12. বোকাজানৰ ডিলাইত বুজন পৰিমাণৰ ড্ৰাগছ জব্দ।
ডিলাই আৰক্ষীৰ গোপন তালাচীত জব্দ ২ কোটি টকাৰ ড্ৰাগছ।
৩০ টা চাবোনৰ বাকচত আনিছিল এই ড্ৰাগছখিনি ।
13. মাজবাটৰ মূৰকাটিক অঘটন।
বিদ্যুৎস্পৃষ্ট হৈ মৃত্যু হৈছে এজন লোকৰ।
মৃত লোকজনৰ নাম ৰাও ওৰাং।
১১ হাজাৰ ভোল্টৰ তাঁৰত লাগি এই অঘটন সংঘটিত হ’ল।
চাইকেলেৰে কামলৈ গৈ থকা সময়তে এই ঘটনা সংঘতিত হয় ।
14. কামৰূপ জিলাৰ বকোত শুকুৰবাৰে নিশা ড্ৰাগছসহ এজন লোকক আৰক্ষীয়ে আটক কৰিছে ।
বকো থানাৰ অন্তৰ্গত আগছিয়া বকো থানাৰ আৰক্ষীয়ে অভিযান চলাই মানকাচৰৰ নুৰুল আলী নামৰ ড্ৰাগছ সৰবৰাহকাৰীটোক ৭ গ্ৰাম ড্ৰাগছ আৰু নিচাজাতীয় টেবলেটৰ সৈতে আটক কৰিবলৈ সক্ষম হয় ।
15.মহানগৰীত পুনৰ সংঘটিত আত্মহত্যাৰ ঘটনা ।হস্ত-তাঁত বস্ত্ৰ শিল্পৰ
উপ-সঞ্চালক বিপুল কলিতাৰ আত্মহত্যা।
মহানগৰীৰ ঘোৰামাৰাত অন্তিম পন্থা হাতত লয় উপ-সঞ্চালক গৰাকীয়ে।মৃত্যুৰ পূৰ্বে লিখি থৈ গৈছিল ছুইচাইড নোট ।ছুইচাইড নোটত উল্লেখ কৰি গৈছে দুগৰাকী ব্যক্তিৰ নাম ।
16. বাক্সা জিলাৰ বিভিন্ন প্ৰান্তত এতিয়াও অব্যাহত আছে বন্য হস্তীৰ উপদ্ৰৱ।
খাদ্যৰ সন্ধানত ভূটান পাহাৰৰ পৰা নামি অহা বনৰীয়া হাতীৰ বৃহৎ জাক এটাই বিগত এমাহ ধৰি বাক্সা জিলাৰ মৈঠাবাৰী, শিমলিগুৰী, মিলনপুৰ, বৰিকাদঙা, ভূটানখুটি, নবস্তি, খৈৰাণী আদি বিভিন্ন অঞ্চলত উপদ্ৰৱ চলাই কেইবাটাও বাসগৃহ ভাঙি লণ্ড-ভণ্ড কৰাৰ লগতে বহু কৃষকৰ তামোলবাৰী,কলৰ বাগান, ধান আদি খেতি খাই গচকি তহিলং কৰিছে ৷
