Rnewsindia24.com Assam 22 April 2024:-
১/ ৰাষ্ট্ৰপতি ভৱনত পদ্ম সন্মান প্ৰদান অনুষ্ঠান।
ৰাষ্ট্ৰপতি দ্ৰৌপদী মুৰ্মূৱে প্ৰদান কৰে পদ্ম সন্মান।
পদ্ম সন্মান প্ৰাপক সকল ক্ৰমে – বলীউডৰ অভিনেতা মিঠুন চক্ৰৱৰ্তীলৈ পদ্ম ভূষণ সন্মান, অসমৰ ওজাপালিৰ সাধক দ্ৰোণ ভূঞালৈ পদ্মশ্ৰী সন্মান, প্ৰাক্তন উপ-ৰাষ্ট্ৰপতি এম ভেংকায়া নাইডুলৈ পদ্ম বিভূষণ সন্মান, অসমৰ কৃষক সৰ্বেশ্বৰ বসুমতাৰীলৈ পদ্মশ্রী সন্মান।
উক্ত অনুষ্ঠানত উপস্থিত থাকে নৰেন্দ্ৰ মোদী, অমিত শ্বাহ, জগদ্বীপ ধনখড়, দেশৰ বহু কেইগৰাকী গণ্য মান্য ব্যক্তি।
২/ ২২ জানুৱাৰীত অযোধ্যাৰ ৰাম মন্দিৰত ৰামলালাৰ প্ৰাণ প্ৰতিষ্ঠা হোৱাৰ পাছতেই ৰাম মন্দিৰত বৰ্তমানলৈকে ১.৫ কোটি লোকে দৰ্শন কৰিছে ৰামলালাক।
৩/ আজি বিশ্ব ধৰিত্ৰী দিৱস।
ৰাজ্যৰ বিভিন্ন প্ৰান্তত এই দিৱস উদযাপন কৰাৰ সমান্তৰালকৈ ধেমাজি জিলাৰ গোগামুখ ৰৌগৃ ৰৌগাম প্ৰাংগনত TMPK, MMK, TMMK ধেমাজি জিলা সমিতিৰ উদ্যোগত ধৰিত্ৰী দিৱস উপলক্ষ্যে বৃক্ষৰোপণ কাৰ্য্যসূচী ৰূপায়ন কৰে।
আনহাতে, জাগীৰোডত পালন কৰে ‘হস্তী প্ৰণাম’ শীৰ্ষক বিশেষ কাৰ্যসূচী।
প্ৰকৃতিপ্ৰেমী মঞ্চ অসমে পালন কৰে এই বিশেষ কাৰ্যসূচী।
৪/ লাডাখত উপস্থিত হয় ৰাজনাথ সিং।
ছিয়াছিনত সেনা জোৱানৰে সৈতে মত বিনিময় কৰে ৰাজনাথ সিঙে।
৫/ কেৰালাৰ ৱায়ানাড় লোকসভা সমষ্টিত নিৰ্বাচনী সভা মুখ্যমন্ত্ৰী ড’ হিমন্ত বিশ্ব শৰ্মা।
লগতে বিশাল ৰোড শ্ব’ত অংশগ্ৰহণ কৰে মুখ্যমন্ত্ৰী গৰাকীয়ে।
৬/ তামুলপুৰত মন্ত্ৰী অশোক সিংহলৰ নিৰ্বাচনী প্ৰচাৰ।
দৰং-ওদালগুৰি সমষ্টিৰ প্ৰাৰ্থী দিলীপ শইকীয়াৰ হৈ নিৰ্বাচনী প্ৰচাৰ চলাই মন্ত্ৰী গৰাকীয়ে।
৭/ নগাঁৱত মন্ত্ৰী পীযুষ হাজৰিকাৰ নিৰ্বাচনী প্ৰচাৰ সভা।
সুৰেশ বৰাৰ হৈ নিৰ্বাচনী প্ৰচাৰ চলাই মন্ত্ৰী পীযুষ হাজৰিকাই।
৮/ কাইলৈ তামুলপুৰৰ নাগ্ৰীজুলিত প্ৰচাৰ চলাব মুখ্যমন্ত্ৰীয়ে।
দৰং-ওদালগুৰি সমষ্টিৰ প্ৰাৰ্থী দিলীপ শইকীয়াৰ হৈ চলাব প্ৰচাৰ।
মুখ্যমন্ত্ৰীৰ আগমনৰ পূৰ্বে মিত্ৰজোঁটৰ নেতা-কৰ্মীৰ গুৰুত্বপূৰ্ণ বৈঠক অনুষ্ঠিত হয়।
৯/ নিৰ্বাচনী ধামখুমীয়াৰ মাজতে পুনৰ ২০ টকীয়া আলু হৈছেগৈ ৩০ টকা।
খুচুৰা বজাৰত প্ৰতিকেজি আলুত ৫-১০ টকাকৈ বৃদ্ধি।
এসপ্তাহৰ ব্যৱধানত বৃদ্ধি পাইছে আলুৰ দাম।
বহিঃৰাজ্যৰ পৰা আমদানিকৃত আলুৰ দাম বাঢ়িল ১০ টকা পৰ্যন্ত।
১০/ নগৰবেৰাত দুৰ্নীতি নিবাৰক আৰু তদাৰকী শাখাৰ জালত লাট মণ্ডল আৰু গাঁওপ্ৰধান।
লাট মণ্ডল অনুপ কুমাৰ চৌধুৰী আৰু গাঁওপ্ৰধান হজৰত আলীক গ্ৰেপ্তাৰ কৰে।
১১/ তৃতীয় পৰ্যায়ৰ নিৰ্বাচনৰ বাবে দাখিল কৰা ৮গৰাকী প্ৰাৰ্থীৰ মনোনয়ন বাতিল।
