতি ডেকা, ৰাজু বৰুৱা, শশধৰ চৌধুৰী, মিথিংগা দৈমাৰীয়ে।
অনুষ্ঠানত উপস্থিত থাকে অসমৰ কেইবাটাও সংগঠনৰ প্ৰতিনিধি।

২/ উত্তৰ প্ৰদেশত নিৰ্মাণ অযোধ্যাৰ মহৰ্ষি বাল্মিকী আন্তঃৰাষ্ট্ৰীয় বিমানবন্দৰ।
৩০ ডিচেম্বৰত নৱ নিৰ্মিত অযোধ্যা বিমানবন্দৰ উদ্বোধন কৰিব প্ৰধানমন্ত্ৰী নৰেন্দ্ৰ মোদীয়ে।

৩/ ১৭ জানুৱাৰীৰ পৰা ৰাজ্যৰ প্ৰায় ৪৩ লাখ লোকে লাভ কৰিব ৰেচন কাৰ্ড।
পুৰণি কাৰ্ডৰ গৰাকীয়ে ১ৰ পৰা ১০ জানুৱাৰীৰ ভিতৰত পাব বিনামূলীয়া চাউল।
১৭ জানুৱাৰীৰ পৰা ২৭ জানুৱাৰীলৈকে বিনামূলীয়া ৰেচন পাব নতুন কাৰ্ডৰ গৰাকীয়ে।

৪/ আবু ধাবিত নিৰ্মাণ হোৱা হিন্দু মন্দিৰ উদ্বোধন কৰিব প্ৰধানমন্ত্ৰী নৰেন্দ্ৰ মোদীয়ে৷
নিমন্ত্ৰণী পত্ৰ গ্ৰহণ কৰে প্ৰধানমন্ত্ৰী মোদীয়ে।
আবু ধাবিৰ ৫৫ হাজাৰ বৰ্গমিটাৰ মাটিত নিৰ্মাণ কৰা হয় মন্দিৰটো৷

৫/ আজি ৰাষ্ট্ৰীয় শল্য চিকিৎসা অস্ত্ৰোপচাৰ দিৱস।
গুৱাহাতী চিকিৎসা মহাবিদ্যালয়ত মুকলি কৰে শিশু পুথিভঁৰাল।
উন্মোচন কৰে GMCHৰ অধ্যক্ষ ডাঃ অচ্যুত চন্দ্ৰ বৈশ্যই।

৬/ আমিনগাঁৱত খেল মহাৰণ অনুষ্ঠানত উপস্থিত থাকে মন্ত্ৰী চন্দ্ৰমোহন পাটোৱাৰী।
উক্ত অনুষ্ঠানত “গ’ল কীপাৰ নোহোৱাকৈয়ে আমি খেল চলাব পাৰো।
আমাক গ’ল কীপাৰৰ প্ৰয়োজনেই নাই” বুলি মন্তব্য কৰে মন্ত্ৰী গৰাকীয়ে।

৭/ IPS নীনা সিঙক CISFৰ নতুন চীফ হিচাপে নিযুক্তি প্ৰদান।
CISFৰ প্ৰথম মহিলা চীফ নীনা সিং৷

৮/ ‘‘তিনিচুকীয়া,শিৱসাগৰ আৰু যোৰহাটত সংঘটিত গ্ৰেণেড বিস্ফোৰণত জড়িত আটাইকেইগৰাকী অভিযুক্তক গ্ৰেপ্তাৰ কৰা হয়।
কূটাঘাতমূলক কাৰ্যত ব্যৱহাৰ কৰা মটৰচাইকেলসমূহো জব্দ কৰা হৈছে৷
’’ ৰাজ্যত শেহতীয়াকৈ সংঘটিত গ্ৰেণেড বিস্ফোৰণ সন্দৰ্ভত সামাজিক মাধ্যমত বিশেষ মন্তব্য কৰে DGP জি পি সিঙে।

৯/ নীতিশ কুমাৰক JD(U)ৰ ৰাষ্ট্ৰীয় সভাপতি নিৰ্বাচিত৷
সভাপতি পদৰ পৰা আঁতৰিল ললন সিং ৷
দিল্লীত ৰাষ্ট্ৰীয় কাৰ্যনিৰ্বাহক বৈঠকত এই ঘোষণা৷
দুদিনীয়াকৈ অনুষ্ঠিত হৈছিল দলটোৰ ৰাষ্ট্ৰীয় কাৰ্যনিৰ্বাহক৷

১০/ ৰাষ্ট্ৰপতি পদৰ প্ৰাৰ্থী হ’ব নোৱাৰিব ড’নাল্ড ট্ৰাম্প৷
ক’লাৰাড’ উচ্চতম ন্যায়ালয়য়ে অযোগ্য ঘোষণা কৰে ট্ৰাম্পক৷
কেপিটল হীল আক্ৰমণৰ ঘটনাৰ বাবে অযোগ্য ঘোষণা কৰা হয়।
২০২১ চনৰ ৬ জানুৱাৰীত ঘটিছিল আক্ৰমণৰ ঘটনা৷

