Mising Autonomous Council.
আমি সদায় নিজকে সুস্থ-সবল কৰি ৰাখিব বিচাৰোঁ।
সেইবাবে আমি খোৱা খাদ্যবোৰত গুৰুত্ব দিব লাগিব।
স্বাস্থ্য ভালে থাকিলে মন ভালে থাকে।
প্ৰায় সকলোৱে ৰাতি কি কি খাদ্য খাব নালাগে জানো কিন্তু কিয় খাব নালাগে হয়তো কম সংখ্যকেহে জানো।
নহয় নে ?
আজি আমি জানো আহক ৰাতি কি কি খাদ্য খাব নালাগেঃ-
ক) ৰাতি শাক খাব নালাগে।
কাৰণ শাকে কেতিয়াবা পাচন ক্রিয়াত খেলিমেলি সৃষ্টি কৰিব পাৰে, গেছ, এচিডিটি বা বদহজম হ’ব পাৰে৷
খ) ৰাতি ফুলকবি, ব্রকলি, তিতাকেৰেলা, অত্যধিক টেঙা, তিতা, জলা বা খাৰযুক্ত খাদ্যও পৰাপক্ষত খাব নালাগে৷
এইবোৰ খাদ্যই পেটৰ সমস্যা হোৱাৰ উপৰিও টোপনিত ব্যাঘাত হোৱাৰ সম্ভাৱনা থাকে৷
গ) ৰাতি তিয়ঁহ, বিলাহীৰ কেঁচা চালাড খাব নালাগে।
কেঁচা চালাড হজম হওঁতে অলপ সময় লাগে৷
অৱশ্যে সিজাই খালে অপকাৰ নকৰে৷
ঘ) ৰাতি কফী, ডার্ক চকলেট আৰু চাহ বিশেষকৈ গাখীৰ চাহ কমাই খাব লাগে৷
কাৰণ এইবিলাক খাদ্যত কেফেইন নামৰ ৰাসায়নিক পদার্থ থাকে যিয়ে হয়তো টোপনিত ব্যাঘাত জন্মাব পাৰে৷
ঙ) ৰাতি দৈ খাব নালাগে৷
দৈ এবিধ পুষ্টিকৰ খাদ্য কিন্তু ইয়াক সঠিক সময়ত সেৱন নকৰিলে পার্শ্বক্রিয়া হ’ব পাৰে৷
ঙ) চীজ, বাটাৰ বা অন্য চর্বিযুক্ত খাদ্য ৰাতি কমাই খাব লাগে৷
ফেট বা চর্বি হজম হওঁতে যথেষ্ট সময় লাগে।
চ) গেছৰ সমস্যা থকা সকলৰ বাবে ৰাতি শাক খালে অতিকে বেয়া।
গতিকে আপোনালোকে ৰাতি এই সমূহ খাদ্য নাখাব।
বিঃদ্ৰঃ- এই তথ্যখিনি বিভিন্ন উৎসৰ পৰা সংগৃহীত। অধিক তথ্য জানিবৰ বাবে চিকিৎসকৰ পৰামৰ্শ গ্ৰহণ কৰিব।
ধন্যবাদ।
News Editor Sangita Dutta R News India 24
