৫ মিনিটত ২০ টা গুৰুত্বপূৰ্ণ খবৰ।

Rnewsindia24.com Assam March 17/2023:- 

1. আজি ঘোষণা হ’ল খুমটাই সমষ্টিত অনুষ্ঠিত হোৱা আন্তঃগাঁও আৰু আন্তঃচাহ বাগিচাৰ ফলাফল।
মুখ্যমন্ত্রী ড° হিমন্ত বিশ্ব শৰ্মাই আনুষ্ঠানিকভাৱে ফলাফল ঘোষণা কৰে।
“কেৱল খুমটায়েই নহয়, অতি শীঘ্রে সমগ্র ৰাজ্যৰ জিলাসমূহৰ মাজতো অনুষ্ঠিত কৰা হ’ব স্বচ্ছতাৰ প্রতিযোগিতা” বুলি মন্তব্য কৰে মুখ্যমন্ত্ৰী গৰাকীয়ে।

2. অসম বিধানসভাৰ বাজেট অধিৱেশনত ৰাজ্যৰ মডেল হাস্পতালসমূহত চিকিৎসক-নাৰ্ছকে ধৰি আন কৰ্মচাৰীৰ অভাৱৰ কথা বৰ্ণনা কৰিলে বিধায়কসকলে।
স্বাস্থ্য বিভাগৰ সমস্যা সমাধানৰ বাবে এইবাৰ স্বাস্থ্য উৎসৱ পতা হ’ব বুলি ঘোষণা কৰিলে স্বাস্থ্যমন্ত্রী কেশৱ মহন্তই।
অসম চৰকাৰৰ বাজেটক ফাঁকিবাজ আখ্যা অসম তৃণমূল কংগ্ৰেছৰ সভাপতি ৰিপুণ বৰাৰ।
“আমি বাজেটখনক ধিক্কাৰ দিছো”- মন্তব্য ৰিপুণ বৰাৰ।

3. বাতিল হোৱা মেট্ৰিকৰ MILৰ পৰীক্ষাৰ নতুন দিন ঘোষণা।
১ এপ্ৰিলত অনুষ্ঠিত হব MIL ৰ পৰীক্ষা।
ছেবা কৰ্তৃপক্ষই প্ৰকাশ কৰিলে নতুন সূচী।

4. অৱশেষত দোষমুক্ত হ’ল বৰ্ষাশ্ৰী বুঢ়াগোহাঁই।
গোলাঘাট জিলা সত্ৰ ন্যায়াধীশৰ আদালতে বৃহস্পতিবাৰে দোষমুক্ত ঘোষণা কৰে বৰ্ষাশ্ৰীক।

5. মে মাহৰ ভিতৰতে মেট্ৰিকৰ ফলাফল ঘোষণা কৰা হব।
ঘোষনা ছেবাৰ পৰীক্ষা নিয়ন্ত্ৰক নয়নজ্যোতি শৰ্মাৰ।

6. পুনৰ উৎকােচ লৈ ভিজিলেঞ্চৰ জালি পৰিল লাট মণ্ডল।
চিলিং মাটি মিয়াদি পট্টালৈ ৰূপান্তৰিত কৰাৰ অজুহাতত এজন লােকৰ পৰা উৎকোচ লোৱাৰ সময়তে ভিজিলেঞ্চৰ দলে হাতে-লােটে গ্ৰেপ্তাৰ কৰে লাটমণ্ডল জনক।
ধৃত লাটমণ্ডলজনৰ নাম টংকেশ্বৰ নাথ।
হাজাে ৰাজহ চক্ৰ কাৰ্যালয়ত কৰ্মৰত।

7. মহানগৰীত ভয়ংকৰ শিশু অপহৰণৰ ঘটনা।
খেলি থকা অৱস্থাতে গীটানগৰৰ পৰা অপহৃত হয় দুই শিশু৷
অপহৃত দুই শিশু হৈছে বিবেক কুমাৰ আৰু অজিত কুমাৰ।
বিহাৰৰ দুৰ্বৃত্তই অপহৰণ কৰাৰ সন্দেহ পৰিয়ালৰ লোকৰ৷
ঘটনাস্থলীত আৰক্ষী উপস্থিত হৈ তদন্ত আৰম্ভ কৰিছে।

