কম বেছি পৰিমানে সকলোৰে দাঁতৰ সমস্যা থাকে। দাঁতৰ এই সমস্যাত ভুগিছে নেকি ?
প্ৰায় মানুহৰ দাঁতত হালধীয়া দাগ পৰা দেখা যায়।
কিয় বাৰু জানে নে ?
দাঁত ভালদৰে পৰিষ্কাৰ নকৰা, অত্যাধিক চাহ, কফি খোৱা, চিগাৰেট, গুটখা বা ধপাত আদি খোৱাৰ ফলত দাঁত হালধীয়া হৈ পৰে।
অৱশ্যে, কেতিয়াবা জেনেটিক কাৰণত দাঁত হালধীয়া হয়।
কিছুমান ঔষধ আছে যাৰ ফলত দাঁত হালধীয়া বা ক’লা হয়।
জানো আহক দাঁত বগা কৰা কেইটামান ঘৰুৱা উপায়ঃ
1. তৰমুজ দাঁতৰ বাবে অতি উপকাৰী৷
ইয়াত মেঙ্গানিজ, জিংক, পটাছিয়াম, আইৰণ, মেগনেছিয়াম, কেলচিয়াম আৰু আয়ডিন থাকে এইবোৰ দাঁতৰ বাবে উত্তম৷
2. সৰিয়হৰ তেলৰ লগত নিমখ মিলাই দাঁত মাজিলে হালধীয়া ৰং নাইকীয়া হয় আৰু লগতে দাঁতৰ পৰা তেজ ওলোৱা বন্ধ হয়
3. মেথি গুটিৰ গুড়িৰে নিতৌ পুৱা দাঁত ঘঁহিলে দাঁতৰ দাগ দূৰ হ’ব।
4. নাৰিকলৰ তেলৰ সৈতে নিমখ ভালদৰে মিহলাই সেই পেষ্টেৰে দাঁত মাজিলে সুফল পোৱা যায়।
5. সৰিয়হৰ তেল আৰু এঙাৰ মিহলাই দাঁত মাজিলে দাঁতৰ হালধীয়া ৰং সহজতে নাইকীয়া হয়।
6. দাঁতৰ হালধীয়া আঁতৰাবলৈ বিলাহী, কমলাৰ বাকলি আৰু নিমখ ব্যৱহাৰ কৰক।
7. নাৰিকল তেলৰ লগত বেকিং চডা ব্যৱহাৰ কৰি দাঁত মাজিলে এই সমস্যাৰ পৰা পৰিত্ৰাণ পাব পাৰে।
8. দাতৰ বাবে ভিটামিন ডি, ভিটামিন ‘চি’ আৰু কেলচিয়ামযুক্ত খাদ্য খাবলৈ যত্ন কৰক৷ গাখীৰ, কেঁচা শাক-পাচলি, বিশেষকৈ বিলাহী, আপেল, নেমু, কমলা, মৌচুমী আদি ফল যথেষ্ট পৰিমাণে খাব৷
9. ফলমূল কেঁচাই দাঁতেৰে চোবাই খাব লাগে৷ তেতিয়া দাঁতৰ ব্যায়াম হয় আৰু দাঁত ভালে থাকে৷
10. দাঁতত কলৰ বাকলিৰে মাজিলে হালধীয়া হোৱা আঁতৰ হয়।
গতিকে এইকেইটা উপায়েৰে আমাৰ দাঁত দুপাৰি উজ্বল কৰি ৰাখো।
কাংকান কায়োম ৰ প্ৰতিবেদন R News India 24