কোকৰাঝাৰত ১গৰাকী, ধুবুৰীত ৪গৰাকী আৰু বৰপেটাত ১গৰাকী, গুৱাহাটী সমষ্টিত ২গৰাকী প্ৰাৰ্থীৰ মনোনয়ন বাতিল কৰে।
১২/ বিহাৰৰ বাক্সাৰ সমষ্টিত নিৰ্বাচনী প্ৰচাৰ চলাই নিৰ্দলীয় প্ৰাৰ্থী আনন্দ মিশ্ৰই।
প্ৰচাৰ কালত সংগ দিয়ে বহু দল সংগঠনৰ বিষয়ববীয়াই।
১৩/ আজি বিজেপিৰ প্ৰথম পৰ্যায়ৰ নিৰ্বাচনক লৈ পৰ্যালোচনা বৈঠক।
বাজপেয়ী ভৱনত অনুষ্ঠিত হ’ব পৰ্যালোচনা বৈঠক। মুখ্যমন্ত্ৰী ড’হিমন্ত বিশ্ব শৰ্মাৰ উপস্থিতিত হ’ব এই বৈঠক।
১৪/ জাগীৰোডৰ ব্লক কংগ্ৰেছৰ কোষাধ্যক্ষৰ কংগ্ৰেছ ত্যাগ।
কংগ্ৰেছ ত্যাগ কৰে বিজেপিত যোগদান প্ৰতিম গগৈয়ে।
মন্ত্ৰী পীযুষ হাজৰিকাৰ উপস্থিতিত প্ৰতিম গগৈৰ লগতে আন বহু কেইগৰাকী ব্যক্তিয়ে বিজেপিত যোগদান কৰে।
১৫/ গুৱাহাটীত কংগ্ৰেছৰ ৰাষ্ট্ৰীয় নেত্ৰী সুপ্ৰিয়া শ্ৰীনেটৰ নিৰ্বাচনী সভা।
মীৰা বৰঠাকুৰৰ হৈ চলোৱা নিৰ্বাচনী প্ৰচাৰত অংশগ্ৰহণ কৰে বিশিষ্ট চিন্তাবিদ ড০ হীৰেন গোহাঁয়ে।
নিৰ্বাচনী সভাত অংশগ্ৰহণ কৰি কংগ্ৰেছক পূৰ্বৰ আদৰ্শ ধৰি ৰখাৰ পৰামৰ্শ দিয়াৰ লগতে বিজেপিক চোকা সমালোচনা কৰে ড০ হীৰেন গোহাঁয়ে।
১৬/ টীয়কৰ ৰাজপথত দপদপকৈ জ্বলিল এখন নেন’।
চলন্ত অৱস্থাতেই হঠাৎ জ্বলি উঠে বাহনখন।
শেষত সম্পূৰ্ণৰূপে জ্বলি ভস্মীভূত হয় বাহনখন।
কথমপি প্ৰাণৰক্ষা পৰে চালকজনৰ লগতে এগৰাকী কণমানি।
১৭/ হংকঙত নিষিদ্ধ ভাৰতীয় মচলা ব্ৰেণ্ড MDH আৰু এভাৰেষ্ট।
কৰ্কট ৰোগ সৃষ্টিকাৰী ৰাসায়নিক পৰ্দাথৰ অৱস্থিতি ধৰা পৰাত নিষিদ্ধ কৰে হংকঙৰ স্বাস্থ্য সুৰক্ষা সংস্থাই।
MDH ব্ৰেণ্ডৰ মাদ্ৰাছ কাৰী পাউদাৰ, মিক্সড মচালা পাউদাৰ, চামবাৰ মচালা আৰু এভাৰেষ্টৰ ফিচ কাৰী মচালা নিষিদ্ধ কৰা হৈছে হংকঙত।
১৮/ গোলাঘাটৰ পুলিবৰত চাঞ্চল্যকৰ ঘটনা।
ৰহস্যজনক অৱস্থাত উদ্ধাৰ হয় আৰক্ষী কনিষ্টবলৰ মৃতদেহ।
মৃত আৰক্ষী কনিষ্টবলজন ৰাণা বীৰ চ’ৰেণ।
নিৰ্বাচনৰ বাবে কোকৰাঝাৰৰ পৰা গোলাঘাটলৈ আহিছিল কনিষ্টবল গৰাকী।
১৯/ মহানগৰীৰ গণেশগুৰিত ফ্লায়িং স্কোৱাডৰ অভিযান।
অভিযানত জব্দ কৰে ২ লাখ ১৫ হাজাৰ টকা।
ৰিতেশ আগৰৱালা নামৰ এজন ব্যক্তিৰ পৰা জব্দ কৰে ধনখিনি।
AS19R8777 নম্বৰ বাহনৰ পৰা জব্দ কৰে ।
২০/ শিৱসাগৰত ভাগি পৰে কোটি টকীয়া নিৰ্মীয়মান দলং।
ভাগি যায় দিখৌৰ চিৰিপুৰীয়া-আজানপীৰ দৰগাহ সংযোগী দলং।
সম্পূৰ্ণৰূপে বহি গ’ল নিৰ্মাণৰত দলঙৰ মাজভাগ।
দিখৌ নৈৰ ওপৰত নিৰ্মাণ কৰি থকা হৈছে দলংখন।
ত্ৰিশূল এণ্টাৰপ্ৰাইজ নামৰ প্ৰতিষ্ঠানটোৱে চলাইছে এই নিৰ্মাণকাৰ্য।
Sangita Dutta Editor in Chief Rnewsindia24.com
