গুৱাহাটীৰ আদালতত হাজিৰ হব লাগিব দিল্লিৰ উপ মুখ্যমন্ত্ৰী মনীষ চিছোদিয়া ।

দিল্লিৰ উপ মুখ্যমন্ত্ৰী মনীষ চিছোদিয়াক মুখ্যমন্ত্ৰী হিমন্ত বিশ্ব শৰ্মাৰ দ্বাৰা দাখিল কৰা মানহানিৰ গোচৰৰ বাবে গুৱাহাটিৰ আদালতৰ পৰা জাৰি কৰা হৈছে চমন।

গুৱাহাটীৰ এখন স্থানীয় আদালতে দিল্লীৰ উপ মুখ্যমন্ত্ৰীক ২৯ ছেপ্টেম্বৰত অসমৰ মুখ্যমন্ত্ৰীয়ে দাখিল কৰা মানহানিৰ গোচৰত হাজিৰ হ’বলৈ নিৰ্দেশ দিছে।

অভিযােগ অনুষৰি শৰ্মাৰ পত্নী ৰিনিকি ভূঞা শৰ্মাৰ বিৰুদ্ধে এখন সংবাদমেলত 2020 চনত পিপিই কিট যোগানৰ ক্ষেত্ৰত দুৰ্নীতিৰ মিছা অভিযোগ আনিছিল মনীষ চিছোদিয়াই।

যাৰ বাবে হিমন্ত বিশ্ব শৰ্মাই অপৰাধমূলক মানহানিৰ গোচৰ ৰুজু কৰিছিল।

শৰ্মা ২০২০ চনত প্ৰথম বিজেপি নেতৃত্বাধীন ৰাজ্য চৰকাৰৰ সময়ত স্বাস্থ্য আৰু পৰিয়াল কল্যাণ মন্ত্ৰী আছিল।

আনহাতে মনীষ চিছোদিয়াৰ জন্মভূমিত এটি তদন্তকাৰি সংস্থা উপস্থিত হৈ খুৰাকক সোধ-পােছ কৰে।

ধৌলানা উন্নয়ন খণ্ডৰ অন্তগত এখন গাওঁ শ্বাহপুৰ ফৌগাউটা হৈছে দিল্লীৰ উপ মুখ্যমন্ত্ৰী আৰু শিক্ষা মন্ত্ৰী মনীষ চিছোদিয়াৰ স্থানীয় গাওঁ।

বৰ্তমান মনীষ চিছোদিয়াৰ পৰিয়ালৰ সদস্যসকল গাওঁখনত বাস কৰে।

মঙলবাৰে তেওঁৰ সম্পত্তি পৰীক্ষা কৰিবলৈ চাৰিৰ পৰা পাঁচখন গাড়ীৰে উপস্থিত হয় বিষয়াৰ এটা দল।

উপ মুখ্যমন্ত্ৰীজনৰ খুৰাক সোনবীৰ সিঙে কয় যে মঙলবাৰে আবেলি তেওঁৰ ঘৰত চাৰি-পাঁচখন গাড়ী ৰৈছিল।

সকলো বোৰ গাড়ী দিল্লী নম্বৰৰ আছিল।

গাড়ীখনৰ আৰোহীসকলে তেওঁক তেওঁলোকৰ সৈতে গাড়ীত বহিবলৈ বাধ্য কৰিছিল।

তেওঁলোকে তেতিয়া তেওঁক পথাৰলৈ লৈ গৈছিল আৰু মাটিৰ বিষয়ে সোধা-পোছা কৰিছিল।

মনীষ চিছোদিয়াৰ খুৰাকে গাড়ীখনৰ আৰোহীসকলক চিবিআইৰ দল বুলি সন্দেহ কৰি কৈছিল যে গাড়ীখনৰ আৰোহীসকলে গাওঁখনত মনীষ চিছোদিয়াই নিৰ্মাণ কৰা মন্দিৰ, পৈতৃক সম্পত্তি আদিৰ বিষয়ে অনুসন্ধান কৰিছিল।

তেওঁ কয় যে ইয়াৰ পৰা ওলাই যোৱাৰ পিছত মনীষ চিছোদিয়াই গাওঁখনত কোনো মাটি ক্ৰয় কৰা নাই।

তেওঁ গাড়ীত থকা বিষয়াসকলকো এইকথা কৈছিল।

দলটোৱে তেতিয়া তেওঁক গাওঁখনত এৰি উভতি আহিছিল।

আনহাতে, সংবাদ সংস্থা ANI য়ে জানিবলৈ দিয়ে যে ED এ দিল্লী আবকাৰী নীতি ২০২১-২২ গোচৰত মনীষ চিছোদিয়াৰ বিৰুদ্ধে ধন ৰপ্তানিৰ গোচৰ ৰুজু কৰিছে।

অৱশ্যে, কিছু সময়ৰ পিছত সংবাদ সংস্থাটোৱে কয় যে ED ৰ শীৰ্ষ বিষয়াই মনীষ চিছোদিয়াৰ বিৰুদ্ধে গোচৰ ৰুজু কৰা হৈছে বুলি অস্বীকাৰ কৰিছে।

দৰাচলতে, দিল্লীৰ সচিবৰ প্ৰতিবেদনৰ আধাৰত LG য়ে CBI তদন্তৰ পৰামৰ্শ দিছিল।

প্ৰতিবেদনখন ৮ জুলাইত প্ৰেৰণ কৰা হৈছিল।

য’ত যোৱা বছৰ কাৰ্যকৰী কৰা আবকাৰী নীতিৰ ওপৰত প্ৰশ্ন উত্থাপন কৰা হৈছিল।

য’ত আবকাৰী নীতি (2021-22) প্ৰস্তুত আৰু ৰূপায়ণত অৱহেলা কৰাৰ লগতে নীতিৰূপায়ণত নিয়ম আৰু গুৰুতৰ ত্ৰুটি উপেক্ষা কৰাৰ অভিযোগ আছে।

ইয়াত অন্যান্য বিষয়ৰ সৈতে নিবিদা চূড়ান্ত কৰাত অনিয়ম আৰু নিবিদাৰ পিছত নিৰ্বাচিত বিক্ৰেতাসকলক লাভান্বিত কৰা অন্তৰ্ভুক্ত থাকে।

প্ৰতিবেদনখনত এইটোও অভিযোগ কৰা হৈছিল যে সুৰা বিক্ৰী কৰা সকলৰ অনুজ্ঞা পত্ৰৰ মাচুল ৰেহাই দিয়াৰ ফলত চৰকাৰে ১৪৪ কোটি টকাৰ লোকচানৰ সন্মুখীন হৈছে।

আবকাৰী মন্ত্ৰী হিচাপে মনীষ চিছোদিয়াই এই ব্যৱস্থাবোৰ উপেক্ষা কৰিছে।

 

বিশ্বজিত দত্তৰ প্ৰতিবেদন  R News India 24