8. ভাৰতীয় সেনাৰ চিতা হেলিকপ্টাৰ দুৰ্ঘটনাগ্ৰস্ত হৈ শ্বহীদ হল লেফটেনেন্ট কৰ্ণেল ভি ভি ভি ৰেড্ডী আৰু মেজৰ জয়ন্ত এ।
এই ঘটনা সংঘটিত হৈছে অৰুণাচল প্ৰদেশত।

9. ডিব্ৰুগড়ত আছুৰ প্ৰতিবাদ।
শ শ পৰীক্ষাৰ্থী আৰু অভিভাৱকক লগত লৈ ডিব্ৰুগড় ছাত্ৰই শিক্ষা মন্ত্ৰী ডাঃ ৰনোজ পেগু, ছেবাৰ অধ্যক্ষ ৰমেশ জৈন, পৰীক্ষা নিয়ন্ত্ৰক নয়নজ্যোতি শৰ্মাৰ প্ৰতিকৃতি দাহ কৰি সাব্যস্ত কৰে তীব্ৰ প্ৰতিবাদ।

10. শিৱসাগৰ জিলা আমগুৰিত জব্দ বহিঃৰাজ্যৰ গাহৰি।
অসমত বহিঃৰাজ্যৰ গাহৰি প্ৰৱেশ নিষিদ্ধ হোৱাৰ সময়তে আমগুৰিত জব্দ হৈছে বহি:ৰাজ্যৰ গাহৰিভৰ্তি বাহন।

11. প্ৰশ্নকাকত ফাদিলৰ অভিযুক্ত শিক্ষক প্ৰসন্ন দাস, প্ৰণৱ দত্ত, কুমুদ ৰাজখোৱাক চাকৰিৰ পৰা নিলম্বন।
লখিমপুৰ জিলা ISয়ে জাৰি কৰে এই নিৰ্দেশনা।
ডফলাকটা জনজাতি হাইস্কুলৰ সহঃ শিক্ষক আছিল প্ৰসন্ন দাস।

12. উত্তৰ প্ৰদেশৰ চম্ভালত ভয়ংকৰ দুৰ্ঘটনা।
ক’ল্ড ষ্ট’ৰেজৰ ছাদ পৰি ৬ জন লোকৰ মৃত্যু হয়।
অব্যাহত আছে উদ্ধাৰ অভিযান।

13. জুৱা খেলি ৰঙাঘৰলৈ প্ৰাক্তন অগপ বিধায়ক।
ডিব্ৰুগড় চহৰৰ মাজমজিয়াত প্ৰাক্তন কংগ্ৰেছী ৱাৰ্ড মেম্বাৰৰ ঘৰত বহা জুৱাৰ আড্ডাত হাতে-লোটে ধৰা পৰিল নাহৰকটীয়াৰ প্ৰাক্তন অগপ বিধায়ক নৰেন সোণোৱাল।
ডিব্ৰুগড় চহৰত এতিয়া ব্যাপক প্ৰতিক্ৰিয়াৰ সৃষ্টি হৈছে।

14. কেৰালাত ৭৫ লাখ টকাৰ লটাৰী লাভ কৰে পশ্চিম বংগৰ শ্ৰমিকে।
কেৰালা চৰকাৰৰ স্ত্ৰী শক্তি লটাৰী লাভ কৰি সুৰক্ষা বিচাৰি আৰক্ষী থানাত হাজিৰ এচ কে বাদেশ।
কেৰালাত শ্ৰমিক হিচাপে নিয়োজিত আছিল পশ্চিম বংগৰ লোকজন।

