জি-২০, ৰাষ্ট্ৰীয় শিক্ষানীতি-২০২০ আৰু নিপুণ অসমৰ পটভূমিত জিলা পৰ্যায়ৰ এদিনীয়া কৰ্মশালা।

Rnewsindia24.com

১২ জুন তাৰিখে ধেমাজি জিলা শিক্ষা বিভাগ আৰু সমগ্ৰ শিক্ষা ধেমাজিৰ উদ্যোগত জি-২০, ৰাষ্ট্ৰীয় শিক্ষানীতি-২০২০ আৰু নিপুণ অসমৰ পটভূমিত ধেমাজি মহাবিদ্যালয়ৰ প্ৰেক্ষাগৃহত এদিনীয়া কাৰ্যসূচীৰে জিলা পৰ্যায়ৰ এখনী কৰ্মশালা অনুষ্ঠিত হয়।

পুৱা ৯ বজাত জিলা তথা খণ্ড পৰ্যায়ৰ বিষয়াসকল, শিক্ষক, ছাত্ৰ-ছাত্ৰী, অভিভাৱক আৰু আমন্ত্ৰিত বিশিষ্ট অতিথিসকলৰ উপস্থিতিত জি-২০, ৰাষ্ট্ৰীয় শিক্ষানীতি-২০২০ আৰু নিপুণ অসমৰ অধীনত ৰূপায়িত হৈ থকা বুনিয়াদী সাক্ষৰতা আৰু সাংখ্যিকতা অভিযান সম্পৰ্কে সজাগতা সমদল উলিয়াই ।

কৰ্মশালাখনি সমবেত সংগীতেৰে শুভাৰম্ভ কৰে।

আদৰণি ভাষণ প্ৰদান কৰে বিদ্যালয় সমূহৰ পৰিদৰ্শক তথা জিলা প্ৰাথমিক শিক্ষা বিষয়া আৰু জিলা মিছন সমন্বয়ক কবিতা ডেকাই ।

মুখ্য অতিথি হিচাপে উপস্থিত থাকে ধেমাজি জিলাৰ অতিৰিক্ত উপায়ুক্ত (শিক্ষা) সঞ্জীৱ ফুকন।

কৰ্মশালাখনিত সমল ব্যক্তি উপস্থিত থাকে মৰিধল মহাবিদ্যালয়ৰ শিক্ষাতত্ব বিভাগৰ মুৰব্বী অধ্যাপক ড° লেখন গগৈ।
তেখেতে ৰাষ্ট্ৰীয় শিক্ষানীতি-২০২০ ৰ ওপৰত আলোকপাত কৰে ।

কৰ্মশালাখনত বক্তব্য আগবঢ়াই বুনিয়াদী সাক্ষৰতা আৰু সাংখ্যিকতা অভিযান ৰ জিলা পৰামৰ্শদাতা ৰশ্মি দলে, ধেমাজি জিলা শিক্ষাগ্ৰহণ আৰু প্ৰশিক্ষণ প্ৰতিষ্ঠানৰ প্ৰবক্তা মায়াশ্ৰী চেতিয়া ফুকনে।

কৰ্মশালাখনিত ২ নং ভৰালীচুক প্ৰাথমিক বিদ্যালয়ৰ ছাত্ৰ-ছাত্ৰীসকলে যোগাভ্যাস প্ৰদৰ্শন কৰাৰ লগতে নলনিপাম প্ৰাথমিক বিদ্যালয় ছাত্ৰ-ছাত্ৰীসকলে আবৃত্তি-পঠন আদিত অংশগ্ৰহণ কৰে ।

কৰ্মশালাৰ সৈতে সংগতি ৰাখি বিদ্যালয়সমূহৰ মাজত উদ্ভাৱনীমুলক শিক্ষণ-শিকণ সামগ্ৰীৰ প্ৰদৰ্শন ও প্ৰতিযোগিতা অনুষ্ঠিত কৰে।
প্ৰতিযোগিতাখনি উদ্ধোধন কৰে ধেমাজি মহাবিদ্যালয়ৰ অধ্যক্ষ ড° দিপক নেওগে।

স্থানপ্ৰাপ্ত বিদ্যালয়সমূহক শিক্ষা ধেমাজিৰ তৰফৰ পৰা মান-পত্ৰ আৰু পুৰস্কাৰ প্ৰদান কৰে।

কৰ্মশালাখনিত উপস্থিত থাকে শিক্ষা ধেমাজিৰ জিলা আঁচনি বিষয়া পংকজ বৰা, অৱনী নাথ, অৰুনিমা দুৱৰা, লক্ষীমপুৰ ডায়েটৰ প্ৰবক্তা ইন্দ্ৰজিত গাম, বিবেকানন্দ্ৰ কেন্দ্ৰীয় বিদ্যালয়ৰ অধ্যক্ষ , মাডাৰছ প্ৰাইড বিদ্যালয়ৰ পৰিচালন সঞ্চালক , খণ্ড সমল ব্যক্তি কনক গগৈ, মুকুল সুত, ৰূপশিখা গগৈ, প্ৰণতি দেৱী, মণ্ডল সমল কেন্দ্ৰ সমন্বয়ক ৰিতু দাস, বিপুল কাকতি, জ্যোতিপ্ৰসাদ বৰা, তুলন শইকীয়া, জিনি ফুকন।