বিশিষ্ট অভিনেতা গুণ মহন্ত দেৱৰ জীৱনযাত্ৰাঃ

Rnewsindia24.com

গুণ মহন্তঃ- অসমীয়া চলচ্চিত্ৰ জগতৰ এগৰাকী অন্যতম পুৰোধা ব্যক্তি, এগৰাকী শক্তিশালী অভিনেতা আছিল।

তেখেতৰ নিখুত অভিনয়ৰে আৰু মুখৰ মিঠা হাঁহিৰে যিকোনো মানুহক আপোন কৰিব পাৰিছিল ।

তেওঁ জন্ম হৈছিল ১৯৪৬ চনত নগাঁৱত।
দেউতাকৰ নাম আছিল চিদানন্দ মহন্ত আৰু মাকৰ নাম আছিল গন্ধপ্রিয়া মহন্ত।

প্ৰাথমিক শিক্ষা গ্ৰহন কৰিছিল শেনচোৱা বিদ্যালয়।
কুঁজীডাহ উচ্চতৰ মাধ্যমিক বিদ্যালয়, নগাঁও চৰকাৰী বালক উচ্চতৰ মাধ্যমিক বিদ্যালয়ত পাঠদান কৰে আৰু শেষত নগাঁও মহাবিদ্যালয়ৰ পৰা স্নাতক ডিগ্ৰী গ্ৰহণ কৰে।

তেওঁ বহু পলমকৈ চলচ্চিত্ৰ জগতত প্ৰৱেশ কৰে৷
১৯৯৪ চনত মুক্তি পোৱা ‘অগ্নিগড়’ ৰ জৰিয়তে চলচ্চিত্ৰৰ ক্ষেত্ৰখনত খোজ পেলাইছিল।
প্ৰায়ভাগতে নাটকত তেওঁক দেউতাকৰ চৰিত্ৰত দেখা পোৱা গৈছিল।

মহন্ত দেৱ বিভিন্ন সামাজিক কামৰ সৈতেও জড়িত আছিল।
এসময়ত ভি চি ডি ছবিত অভিনয় কৰি এখন চিনাকী মুখ হৈ পৰিছিল।
তেওঁ ডেৰশৰো অধিক মঞ্চ নাটক, শতাধিক ভিচিডি,আঠখন তথ্যচিত্ৰ, দহখনৰো অধিক ৰেডিঅ’ নাটত অভিনয় কৰিছিল।

তেওঁ অভিনয় কৰা চলচ্চিত্ৰ সমূহ হৈছে- উজনীৰ দুজনী গাভৰু, প্ৰেম আৰু প্ৰেম, অধিনায়ক. এই মৰম তোমাৰ বাবে, কন্যাদান, ৰণাংগিনী,
শেষ উপহাৰ, মৰম নদীৰ গাভৰু ঘাট, সৰু বোৱাৰী, মাঘত মামণিৰ বিয়া, মিঠা মিঠা লগনত, কাদম্বৰী,
দীনবন্ধু, চক্ৰবেহু,
শ্ৰীমন্ত শংকৰদেৱ,ৰঙানদী,
বীৰ চিলাৰায়, জীয়া জুৰিৰ সুবাস ইত্যাদি।

তেওঁ মৃত্যুৰ সময়লৈকে ইখনৰ পিছত সিখন জনপ্রিয় চলচ্চিত্ৰত অভিনয় কৰি গৈছিল।

গুণ মহন্ত দেৱে অসমীয়া চলচ্চিত্ৰ জগতৰ পৰা শ্ৰী শ্ৰী মথুৰা দাস বুঢ়া আতা বঁটা, সাৰদা সংগীত কানন বঁটা, ইন্দ্ৰ বণিয়া সোঁৱৰণী বঁটা, অসমীয়া সাহিত্য সন্মিলনীৰ অভিনয় শিল্পীৰ বঁটাৰ লগতে বিভিন্ন সন্মান লাভ কৰিবলৈ সক্ষম হৈছিল।

২০১৮ চনৰ আজিৰ দিনটোতে (২৭ আগষ্ট) মৃত্যু হৈছিল এইগৰাকী অভিনেতা তথা বৰেণ্য নাট্যকর্মী গুণ মহন্তই।

তেখেতে অসমীয়া চলচ্চিত্ৰ জগতলৈ আগবঢ়াই থৈ যোৱা অৱদানৰ বাবে অসমবাসীয়ে সদায় স্মৰণ কৰিব।

এনে মহান ব্যক্তিসকলৰ বিষয়ে জানি থাকিবৰ বাবে চাই থাকিব www.rnewsindia24.com

By : Sangita Dutta