১১/ যোৰহাটত আৰক্ষীৰ জালত ভুৱা চিকিৎসক।
যোৰহাট চিকিৎসা মহাবিদ্যালয়ৰ পৰা আটক কৰে ভুৱা চিকিৎসক মনোজ ঘোষক।
নিজকে চিকিৎসক বুলি পৰিচয় দি ৰোগীক হাৰশাস্তি কৰাৰ অভিযোগ মনোজ ঘোষৰ বিৰুদ্ধে।

১২/ গুৱাহাটীত বিশেষ প্ৰদৰ্শনী মেলা।
৩ গৰাকী মহিলাৰ উদ্যোগত অনুষ্ঠিত হৈছে New Year Carnival।
প্ৰদৰ্শনী মেলাত অংশগ্ৰহণ কৰে ১৯গৰাকী মহিলা উদ্যোগীয়ে।
এই মেলা উদ্দেশ্যে হৈছে উত্তৰ-পূবৰ কৰ্মমূখী মহিলাসকলক উৎসাহিত কৰা।

১৩/ দুৰ্নীতিৰ অভিযোগত চাকৰিৰ পৰা নিলম্বন কাছাৰৰ গাঁও পঞ্চায়ত সচিব।
নিলম্বিত হয় গাঁও পঞ্চায়ত সচিব কৃপাশংকৰ দত্ত।
২২ লাখ টকাৰ আত্মসাত কৰাৰ অভিযোগত নিলম্বন কৰা হয়।

১৪/ নগাঁৱত চাঞ্চল্যকৰ ঘটনা।
আলফাৰ সন্দেহত এজন চৰকাৰী কৰ্মচাৰীক গ্রেপ্তাৰ।
গ্রেপ্তাৰ কৰে নগাঁৱৰ উৰিয়াগাঁৱৰ ধৰ্ম দত্ত নামৰ কৰ্মচাৰীজনক।
ধৰ্ম দত্ত নগাঁও পৌৰসভাৰ নিম্ন বৰ্গৰ সহায়ক আছিল।

১৫/ বিলাসীপাৰাত প্ৰশাসনৰ উচ্ছেদ অভিযান৷
খুদিগাঁৱৰ ২য় খণ্ডত উচ্ছেদ চলাই প্ৰশাসনে৷
চৰকাৰী মাটিখিনিত বসবাস কৰা ১৫০ পৰিয়ালক উচ্ছেদ কৰে প্ৰশাসনে।

১৬/ চাপৰৰ বন বিভাগৰ অভিযান।
চাপৰত জব্দ কৰে প্ৰায় ৪ লক্ষাধিক টকাৰ শাল কাঠৰ কুণ্ডা।
জনৈক ৰেজ্জাক আলীৰ ঘৰত জব্দ কৰে বৃহৎপৰিমানৰ শাল কাঠৰ কুণ্ডাখিনি।

১৭/ কাছাৰৰ বৰখলাত গ্ৰেপ্তাৰ সাংবাদিকসহ ৪ গৰাকী ড্ৰাগছ সৰবৰাহকাৰী৷
গ্ৰেপ্তাৰ হয় মুন্না খান, আজাউৰ ৰহমান, আচিবুৰ ৰহমান, বিশাল বৈদ্য৷
ধৃত মুন্না খানৰ পৰা এখন প্ৰেছ পৰিচয় পত্ৰ জব্দ কৰে আৰক্ষীয়ে।

১৮/ বকোৰ লাংকোনাত শোকাৱহ পথ দুৰ্ঘটনা৷
বালিভৰ্তি মহিন্দ্ৰা পিক-আপ ভানৰ খুন্দা বাইকত৷
থিতাতে নিহত হয় বাইকচালক কৈমাৰীৰ লোবিন চন্দ্ৰ বড়ো।
গুৰুতৰভাৱে আহত হয় আন এজন বাইক আৰোহী৷

১৯/ মাজুলীত RSS প্ৰধান মোহন ভাগৱতৰ তৃতীয়টো দিন।
উত্তৰ কমলাবাৰী আৰু আউনীআটি সত্ৰত উপস্থিত হৈ সেৱা গ্ৰহণ কৰে RSS প্ৰধান গৰাকী।

২০/ যোৰহাট গ্ৰেণেড বিস্ফোৰণত জড়িত ২ যুৱকক গ্ৰেপ্তাৰ।
বিস্ফোৰণত ব্যৱহৃত এখন পালছাৰ NS বাইক উদ্ধাৰ কৰে।
গ্ৰেপ্তাৰ কৰে তিতাবৰৰ বিৰাজ কছাৰী আৰু অচ্যুত গগৈক।

 

 

Sangita Dutta News Editor Rnewsindia24.com