15. মহানগৰীত ভয়ংকৰ পথ দুৰ্ঘটনা।
ৰাষ্ট্ৰীয় ঘাইপথৰ কাষতে নিয়ন্ত্ৰণ হেৰুৱাই AS01BQ6111 নম্বৰৰ বিলাসী বাহন সোমাল খান্দি থোৱা নলাত।
বৰ্তমান কোনো লোক আঘাতপ্ৰাপ্ত হোৱা নাই।
বশিষ্ঠ চাৰিআলিত সংঘটিত এই দুৰ্ঘটনাত।

16. কামপুৰত নিৰ্মীয়মান অৱস্থাতে ভাগি পৰিল কপিলী নৈৰ দলং।
দলং খন এনেদৰে ভাগি পৰাৰ পিছত কামপুৰ অঞ্চলত তীব্র প্রতিক্রিয়াৰ সৃষ্টি হৈছে।
ঘটনাস্থলীত কেইবাটাও ক্ষুব্ধ দল-সংগঠনে প্ৰতিবাদ সাব্যস্ত কৰে।

17. ৰাজ্য চৰকাৰৰ ফালৰ পৰা অসমত বহিঃৰাজ্যৰ গাহৰিৰ প্রৱেশত নিষেধাজ্ঞা জাৰি কৰা আছে।
এনে পৰিস্থিতিৰ মাজতে শিৱসাগৰৰ আমগুৰিত গাহৰি ভৰ্তি বহিঃৰাজ্য ট্রেইলৰ এখন জব্দ।
স্থানীয় কেইবাটাও যুৱ ছাত্র সংগঠনে গাড়ীখন জব্দ কৰি আৰক্ষীক চমজাই দিয়ে।
শিৱসাগৰত এতিয়া তীব্ৰ প্ৰতিক্ৰিয়া সৃষ্টি হৈছে।

18. দৰং জিলা জলসিঞ্চন বিভাগত দুৰ্নীতি ।
বাহঁজানি শ্যামদত্ত বান্ধৰ কেনেল চাফা কৰাৰ নামত কেলেংকাৰী।
ঠিকাদাৰে কোনো কাম নকৰাকৈ বিল লোৱাৰ অভিযোগ উঠিছে।
কাম নকৰাকৈ ৪০ লাখ টকা উঠোৱাৰ চেষ্টা ঠিকাদাৰৰ।

19. নলবাৰীৰ ১৮ নং বালিতাৰা গাঁও পঞ্চায়তত দুৰ্নীতি।
PMAY গৃহৰ ফটো উঠোৱাৰ নামত ধন সংগ্ৰহ।
কৰ্মচাৰী হিৰেন তালুকদাৰ ওৰফে বাপাইৰ বিৰুদ্ধে গুৰুতৰ অভিযোগ উঠিছে।
পূৰ্বেও সংবাদ মাধ্যমত বাতৰি সম্প্ৰচাৰ হৈছিল বালিতাৰা গাঁও পঞ্চায়তৰ দুৰ্নীতিৰ বিৰুদ্ধে।
টেক্স কালেক্টৰ হিৰেণ তালুকদাৰে ২০০ৰ পৰা ৫০০টকাকৈ ধন সংগ্ৰহ কৰাৰ অভিযোগ।

20. পৰীক্ষা কেন্দ্ৰত কন্যাক প্ৰশ্নোত্তৰ লিখি দিয়া শিক্ষকক গ্ৰেপ্তাৰ কৰা হৈছে৷
সোধা-পোছাৰ অন্তত গ্ৰেপ্তাৰ শিক্ষক আনোৱাৰুল হক।
বাশকান্দি আৰক্ষীয়ে গ্ৰেপ্তাৰ কৰিছে শিক্ষকজনক ৷
নেনা মিয়া বিদ্যালয়ৰ পৰীক্ষা কেন্দ্ৰত সংঘটিত হৈছিল এই আজৱ কাণ্ড৷
SICK ৰুমত পৰীক্ষাত বহা কন্যাক উত্তৰ লিখি দিছিল শিক্ষকজনে৷
ঐচ্ছিক ভাষাৰ পৰীক্ষাৰ দিনাই সংঘটিত হৈছিল এই ঘটনা৷
কেমেৰাত বন্দী হৈছিল শিক্ষক পিতৃৰ কাণ্ড৷